Lʉkas 14:13 - Kálara Zyɛ̌m Edwán é mpʉ̌n

¹³ Saʼ ó, é jɔʼ go muno ze cyel dina ɛ, baŋla baanteʼenteʼe, baanya-bɨjyɛm, bʉr lé etɨa ɛ, ndwe e l'ontim.

Kálar Nzyɛ̌m : Ejwán é Sáá

¹³ Sáʼ njɨ ó, ɨ́ jɔʼ gó mû lɨ́ etyêl nzɔ́ɔ yɨ́, báŋláá míndyêbndyéb, bʉr o dí e bidyɛ̂m bá, bʉr o dí etɨ́a bá, ti e baántím.

Lʉkas 14:13 Iomraidhean Croise

Mataos 15:30

Ntuntuma bʉr, yé ntɔʼ fwal gumo nye a be e, e mɨsyoblʉ é buobuo: baa b'a be lé etɨa ɛ, ontim, baa b'a be e bɨjyɛm ɨ, bɨgʉ́ʼ, le myʉʉ mɨsyoblʉ é buobuo. Bʉr o b'a ze e mɨsyoblʉ myaa ɛ, bé a fil-fil mye ó, é mokʉ me si, nye ze tiʼ-tiʼ mye.

Mataos 22:10

Osyɛl o mosa be ntɔʼ to é mozi mɨmɛh, to le egohlo bʉr o b'a bɔma-bɔma e be e, le bɨbɨbla bɨ bʉr ndwe e baa be embɨa. Mbɛr zɔɔ eba ze loŋlo e bʉr, bɨbɛh ondindil lé ede.

Lʉkas 11:41

Dweʼ ga baanteʼenteʼe sa ndɨ é bɨfua bin tʉŋlʉ ɨ. Bɨn bé óbee ó, bɨfua bin bibyɛh, byé ó mɨfwɨʼra é mih mo Zyɛm.

Lʉkas 14:12

Yesʉs ntɔʼ lɛɛ e cyela dina ó: «É jɔʼ go lé ejam bʉr mode le ecyel dina ɛ, abaŋle ofo bo, nkʉ obɨɔ bo, nkʉ mɨmbyɛl myo, nkʉ obil o bɨsa bɨn e boo nɔɔ ndɨ mobeŋ mo mbɛr ɨ, lé ekpɛɛ ó, bé amu baŋle go ó, go toʼ, to de nteme mode é myɔɔ mɨmbɛr. ǃGo si sa no nɛʼɛ, myɛna mo, mé ófiʼ ó tɨ, é jɔʼ go lé eto de mode mɔɔ ɛ.

Lʉkas 14:14

ǃGo si sa no nɛʼɛ, go ósʉŋɔ mocyɛʼ mo mpom, ebe, bé abe e nkul ebuulo go embɨa lo enɨ. Embɨa laa, lé óka buulɔ ó, é moho ocɨcyel o bʉr, bé ópàh ɛ.»

Lʉkas 14:21

Syɛl mosa waa ntɔʼ fiʼ, to lɛɛ sɔŋ we mɨnkar myɔɔ mimyɛh. Mʉr mbɛr ntɔʼ kpaa empime. Nye ó: “Kpahba to é mɨmpaʼa ndwe e mozi mo nkana, lé eto le ejebe baanteʼenteʼe bé e baanya-bɨjyɛm, ontim ndwe e baa lé etɨa ɛ. Go ntaʼ e bɨbɛh wâ.”

Mɨlʉmlʉ 9:39

No Pyɛr a mʉa si, bé e boo nɔɔ ze to. É jɔʼ bé a pyal ɨ, bé ze to e nye é tiʼe mbɛr waa. Mɨkuho mɨ bʉba mimyɛh, myé a be ó lé ejɨŋɔ modwe. Bé ntɔʼ bʉmra Pyɛr é nka, le elɛʼle nye bɨdur le mɨlen mɨ okʉr Dɔrkas a bœr be é jɔʼ nye a baapa dime mih ɨ.

1 Timotɛ 3:2

Ebe no, yé ejala ó, nye diʼe mʉr bé ndɨ abe e nkul etɛɛ ɛ. Yé ejala ó, nye diʼe njɨ e mʉma ngwar. Yé ajala ó, mbɔʼlʉ mbɛr Zyɛm, nye fwaʼa monwoʼ. Nye kœʼœ ebò e cyen é mpaŋ pɨʼ. Nye diʼe mʉr ndɨ e modile e. Nye diʼe mʉr lé ebɨlan e l'ojyoo, waa lé egʉa dwe bʉr sikʉlʉ ɨ,

1 Timotɛ 5:10

Go ótile kuho mʉma die ó, waa wé óbe si bul jwɨ̂ʼlɨ e mɨmpaŋ bɨsyɛɛla nye lé esa ɛ. Wé beʼ mbi mʉma wi: waa a bœʼ bwan, waa a bɨlan e l'ojyoo mbɨmbɨa, waa a jwɨ̀ɨ mɨsaŋ mɨ bʉr mokʉ, waa a kɛm bʉr o b'a bul sia e mɨtuu, le waa a gba nyʉl lé esa mɨmpaŋ bɨsyɛɛla mɨmbi mɨmbi ɨ.

Títos 1:8

Yé ejala ó, nye beʼ mʉr lé egʉa bɨlan e l'ojyoo e. Leme we, wé duʼo njɨ embɨa. Nye kœʼœ ebò e cyen é mpaŋ pɨʼ. Nye diʼe cɨcyel, e leme é sɔɔɔ é mih mo Zyɛm. Nye gʉŋa emɛr leme.

Filemɔŋ 1:7

Mɨɔ wam, go a si bul gba me bɨsʉhʉ é leme é jɔʼ me a bee mpʉ go lé ecwɨa e mɨsaŋ mɨ bʉr mo Zyɛm ɨ! Yé nteme, yé a si bul gba mye nkul é monyʉl.

Ebrœ̂ 13:2

Ajɨha ga lé ebɨlan e l'ojyoo lé epyal bɨn ɨ. Bʉʉ bʉr, bé a si baʼle ojyoo mbɨmbɨa, bé ntɔʼ kœb ó, mpa yé a be ó beengles, bɛɛ l'agʉa.