Lʉkas 11:9 - Kálara Zyɛ̌m Edwán é mpʉ̌n

⁹ «Mɛm, me elɛɛ bɨn ó nɛɛ, jaʼa ga, bɨn nkʉʼ bi. Saŋa ga, bɨn nkʉʼ bee. Kwaʼla ga ebe, lé nkʉʼ dibɔ bɨn,

Kálar Nzyɛ̌m : Ejwán é Sáá

⁹ «Mɛ̌m lɛ́ɛ́ e bɨ̌n ó, gwámáá gâ, bɨ̌n nkʉ̂ bi. Sáŋáá gâ, bɨ̌n nkʉ̂ bee. Kwáʼláá gá ebê, lé nkʉ̂ dibɔɔ bɨ́n.

Lʉkas 11:9 Iomraidhean Croise

Mataos 21:22

No ó, sa yiyɛh bɨn lé edî e mɨnjwɨʼla ɛ, bɨn bé óbi ye, ǃbɨn bé óbuʼla wa.»

Mataos 21:31

É bwan oba baa, waa wáa a sa gwɨma mo sɔŋ ɨ?» Bé ze bɨha e nye ó: «Waa efoʼ.» Yesʉs ze lɛɛ e be ó: «Yé ó no! Me elɛɛ bɨn cyecye ó nɛɛ: onwɨa o tœa bé e mɨmbambama, bé ó ngo taare pyal e bɨn é jwɨ̀ʼa mo Zyɛm,

Mataos 6:29

Me elɛɛ bɨn ó nɛɛ: dam be Salomɔŋ é jɔʼ nye a be e l'okum e l'ogbaa we e, nye a baabœrɔ mompor é mbɨa mbɨa, mpʉ Zyɛm lé ebœr ofulawa baʼ ɛ.

Markus 11:24

Ebe no, me elɛɛ bɨn ó nɛɛ: sa yiyɛh bɨn lé ejwɨʼla e Zyɛm é l'efu le e, buʼla ga ó, bɨn bɨ bi ye, yé ódweŋɔ bɨn!

Markus 13:37

Sa me lé elɛɛ bɨn ɨ, me elɛɛ ye ó, é l'efu e mʉr nyiwɛh: “Diʼe ga nkehe.”»

Lʉkas 11:10

ebe, mʉr nyiwɛh lé ejaʼ ɛ, nye óbi. Mʉr lé esaa ɛ, nye óbee. Ebe, lé ódibɔ é l'efu e mʉr lé ekwaʼle e.

Yʉanes 14:13

Me óntɨh bɨn sa yiyɛh bɨn bé ódî le ejaʼ Sɔŋ wam, pere e die lam ɨ. É mbi waa ó bʉr, bé ógumlo Zyɛm Sɔŋ ebe Mwan mo Zyɛm ɨ.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Yʉanes 15:7

ǃBɨn si be é zyɛŋa wina, mokan mam loŋlo bɨn é mɨleme nɛʼɛ, dîʼe ga sa yiyɛh bɨn bé ókpɛl ɨ. Yé ósyɛɛ bɨn no.

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

2 Korɛnt 6:2

ebe, yé ó tila ó: «É jɔʼ me a bee mbɨmbɨa ó, me cwɨa ó e go e, me a si joʼo go. É dobo me a pyal ó, me ntaʼ, ze dwe bʉr tiʼ molu mo mpoʼ mɨmɛh ɛ, me a si kɛm go.» Jɔʼ Zyɛm a bee mbɨmbɨa ó, nye ejala le ecwɨa e bɨna ga ɛ, yé ó yi! Dobo nye a cyel ó, nye ódwe bɨna ga tiʼ molu mo mpoʼ mɨmɛh ɛ, lé ó lɨ!

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Ebrœ̂ 4:16

Ebe no, bɨna dihla ga kunokuno e dia taʼa ye, abaawe sɔʼɔ e Zyɛm. Mɨleme ga mina, myé diʼe mɨlwɨŋla e mbɛla ó, bɨna bé óbi ga njwɨʼa-nkoo ndwe e ncwɨncwɨa. ǃBɨna si to ga é dia taʼa ye no nɛʼɛ, bɨna bé óbi ga ncwɨncwɨa é jɔʼ yé óbul jɨŋɔ ɛ.

Jacques 1:5

ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.

Jacques 5:15

Mɨnjwɨʼla myaa, myé esaŋɔ-saŋɔ ó, é zi buʼo. No yé esa ó, Da tiʼɨ mʉr waa, lé egbɛl nye si. Yé be ó, nye a be ó si sa syem nɛʼɛ, Da ópɛʼ nye baa nye a niʼe é lɔb syem waa ɛ.

1 Yʉanes 3:22

Bɨna bé óbi ga nteme sa yiyɛh bɨna bé ójaʼ ga nye e, ebe, bɨna bé edu ga motie me, le esa bɨsyɛɛla nye lé ebee mbɨmbɨa ɛ.

Mɨngwiha 2:24

No ó, bɨn, bʉr o ndɨ ɨ Tiatir, baa ndɨ ajoʼo bɨbla sikʉlʉ yiʼ ɨ, bɨn bé adu mɨfela bɨsikʉlʉ Satan lé edwe, byaa bʉʉ bʉr lé elɛɛ-lɛɛ ó, byé ó cyecye e. Me ako bɨn nuu mbeʼ modile fih.