Lʉkas 12:22 - Kálara Zyɛ̌m Edwán é mpʉ̌n

²² Yesʉs, nye e l'ompʉn be ó: «Ebe no, me elɛɛ bɨn ó nɛɛ: asyɛl ga ba e bɨn bʉr o tɨ, tiibe e nyɔmlʉ. Asyɛl ga ba nteme e monyʉl mɨn, tiibe e mompor.

Kálar Nzyɛ̌m : Ejwán é Sáá

²² Yésʉs, nye le ompʉ́n bé ó: «Mě lɛ́ɛ́ bɨ́n ó: asyɛl gá bá ɨ́ lɔ̌b twiʼ, lɨ́ eyêʼwǒ sá bɨ́n ngá de yɨ́. Asyɛl gá bá ɨ́ lɔ̌b ményʉ́l mɨ́n, lɨ́ eyêʼwǒ kán bɨ́n ngá bwâr wɨ́.

Lʉkas 12:22 Iomraidhean Croise

Lʉkas 12:11

É jɔʼ bé ódaʼre bɨn é mompah mɨnjwɨʼla mɔɔ, nkʉ é mih mo bʉr o ndɨ e nkul mojwɨ̀ʼa ɛ, to pur bɨn ɨ, mʉr asyɛl ga ba e nye mʉr tɨ, tiibe e nkar bɨn bé ófuo monyʉl mɨn e tɨʼ ɨ. Mʉr ayeʼbe mpɨha bɨn bé óbɨha be e,

Lʉkas 12:23

Zê bɨn bé agʉa ó, mʉr, nye abe njɨ ede ɛ? Le nteme ó, kubo nyʉl, wé e nyɔm, laa mompor.

Lʉkas 12:29

Adɨ du ga njɨ mode e monwoʼ bɨn bé óde le enyʉl ɨ. Asyɛl ga ba e bɨn bʉr o tɨ, tiibe e mode.

1 Korɛnt 7:32

Me egwɨm ó, bɨn l'ayi syɛl ba e bɨn bʉr o tɨ, tiibe e l'ebò e cyen lɨn. Mbuʼla ndɨ zihle, waa ndɨ abe e mʉma ɛ, syɛɛ mo Tî ga wina, yé ome ó ndɨ epebre nye é leme. Nye esyɛl ba e nye mʉr tɨ, tiibe e l'ebò e cyen le ó, nye amu jaa bɔʼa e zi Tî ga wina lé ekpɛl ɨ.

Filipi 4:6

Asyɛl ga ba e bɨn bʉr o tɨ, tiibe e yʉʉ sɔʼɔ. Jwɨʼla ga e Zyɛm é bɨjɔʼ bibyɛh, é bɨsa bibyɛh bɨn lé ejaʼ ɛ. Dweʼ ga nye ekiba é jɔʼ yiyɛh é lɔb bɨsa nye lé edwe bɨn ɨ.

Ebrœ̂ 13:5

Mʉr alaʼ ga lʉ é kpɛl mɔn. Filɨ ga mɨleme si é bim bɨn lé ebi ɨ, ebe, Zyɛm a lɛɛ ó: «Me abe e nkul eliʼe go é ntɛʼɛ nkʉ ntwiŋ go.»