Lʉkas 13:25 - Kálara Zyɛ̌m Edwán é mpʉ̌n

²⁵ «É jɔʼ mʉr mbɛr ómʉa, ze pɨr ebe e l'engʉŋ ɨ, bɨn bé óliʼ kʉl. Bɨn bé ókwaʼle, é kwaʼle, kwaʼle, le ejebe ó: “Da ɔɔ! Ntaʼ, ze dib bɨh ebe ʉʉ.” Nye óbɨha ó: “Me adweʼe bɨn. Me agʉa nko bɨn duho e.”

Kálar Nzyɛ̌m : Ejwán é Sáá

²⁵ «Jɔʼ mʉ̂r mbɛ̌r ógbɔlwa, nzě pɨr ébê le engʉŋ yɨ́, bɨ̌n bé ólîʼ kʉ̌l. Bɨ̌n bé ókwâʼle, jébe ó: “Dâ ɛ̌, dibɨɨ bɨ́h ebê ʉ.” Nye óyala ó: “Mé agʉ́ǎ nko bɨ̂n duho yɨ́.”

Lʉkas 13:25 Iomraidhean Croise

Mataos 25:41

«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,

Lʉkas 13:27

Nye óbâʼle lɛɛ ó: “Me agʉa nko bɨn duho e! Cyɛba ga ká ká, bɨn ontɔɔ o motie!”

Lʉkas 3:8

Guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e. Ataare ga lé elɛɛla paʼra win ó: “Bɨna ga bé e sɔŋ ó, Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Lʉkas 6:46

«Ebe yé bɨn lé ejebe me ó: “Da ɔɔ, Da ɛɛ!”, bɨn yɛɛ l'akpɛl sa mpʉ me lé elɛɛ bɨn ɨ?

2 Korɛnt 6:2

ebe, yé ó tila ó: «É jɔʼ me a bee mbɨmbɨa ó, me cwɨa ó e go e, me a si joʼo go. É dobo me a pyal ó, me ntaʼ, ze dwe bʉr tiʼ molu mo mpoʼ mɨmɛh ɛ, me a si kɛm go.» Jɔʼ Zyɛm a bee mbɨmbɨa ó, nye ejala le ecwɨa e bɨna ga ɛ, yé ó yi! Dobo nye a cyel ó, nye ódwe bɨna ga tiʼ molu mo mpoʼ mɨmɛh ɛ, lé ó lɨ!

Ebrœ̂ 12:17

Pie tɨ, nyi ka ze kpɛl ó, nye nʉŋa we nkɔb é mocyeele mo sɔŋ we. Bɨn bé egʉa ó, sɔŋ a si bene lé esyɛɛ nye ma. Eso a si kʉ jɨ, é jɨ jɨ jɨ, sa gwar, nye a baaka be e nkul esa ó, sɔŋ siila mɨtiʼa mɨ leme we ebe myɛɛle me maa.