Lʉkas 13:19 - Kálara Zyɛ̌m Edwán é mpʉ̌n

¹⁹ Yé enwɨɨla ó e mpœʼ mpœʼ ndɨ bim boho nʉo e. Nye ó mbèl mompœʼ a nʉa, ntɔʼ myɛʼ é modiʼe mo peme me e. Nye ze pah, sa lɨ é ntuuu. Bɨnɔn ze dɨ bebre tɨʼ é mɨlɔɔ.»

Kálar Nzyɛ̌m : Ejwán é Sáá

¹⁹ Nyě nwɨɨlá ó e díh é nzɔ́m nyʉ́ʉ́ mʉ̂r á to myam ɨ́ pemé yé lɨ́. Lê nzě pâh, sâ lɨ́ ɨ́ ntuuu. Binʉ̌n nzě lʉ́o mɔ̂ʼ mɔ́ɔ́ tɨ̂ʼ ɨ́ milɔ́ɔ.»

Lʉkas 13:19 Iomraidhean Croise

Mataos 17:20

Nye ze bɨha e be ó: «Yé ó, ebe, buʼo yin ndɨ é twaʼbe. Me elɛɛ bɨn cyecye ó nɛɛ: ǃbɨn si be e ma peh buʼo titia, dam be bim boho nʉo nɛʼɛ, bɨn bé óbɛm kʉ lɛɛ e l'ecwɨʼ lɨʼ ó: “Nkɛŋɨ go mʉr tɨʼ wâ, to cyɛb ká,” yé nteme bana syɛɛ no. Abe e sa yé ógba bɨn mokɔbla tɨ. [

Markus 4:30

Yesʉs ntɔʼ bâʼle dî nye mʉr tɨʼ tia ó: «Bɨna bé e nkul elɛɛ ga ó, jwɨ̀ʼa mo Zyɛm, yé enwɨɨla e yáa sɔʼɔ? Zê yé ó e kɨkɛna fih me óka bâʼle sa bɨn lé edwe bɨn dweʼle, bɨn gʉŋa mpʉ yé ndɨ ɨ?

Lʉkas 17:6

Da ntɔʼ bɨha ó: «ǃBɨn si be e ma peh buʼo titia, dam be bim boho nʉo nɛʼɛ, bɨn bé óbɛm kʉ lɛɛ e lɨ sikomɔr yiʼ ó: “Muna wâʼ e mɨkaale myo mimyɛh. Go à to cyɛb é maŋ!” Yé nteme ntɔʼ sa bɨn mojoʼo.»

Mɨlʉmlʉ 2:41

Buobuo bʉr é sama yɔɔ, bé ntɔʼ mɛʼle sa Pyɛr a lɛɛ ɛ, ntɔʼ nʉa ndubo. É moho waa, bʉr kwoʼ be otɔɔyin olɛl, bé a si ni é l'esama le obuʼla.

Mɨlʉmlʉ 21:20

Jɔʼ bé a sil joʼlo sa nye a dɨ lɛɛ be e, bé ntɔʼ gumlo Zyɛm. Bɛɛ ze lɛɛ e Pol ó: «Mɨɔ wih, gɨ bee mpʉ oYʉden otɔɔyin otɔɔyin mu si jyɛʼ taa buʼo yɔɔ boo Yesʉs-Krɨst ɨ. Mɨleme, myé ó be é ntɨɨɨŋ ó, bé duʼo motie mo Moyiz.

Mɨlʉmlʉ 4:4

Buobuo bʉr o b'a joʼo mɨlɔb myaa ɛ, bé a si buʼla. Tolɔɔ bʉrʉm bé a buʼla ɛ, a si pyal kwoʼ be otɔɔyin otɛn.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

Mɨngwiha 11:15

Pie tɨ, engles tambɛl a si lʉo sebe we. Me ntɔʼ joʼo bɨbwaʼbwaʼ motwii, duho é jobo kʉ. Mé a lɛɛ ó: «Da Zyɛm Sɔŋ ga wina, nye ejwɨʼ mɨlal mɨ si nwaʼ mimyɛh. jwɨ̀ʼa ye, yé mu nteme ó, yaa mo Lœma mulo mo Zyɛm. Nyɛɛ ó ndɨ e jwɨ̀ʼa njʉmdia.»