Lʉkas 12:42 - Kálara Zyɛ̌m Edwán é mpʉ̌n

⁴² Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

Kálar Nzyɛ̌m : Ejwán é Sáá

⁴² Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Lʉkas 12:42 Iomraidhean Croise

Mataos 13:52

Nye ze lɛɛ e be ó: «Ebe no, yeʼle motie nyiwɛh mu mpʉn é jwɨ̀ʼa mo Da ɛ, nye enwɨɨla ó e mʉr mbɛr lé eto-to é l'ekʉm le, to nʉa-nʉa bɨsa bye tɨʼ ɨ. Yiʼ jɔʼ, nye ebula ó e bɨsa modwan; yʉʉ jɔʼ, bula e bɨsa bɨmya.»

Mataos 20:8

«No ó, é jɔʼ pum, wé a dwine e, mʉr peme ntɔʼ lɛɛ syɛl mosa we a dɨ jwɨ̀ʼ bʉʉ ó: “Jeba bɨlobila. Go à jɛna e be tɔɔ wɔɔ. Go ótaare jɛna ó e mʉr ze epihe e. Go òka to fwahle e waa ze efoʼ e.”

Lʉkas 12:43

ǃƗ tî we óbe si to, ze bula, ze bee nye lé esea syɛɛ yaa nɛʼɛ, mocyɛʼ mo mpom, mé ósʉŋɔ é mbi syɛl mosa waa!

Lʉkas 7:13

Mbea Da a bee kuho waa ɛ, nye ntɔʼ kʉ ze jwɨʼ we nkoo, ntɔʼ lɛɛ e we ó: «Gwaʼ edwe.»

Lʉkas 7:19

Yʉanes ze jebe bʉʉ ompʉn be oba, lomo be ó, bé dîʼe e Da ó: «Zê go ó mʉr bɨh lé ebono ó, nye óze e? Zê bɨh bâʼla bono fih ɛ?»

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

1 Timotɛ 5:17

Ocyɛb be efoʼ ndɨ ekœʼ e mbɛr Zyɛm mbɨmbɨa ɛ, bé ejala le ebi myɛna moba, kʉ bul be baa lé elɛɛ bʉr lɔɔ Zyɛm, le eyeʼle be e.

Títos 1:7

Yé ejala ó, mʉr lé edi é dia mbɔʼlʉ é mbɛr Zyɛm we e, nye diʼe waa ndɨ adweŋɔ mobe e, ebe, mbɔʼlʉ é mbɛr Zyɛm, nye ambɨa, be mʉr pyeh, nkʉ kpɔɔ, nkʉ fufwɔʼ monwoʼ, nkʉ mʉr ndɨ é feha ɛ, nkʉ waa lé esaa bɨsa é mozi ndɨ ozyɛhozyɛh ɛ.

Ebrœ̂ 13:17

Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

Ebrœ̂ 13:7

Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

Ebrœ̂ 3:5

Moyiz a be ó mʉr ebuʼla é nko paʼ bɨsa bibyɛh lé edwɛʼ mbɛr mo Zyɛm ɨ. Nye a cyelɔ syɛl mosa ó, nye boʼla, tiibe e sa yiyɛh Zyɛm nyɛɛ a bɛa be ó, nye lɛŋɨ bʉr ɨ.

1 Pyɛr 4:10

Mpʉ mʉr nyiwɛh é l'esama ga lɨna a bi we mbi ndwɛa ɛ, nye bɨlana e ndwɛa we waa é l'efu le efuʼo bʉʉ bʉr o mbɛr Zyɛm win. Dɨʼe sa ga no, ebe, bɨn bé ó obɔʼlʉ o mɨlɔb mo Zyɛm, lé ekab bʉr mocyɛʼ mo mpom mo Zyɛm mɨmbi mɨmbi.