Lʉkas 11:7 - Kálara Zyɛ̌m Edwán é mpʉ̌n

⁷ ǃƗ mɨɔ we nye to bee e, si ka bɨha e nye é mbɛr tʉŋlʉ ó: “Antɨʼ me. Ebe, lɨ bɛa pɨrɔ. Bɨh e bwan bam mu ó mɨnjaʼa mɨ si. Me abe e nkul eka mʉa si, lé eze dwe go sɔʼɔ” nɛʼɛ,

Kálar Nzyɛ̌m : Ejwán é Sáá

⁷ Só wé nyé á to bee nyá, sí kǎ yala e né tʉ́ŋlʉ̌ mbɛ̌r ó: “Ayɨ́ kǎ ntɨ̂ʼ mê. Ebê, lɨ́ boó pɨrɔɔ le sab. Bɨ̌h e bwán bâm mû ó minjáʼ mí sí. Mé abe e nkul ekǎ gbɔlwa sí, dwe gó sɔ̂ʼ.”

Lʉkas 11:7 Iomraidhean Croise

Mataos 25:10

É jɔʼ mɨha, mé a be, mé dina lé eto bwam mulo e, mbœm mʉma ntɔʼ pyal, kœb maa mé a be é mpono e. Bé e boo nɔɔ ntɔʼ ni é zɔɔ eba, nyɛɛ ntɔʼ dible ebe é kpɨm.

Lʉkas 11:6

Nuu fo wam, nyi pyal me ye, lé eduho é cyen. No ó, me abe e sa me dweʼ nye.”

Lʉkas 11:8

me elɛɛ bɨn ó nɛɛ: dam be ó, bé e nɔɔ, bé ó ofo, nye óbana bɨha mbi waa, lé etaare bene lé emʉa si. Sa gwar, nye ófuo ka mʉa si, dwe fo we sa yiyɛh nye be lé ejɨ ó, ebe, nye si gba nyʉl lé ejaʼ.»

Lʉkas 13:25

«É jɔʼ mʉr mbɛr ómʉa, ze pɨr ebe e l'engʉŋ ɨ, bɨn bé óliʼ kʉl. Bɨn bé ókwaʼle, é kwaʼle, kwaʼle, le ejebe ó: “Da ɔɔ! Ntaʼ, ze dib bɨh ebe ʉʉ.” Nye óbɨha ó: “Me adweʼe bɨn. Me agʉa nko bɨn duho e.”

Lʉkas 7:6

Yesʉs ntɔʼ mʉa si, bé e boo nɔɔ toŋɔ mbɛr mo mʉr waa. Ngbaa le eka be, bé mu si kunbo e mbɛr waa nɛʼɛ, njwɨɨ nter bɨzima nɨ ntɔʼ lomo ofo be ó, bé toʼ, to bɔma e Yesʉs e mpaŋla nwaʼ ó: «Da, antɨʼ nyʉl go mbɛh. Mbi bɨbla mʉr me ndɨ ɨ, yé ajala ó, go niʼe ɨ modwii mam.

Galásia 6:17

Taare é banana, mʉr aka bâʼle kɛl me tuu fih, ebe, bɨbam me ndɨ e bye é nyʉl wam ɨ, byé elɛʼle ó, me ó waa mo Yesʉs.