Lʉkas 11:4 - Kálara Zyɛ̌m Edwán é mpʉ̌n

⁴ Pɛʼɛ bɨbaa bɨ ebebe bɨh, mpʉ bɨh lé epɛʼ byaa bɨ bʉr o ndɨ esa bɨh ebebe e. Ato e bɨh é mobʉbla tʉŋlʉ.»

Kálar Nzyɛ̌m : Ejwán é Sáá

⁴ Pɛʼɛɛ bíbaa gó á niʼe bɨ̌h ɨ́ lɔ̌b mébébe mɨ́h bí, ebě, bɨ̌h ntémé bé lɨ́ epɛʼ bíbaa bɨ́h dí eniʼe bʉ̂r bɨ́bɛ̂h ɨ́ lɔ̌b ébébe bé dí esâ bɨ́h lɨ́. Ayɨ́ bîr ó, bɨ̌h níʼee ɨ́ mebʉ́blá.”»

Lʉkas 11:4 Iomraidhean Croise

Mataos 18:35

Yesʉs ze ko tɨʼ ó: «ǃBɨn si be, apɛʼ bɨbaa bɨ ebebe bɨn lé eniʼe obɨɔ bɨn e mɨleme min mimyɛh nɛʼɛ, Sɔŋ wam ndɨ é jobo kʉ ɨ, nye aŋa mɛʼle pɛʼ bɨbaa bɨ ebebe nye a niʼe mʉr nyiwɛh é l'esama lɨn ɨ.»

Mataos 26:41

Diʼe ga nkehe. Jwɨʼla ga e Zyɛm. Bé amu jaa boblo bɨn, bɨn duma. Sisim mo mʉr, wé e gwɨma esa mɨmpaŋ bɨsyɛɛla; mɨsʉn myɛɛ, akoʼo.»

Lʉkas 11:5

Nye ó: «ǃƗ mʉr é sama yin si be e mɨɔ nɛʼɛ, nye óbana to jɨm nye teme pum, le elɛɛ e mɨɔ we waa ó: “Mɨɔ wam, paʼ kʉl me bɨbler bɨlɛl.

Lʉkas 13:4

Zê bɨn bé lé ejwɨʼ ó, bʉr ewʉm e mwom toloŋo mbɛr mo Siloe, wé a bila ɛ, ó b'a bul bebe, laa bʉr o Yerʉsalɛm bɨbɛh ɛ?

Lʉkas 22:46

Nye ze jɨm be, le elɛɛ e be ó: «Ebe yé bɨn lé eja bɨdwo e? Mʉŋa ga si, saʼ ga mɨnjwɨʼla. Bé amu jaa boblo bɨn, bɨn duma.»

Lʉkas 8:13

Mʉʉ mompœʼ, mé a kur ó, é bwah yé a be é bah ekoʼ kʉ ɨ, sa nɨ lé edweʼle bʉr o b'a joʼo lɔɔ Zyɛm e bɨsʉhʉ é jɔʼ bé a jà we e. Sa gwar, bé a baadib lɔɔ waa zi ó, wé niʼe be é mɨleme tʉŋlʉ. Bé a kʉ ka buʼla we ó njɨ é ma jɔʼ, bʉr, bé ze tíile be é lɔb buʼo yɔɔ, bé ntɔʼ kaŋa e lɔɔ waa.

Yʉanes 17:15

Me ajwɨʼla ó, go pɛʼɛ be é si nwa. Me ekʉ ka jwɨʼla ó njɨ go kamla e be é nko paʼ mo Bɨbla-mʉr.

1 Korɛnt 10:13

Mobʉbla bɨn bé a ntaa ɛ, mé epyal bɨn e bʉr bɨbɛh no. To kœb ó, Zyɛm, nye ó mʉr ebuʼla. Nye aŋa bir ó, bɨn boblɔ e mbi mobʉbla wé óntaa bɨn é nkul ɨ. É jɔʼ mobʉbla, mé ópyal-pyal bɨn ɨ, nye ókar bɨn zi fih. Bɨn bé òjyɛl tɨ, bɨn nteme l'aka sa bɨsyɛɛla bɨ ebebe bɨn bé a ngbaa sa ɛ.

Kolosi 3:13

Dihba ga ebebe paʼra win, alwib. ǃƗ mʉr si fuuba be e lɔb, bé e nuu mbuʼla nɛʼɛ, bé ejala le epɛʼla bɨbaa bɨ ebebe bé a niʼla paʼra wɔɔ ɛ. Dɨʼe pɛʼla ga bɨbaa bɨ ebebe paʼra win mpʉ Da Yesʉs a pɛʼ byaa nye a niʼe bɨn ɨ.

2 Tesalonika 3:3

Sa gwar, Da Yesʉs, nye ó mʉr ebuʼla. Nye ódwe bɨn nkul, le ekamle e bɨn é nko paʼ mo Bɨbla-mʉr.

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

Jacques 2:13

Mʉr ndɨ ajwɨʼ bʉr nkoo e, nye nteme, nye aŋa jwɨʼɔ nkoo é dobo Zyɛm ótiʼe lɔb we e. Njwɨʼa-nkoo, wé ekʉ doʼo é mih mo tiʼ mɨlɔb.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

Mɨngwiha 3:10

No ó, me a lɛɛ e bɨn bɛɛ ó, bɨn dihba. Bɨn ntɔʼ ze baʼle lɔɔ wam waa. Mpʉ bɨn bé a joʼo me no e, me óbaʼle bɨn, ebe, bɨn bé amu jaa ni é bɨntɨʼa mu lé epyal é mʉr nyiwɛh é si nwaʼ ɛ.