Lʉkas 11:48 - Kálara Zyɛ̌m Edwán é mpʉ̌n

⁴⁸ Mpʉ bɨn lé ekɔn mofoo mɔɔ no e, bɨn bé eboʼlo tɨʼ é l'ocyecye ó, osɔŋ bɨn ó ndɨ e mpono mofie mɔɔ. Osɔŋ bɨn o b'a jʉ ogwiha o mɨlɔb; bɨn bɛɛ ka liʼ lé ekɔn mofoo mɔɔ!

Kálar Nzyɛ̌m : Ejwán é Sáá

⁴⁸ Mpʉ bɨ́n dí ekɔ̂n mésoo mɔ́ɔ́ nó yɨ́, bɨ̌n bé lɨ́ eboʼlo tɨ̂ʼ lɨ́ otyeetye ó, osɔ́ŋ bɨ́n ó dí e mpono meswie mɔ́ɔ́. Osɔ́ŋ bɨ́n ó b'á jʉ̂ ogwíha o mílɔ̌b; bɨ̌n bɨɛ kǎ kɔ̂n mésoo mɔ́ɔ́.

Lʉkas 11:48 Iomraidhean Croise

Mataos 23:27

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, bɨn bé enwɨɨla ó e mofoo ndɨ kɔna, mɨndwiba e l'epɛm ɨ. Mé enyin é mbɨa mbɨa ó, é nko paʼ kʉl. To kœb ó, mé ó e bɨdwehe bɨ bʉr, sa lé lœʼ be é mih mo Zyɛm ɨ!

Mataos 23:31

Mpʉ bɨn lé ekɔn mofoo mɔɔ no e, bɨn bé eboʼlo tɨʼ é l'ocyecye ó, bɨn bé ó kʉ bana be bwan o bʉr o b'a jʉ ogwiha o mɨlɔb ɨ!

Lʉkas 11:47

«A vwaʼ e bɨn! Bɨn bé enyin kʉl ó, bɨn bé edwaabe ogwiha o mɨlɔb omya, lé ekɔn be mofoo. To kœb ó, bé ó baa bɨmpam bin byé a jʉ ɨ!

Lʉkas 11:49

Ebe no ó Zyɛm lé elɛɛ é l'ocyoo we ó: “Me ólomlo be ogwiha o mɨlɔb ndwe e mɨlʉmlʉ myam. Baʼ bʉr, bɨn bé ójʉ jʉʼo. Bʉʉ, bé ótíile.”

Rôm 1:32

Dam be ó, bʉr baa, bé egʉa ó, Zyɛm a lɛɛ ó, bʉr bɨbɛh ndɨ esa mɨmbi mɨ ebebe myaa ɛ, bé edaʼre ó efie é monyʉl mɔɔ, bɛɛ, bé ó njɨ lé eto dolo lé esa-sa bɨsyɛɛla byaa. Yé abe njɨ no, yé ome. É jɔʼ bé lé ebee bʉʉ bʉr lé esa syem ɨ, bé ekʉ mɛʼle bɨsyɛɛla byɔɔ le esoʼlo be ó, bé toʼ dolo lé esa bye, to-to ó toʼ.

Jacques 5:10

Obɨɔ ga bam aa! Toŋla ga bʉr o b'a ze e die mo Zyɛm lé egwih bɨna ga mɨlɔb mo Zyɛm ɨ. Bé ó ndɨ elɛʼle ebò e cyen bʉr lé ejala le ekœʼ œ. Bé a si dihbe mɨtuu e mɨndɛl.