Lʉkas 14:11 - Kálara Zyɛ̌m Edwán é mpʉ̌n

¹¹ Ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»

Kálar Nzyɛ̌m : Ejwán é Sáá

¹¹ Ebě, mʉr dí enkɛ́ɛ nyʉ̂l nyá, ósulɔɔ sí. Mʉr waá dí ejɔr nyʉ̂l nyé nyá, óbɨ́nɔɔ kʉ́.»

Lʉkas 14:11 Iomraidhean Croise

Mataos 23:12

Mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.

Lʉkas 1:51

Nyi kamle e bʉr be e nkul we nyiwɛh. Nye a si gbah bʉr o pyeh bɨbɛh, ndwe e bɨjwɨʼ bé a bà-bà é mɨleme myɔɔ ɛ.

Lʉkas 1:52

Nye a si dwih ojwɨɨ é bɨdia bɨ taʼa byɔɔ. No ó, bʉr o ndɨ efil monyʉl si ɨ, nyi dwe be bɨdia bɨ kʉ.

Lʉkas 14:12

Yesʉs ntɔʼ lɛɛ e cyela dina ó: «É jɔʼ go lé ejam bʉr mode le ecyel dina ɛ, abaŋle ofo bo, nkʉ obɨɔ bo, nkʉ mɨmbyɛl myo, nkʉ obil o bɨsa bɨn e boo nɔɔ ndɨ mobeŋ mo mbɛr ɨ, lé ekpɛɛ ó, bé amu baŋle go ó, go toʼ, to de nteme mode é myɔɔ mɨmbɛr. ǃGo si sa no nɛʼɛ, myɛna mo, mé ófiʼ ó tɨ, é jɔʼ go lé eto de mode mɔɔ ɛ.

Lʉkas 18:14

Yesʉs ntɔʼ lɛɛ e be ó: «Me elɛɛ bɨn ó, nwɨa tœa waa a ka fiʼ, to mbɛr we ó, nye osi bi mokebe é mih mo Zyɛm, abe mpʉ Farizyɛŋ, ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»

Jacques 1:9

Mɨɔ wina é mbɛr Zyɛm ndɨ é l'enteʼe e, nye ejala le edoʼo e dia nɨnɨ Zyɛm a cyel nye tɨʼ ɨ.

Jacques 4:10

Filɨ ga monyʉl si e Da, nye nkʉʼ bɨn bɨn kʉ.

Jacques 4:6

To kœb ó, Zyɛm, nye esʉ bɨna ga mocyɛʼ mo mpom é buobuo. Yé ó mpʉ yé ndɨ tila é Kalara Zyɛm ɨ. Yé ó tila ó: «Zyɛm, nye esa bʉr o ndɨ enkɛɛ monyʉl ɨ, mongan. Baa lé efil monyʉl si e nye e, bɛɛ, nye esʉ be mocyɛʼ mo mpom.»

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

1 Pyɛr 5:6

Ebe no, filɨ ga monyʉl si e Zyɛm, nye nkʉʼ bɨn bɨn kʉ é jɔʼ nye ópɛh ɛ.