Lʉkas 11:22 - Kálara Zyɛ̌m Edwán é mpʉ̌n

²² Wé dam bɛla dɔm no, é jɔʼ guu njɨh mʉr lé elaa nye é nkul ɨ, si ntaa nye é nkul dɔm ɨ, wé edɛn nye mokʉa mo dɔm nye a dɨ jyɛʼ taa buʼo ye tɨʼ ɨ, nʉa mobi me, kab bʉr ofih.

Kálar Nzyɛ̌m : Ejwán é Sáá

²² Damá jóʼo nó, jɔʼ nyʉ́ʉ́ ánkul-bituma láá nyé nyá, ntáá nyé ɨ́ dɔm yɨ́, nye ópar nyé bisá bí dɔ̂m nyé á bûbuʼla bí. Nyé onʉa byê, kab bʉ̂r oswîh.

Lʉkas 11:22 Iomraidhean Croise

Lʉkas 11:21

«É jɔʼ njɨh mʉr mu é bii ye, nkʉ ɨ modwii me tʉŋlʉ, nye osi kwɨmla mokʉa mo dɔm me e, wé ebaʼle mobi me é puuu, akpɛɛ sɔʼɔ.

Lʉkas 11:23

Mʉr nyiwɛh ndɨ abe é nkɔm wam ɨ, nye é nkɔm nkɔm-nkɛɛ. Ebe no, waa ndɨ akœb me lé esyɛŋ ɨ, nye egbah ó gbaha.»

Éfɛsɔs 6:11

Biʼe ga mokʉa mo dɔm mɨmɛh Zyɛm lé elulo bɨn ɨ, é mbi ndɨ ó, é jɔʼ Njwɨɨ moleme óze bɛŋ bɨn ɨ, bɨn cyɛba é nkʉʼʉ, nyɛɛ l'antaa bɨn é pɨʼ.

Éfɛsɔs 6:13

Ebe no, biʼe ga mɨmbi mokʉa mo dɔm mimyɛh Zyɛm lé entɨh bɨn ɨ. É jɔʼ bebebebe moho waa, wé óbe si pyal bɨn ɨ, bɨn bé óbe ó e nkul esa mʉr dɔm win mongan. Bɨn bé óbe ó si ngan é mbi wiwɛh, cyɛb é nkʉʼʉ, apɨŋla é bebebebe jɔʼ yaa.

Kolosi 2:15

Mokʉa mo dɔm mɨsisim mɨ apum le moleme bé a be e me e, Zyɛm, nyi dɛʼ me. Nye a ntaa be é nkul dɔm ó, é jɔʼ Krɨst a dwè é klos ɨ. Nyi liʼe mɨsisim myaa é gœʼra-gœʼra, fwon wɔɔ lé enyin bʉr bɨbɛh é pono.

1 Yʉanes 3:8

Mʉr lé eto dolo lé esa mɨsyem ɨ, nyiha, nye ó waa mo Njwɨɨ moleme, ebe, Njwɨɨ moleme ó ndɨ etin e mɨsyem, duho é l'etɔɔrʉ. To kœb ó, Mwan mo Zyɛm a ze é si nwaʼ ó, nye nkʉʼ gbɛɛ bɨsyɛɛla mo Njwɨɨ moleme.

1 Yʉanes 4:4

Bɨn bɛɛ bwan bam, bɨn bé ó baa mo Zyɛm. Bɨn bɨ ntaa bʉr o dɔm mo Krɨst onɨ, ebe, Sisim bɨn ndɨ e we e, wé ó, é lele nkul, laa waa ndɨ é bʉr o si nwaʼ ɛ.