Lʉkas 12:1 - Kálara Zyɛ̌m Edwán é mpʉ̌n

¹ Lɛŋ ba jɔʼ, ntuntuma bʉr, yé ntɔʼ bâʼle fwal. Bé a be ó otɔɔyin otɔɔyin, baʼ bʉr dɨ tibe bʉʉ mokʉ. Yesʉs, nye le ompʉn be ó: «Diʼe ga ncye e l'oFarizyɛŋ é lɔb levure bé ndɨ e ye e. Yé ó bɨkʉʉŋʉ!

Kálar Nzyɛ̌m : Ejwán é Sáá

¹ Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.

Lʉkas 12:1 Iomraidhean Croise

Lʉkas 11:44

«A vwaʼ e bɨn, ebe, bɨn bé enwɨɨla ó e mofoo ndɨ é barada, aka nyin mobʉm ɨ. Bʉr, bé etibe-tibe mofoo maa ó, bɛɛ l'agʉa.»

Lʉkas 12:56

Bɨn baanya-bɨkʉʉŋʉ ba, bɨn bé naa ó lé ekʉ gʉa bɨsa lé ecemle dwehe le ompie e. Bɨn bé egʉa sa lé epyal é si nwa. Zê bɨn bé abe e nkul edweʼe sa mu lé esyɛɛlɨ é jɔʼ yiʼ ɨ?»

Lʉkas 5:1

É lʉʉ dobo, Yesʉs a si to cyɛb é l'ebʉm e maŋ mo Genezarɛt. No ó ntuntuma bʉr, yé a ze mana nye. Bé a ze ó lé eze joʼo lɔɔ Zyɛm nye a dɨ lɛɛ ɛ.

Lʉkas 5:15

Dam be mpʉ Yesʉs a lwib no e, lɔɔ we ntɔʼ ze myɛma, to pyal é jɔʼ ntuntuma bʉr, yé a fwal, lé eze joʼlo lwib mo Yesʉs, le eze jʉmba mosyɛb mɔɔ ɛ.

Lʉkas 6:17

É jɔʼ Yesʉs bé e l'ompʉn be, bé a fulo ecwɨʼ, pyalɔ gumo yé a be si e si ɨ, bé ze bɔma e l'ompʉn be ofih é buobuo. Yé a be nteme ó e ntuntuma bʉr. Baʼ, bé a duho ó, é nkana Yerʉsalɛm, bʉʉ, duho é lal Yʉda, bʉʉ nteme é nkɔra yé a be é nkpah maŋ ɨ. Nkɔra yaa, yé ó yaa ndɨ e nkana Tir e nkana Sidɔn ɨ.

Mɨlʉmlʉ 21:20

Jɔʼ bé a sil joʼlo sa nye a dɨ lɛɛ be e, bé ntɔʼ gumlo Zyɛm. Bɛɛ ze lɛɛ e Pol ó: «Mɨɔ wih, gɨ bee mpʉ oYʉden otɔɔyin otɔɔyin mu si jyɛʼ taa buʼo yɔɔ boo Yesʉs-Krɨst ɨ. Mɨleme, myé ó be é ntɨɨɨŋ ó, bé duʼo motie mo Moyiz.

1 Korɛnt 15:3

Me a be ó si ntɛŋ bɨn lɔɔ me a lɛɔ, waa ndɨ é bwaʼ nyɔm ɨ. Wé ó nɛɛ: Krɨst a si jala e mɨsyem ga mina, mpʉ yé a bɛa be tila é Kalara Zyɛm ɨ.

Ebrœ̂ 12:22

Bɨn bɛɛ, bé abe no. Bɨn bɨ ze é l'ecwɨʼ e Sion. Yé ó nkana mo Zyɛm ndɨ kublakubla ɛ: Yerʉsalɛm, yaa dina é jobo kʉ ɨ. Beengles otɔɔyin otɔɔyin, bé ó tɨ, abe e tolɔɔ. Bé etwaare e l'ebʉʼ e bɨsʉhʉ.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

1 Pyɛr 2:1

Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.