Lʉkas 11:41 - Kálara Zyɛ̌m Edwán é mpʉ̌n

⁴¹ Dweʼ ga baanteʼenteʼe sa ndɨ é bɨfua bin tʉŋlʉ ɨ. Bɨn bé óbee ó, bɨfua bin bibyɛh, byé ó mɨfwɨʼra é mih mo Zyɛm.

Kálar Nzyɛ̌m : Ejwán é Sáá

⁴¹ Dwéʼ gá baántéʼenteʼe o bʉ̂r sá dí ɨ́ bisʉ́á bín tʉ́ŋlʉ̌ yɨ́. Bɨ̌n bé óbee ó, bisʉ́á bín bíbyɛ̂h, byé ó mbɨ̂mbɨá ɨ́ míh mé Nzyɛ̌m.

Lʉkas 11:41 Iomraidhean Croise

Mataos 26:11

Ebe, bɨn e baanteʼenteʼe ó ndɨ é jɔʼ yiyɛh. Bɨna bɛɛ, bé ákwoʼ di ga jɔʼ yiyɛh.

Mataos 5:42

ǃƗ mʉr si jaʼ go sɔʼɔ nɛʼɛ, go à dwe nye ya. Waa lé edî go ó, go kʉlɨ nye mɔn ɨ, kʉlɨ nye ya.»

Markus 7:19

Ebe, yé ani nye é leme tʉŋlʉ. Yé eni ó, é mo, ka pyal kʉl, to kur é duʼ.» (É lwib yaa, Yesʉs a be ó lé egwɨm lɛɛ ó, mode mɨmɛh mu ó bɛm deŋɔ, mé l'alœʼ mʉr é mih mo Zyɛm.)

Lʉkas 12:33

Bɛma ga mobi mɨn. Fuʼa ga baanteʼenteʼe o bʉr. Lara ga mɨmpɨʼ bɨmɔn ndɨ ajwɨm ɨ. Maʼa ga okum e l'ogbaa win é jobo kʉ, gumo byé óbe, asie e, ebe, mɨndiblʉ, myé abe e nkul ekunbo e tɨ; osyoʼ nteme ajʉa bye.

Lʉkas 16:9

Me elɛɛ bɨn ó: dwɛna ga bɨbebebebe bɨ okum e l'ogbaa o si nwa é l'efu ó, bɨn tia efo e bʉr. É jɔʼ okum e l'ogbaa waa, wé ósie e, bé óbɨlan e bɨn é modia mé ódi molu mo mpoʼ mɨmɛh ɛ.

Lʉkas 18:22

É jɔʼ Yesʉs a joʼo no e, nye ze lɛɛ e nye ó: «Yé eka saa go sa gwar. Toʼ, to bɛma bɨsa bibyɛh go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa é lal mo Zyɛm ɨ. Pie tɨ, go òze du me.»

Lʉkas 19:8

No ó, Zachée a ze cyɛb, lɛɛ e Da ó: «Da, paʼ bee: Me óbɛʼ bɨsa byam, nʉa peh, jala e nkɔb ngwar é monkɔb moba, to dwe baanteʼenteʼe. Yé be ó, me a be ó si kʉa nuu mʉr, nʉa nye mɔn nɛʼɛ, me óbuulo nye ya, ntɔʼ ko bim mɔn yaa zɔʼ nâ tɨʼ kʉ.»

Mɨlʉmlʉ 10:15

Nye ze bâʼle joʼo twii lé elɛɛ e nye ó: «Sa Zyɛm mu si pubo e, aka nyamle lɛɛ ó, yé ó sa ndɨ elœʼ mʉr é mih mo Zyɛm ɨ.»

Mɨlʉmlʉ 11:29

Ompʉn, bé bʉr o tɨ, bé a nʉa tiʼa ó, bé ótoŋlo obuʼla bé a di é Yʉda ɛ, mʉr nyiwɛh é sama yɔɔ lé egul be lé edu bim nye a be e ye e.

Mɨlʉmlʉ 24:17

«É jɔʼ me a bɔʼa lé eto Yerʉsalɛm mɨmbu mɨmba e mpuʼ ɨ, me a ka bâʼle to é jɔʼ yaa ó e bɨmɔn lé eto gul kul yam e tɨ, le eto dwe Zyɛm mɨndwɛa myam.

2 Korɛnt 8:12

Ebe, ǃbɨn si dwe Zyɛm yʉʉ sɔʼɔ e mpaŋ gwɨma nɛʼɛ, Zyɛm óbee ndwɛa waa mbɨmbɨa, lé ejwɨʼ e mobi bɨn ndɨ e me e. Nye aŋa jwɨʼ we e sa bɨn ndɨ abe e ye e.

Éfɛsɔs 4:28

Mʉr a be-be ndiblʉ ɨ, nye gwaʼa díbe. Nye sea syɛɛ ndɨ e nyɔm ɨ, e mobo me, é mbi ndɨ ó, nye diʼe e sa nye ógul baanteʼenteʼe e ye e.

Títos 1:15

Sa yiyɛh, yé mu ó mpuban é l'efu e bʉr mu si pubɔ ɛ. Sa gwar, é bʉr o b'a lœʼ monyʉl mɔɔ, baa dina l'apa jyɛʼ taa buʼo yɔɔ boo Zyɛm ɨ, yé abe e sa gwar ndɨ mpuban é nko paʼ wɔɔ. Bɨsa bibyɛh, byé ó be é lwaʼbe lwaʼbe, ebe, bé a si lœʼ ocyoo wɔɔ, ndwe e mɨpɛhla myɔɔ.

Ebrœ̂ 13:16

Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.