Lʉkas 11:29 - Kálara Zyɛ̌m Edwán é mpʉ̌n

²⁹ É jɔʼ montumo mo bʉr, bé a be lé efwal, laa bim bé a fwal-fwal ɨ, Yesʉs ze lɛɛ e be ó: «A bebe bʉr o mya wiʼ ɛ! Bé ejɨ bee dweʼle nkul wam lé elɛʼle mbi mʉr me ndɨ ɨ. Bé ákwoʼ lɛʼlɔ dweʼle nkul gwar, alaa ó yaa yé a syɛɛlɨ é tiʼ mo Yonas ɨ,

Kálar Nzyɛ̌m : Ejwán é Sáá

²⁹ Ɨ́ jɔʼ bʉ̂r, bé á be lɨ́ emâʼlǎ gúmó Yésʉs á be yɨ́, nye e bé ó: «Á bébe bʉ̂r ó myǎ wɨ̂ʼ ɛ̌! Bé lɨ́ edǐ bee mésimá. Bé ákóʼó bee ésimá egwár, alaa ó laá lé á syɛ́ɛ ɨ́ twiʼ mé Yʉ́nas lɨ́.

Lʉkas 11:29 Iomraidhean Croise

Mataos 3:7

No ó, mpʉ Yʉanes a bee oFarizyɛŋ bé e l'oSadwisyɛŋ é buobuo lé eze, ó nye dùʼo be e modibe e, nye ze lɛɛ e be ó: «Kampaŋa bɨgurokɔɔ yi, zé a pa kʉ lɛɛ e bɨn ó, bɨn bé e nkul ecɨŋ empime mo Zyɛm é jɔʼ nye ókpaa le e bɨn ɨ?

Markus 8:38

Bʉr o mya wi, bé ó kʉ be odul be ozyɛm ofih! Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam teme bɨbɨbla bɨ bʉr o mya wiʼ ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba mo Sɔŋ we, moncɛnba me zyɛŋa e maa beengles ndɨ mɨsaŋ ɨ.»

Lʉkas 11:16

Bʉʉ, bé a si saa ó, bé lam ó nye é mbi lwib nye óbɨha e be e. Bé e nye ó, nye saʼ be dweʼle nkul a duho boo Zyɛm ɨ.

Lʉkas 11:50

Bɨn bé óto le esa no, sa é sa sa, to pyal é jɔʼ bʉr o mya wi, bé ósia e bɨntɨʼa é buobuo e. Bé ójɛna motié mo ogwiha o mɨlɔb bɨbɛh, duho é l'etɛɛrɨ e si nwaʼ ɛ.

Lʉkas 12:1

Lɛŋ ba jɔʼ, ntuntuma bʉr, yé ntɔʼ bâʼle fwal. Bé a be ó otɔɔyin otɔɔyin, baʼ bʉr dɨ tibe bʉʉ mokʉ. Yesʉs, nye le ompʉn be ó: «Diʼe ga ncye e l'oFarizyɛŋ é lɔb levure bé ndɨ e ye e. Yé ó bɨkʉʉŋʉ!

Lʉkas 9:41

Yesʉs ntɔʼ lɛɛ ó: «Bɨn ozyɛhozyɛh o bʉr o ndɨ akpɛl buʼla ɛ! Me ódiibe é sama yin, to pyal é yáa jɔʼ? Me kaʼ dihbe bɨn, to fiʼ é yáa gumo? Ntaʼ e mwan go wâ.»

Yʉanes 2:18

Ebe no ó oYʉden, bé a ze dî e nye ó: «Láa esima go ndɨ si pa sa mpʉ dweʼle, sa yé ólɛʼle bɨh ó, go a be ó si dweŋɔ nkul esa mbi nɨ ɨ?»

Yʉanes 6:30

Bé e nye ó: «Yé be no nɛʼɛ, yáa dweʼle nkul go ndɨ si pa lɛʼle bɨh, ó bɨh beŋɨ, bɨh nkʉʼ jyɛʼ taa buʼo yih boo go ɛ? Yé go ndɨ si pa sa ɛ?

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

1 Korɛnt 1:22

OYʉden, bé edî ó, bé taara bee bɨdweʼle bɨ nkul we, ó bé mɛʼla lɔɔ ga wina. Bʉr o Grɛs bɛɛ, bé ómɛʼle lɔɔ ó, njɨ waa bé óbee e l'ocyoo e.