Lʉkas 11:2 - Kálara Zyɛ̌m Edwán é mpʉ̌n

² Yesʉs ntɔʼ lɛɛ e be ó: «É jɔʼ bɨn lé ejwɨʼla e Zyɛm ɨ, lɛŋɨ ga ó: Sɔŋ wih! Lɛʼla bʉr bɨbɛh ó, go ó Zyɛm ndɨ ti ɨ. Jwɨ̀ʼa yo, yé ntaʼ.

Kálar Nzyɛ̌m : Ejwán é Sáá

² Yésʉs ntɔ̂ʼ lɛ́ɛ e bé ó: «Jɔʼ bɨ́n dí ejɨʼla yɨ́, lɛ́yɨ́ɨ́ gá ó: “Sɔ́ŋ wɨ́h, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá. Jwɨ́ɨ́ yô, yé ntâʼ.

Lʉkas 11:2 Iomraidhean Croise

Mataos 10:32

«Ebe no, ǃɨ mʉr si kuro bɨr, gban me é mih mo bʉr nɛʼɛ, mɛm nteme, me ógban nye é mih mo Sɔŋ wam ndɨ é jobo kʉ ɨ.

Mataos 3:2

Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ, ebe, jɔʼ Da ócyel jwɨ̀ʼa ye cyecye e, yé mu ó kunokuno le epyal ɔɔ!»

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

Lʉkas 11:1

É lʉʉ dobo, Yesʉs a be ó yʉʉ gumo lé ejwɨʼla e Zyɛm. É jɔʼ nye a sil jwɨʼla ɛ, nuu mpʉn we ntɔʼ lɛɛ e nye ó: «Da, yeʼla bɨh esa mɨnjwɨʼla é mpʉ Yʉanes a yeʼle ompʉn be e.»

Rôm 1:7

Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

Rôm 8:15

Sisim Zyɛm a ntɨh bɨn ɨ, wé abe lé edil bɨn é dia olʉa é l'efu ó, bɨn bâʼla joʼo bʉa. Wé etœʼ bɨn si, ze cyel bɨn é dia bwan o mobœʼa mo Zyɛm. Wé ó ndɨ esa ó, bɨna jeba ga Zyɛm kʉ kʉ ó: «Abba! Da!»

1 Korɛnt 1:3

Mocyɛʼ mo mpom le motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

2 Korɛnt 1:2

Mocyɛʼ mo mpom le motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

Éfɛsɔs 1:2

Mocyɛʼ mo mpom le motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

Filipi 1:2

Mocyɛʼ mo mpom le motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

Filipi 4:20

Kum diʼe e Zyɛm Sɔŋ ga wina njʉmdia e njʉmdia. Amɛn!

Kolosi 1:2

Me etile ó, mɨsaŋ mɨ bʉr o ndɨ Kolosi, bɨɔ bɨh é zyɛŋa ga wina boo Krɨst, myaa ndɨ bʉr be ebuʼlɔ ɛ. Mocyɛʼ mo mpom e motala mo Zyɛm Sɔŋ ga wina, mé swɨŋɨ é bɨn.

1 Tesalonika 1:1

Mɛm Pol ó lé etile bɨn kalara nwa, bɨh e Silas ndwe e Timote. Bɨh bé etile ó, bʉr o mbɛr Zyɛm ndɨ ɨ Tesalonika ɛ. Bɨn bé ó baa mo Zyɛm Sɔŋ bé e Da Yesʉs-Krɨst. Mocyɛʼ mo mpom le motala, mé swɨŋɨ é bɨn.

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

Mɨngwiha 11:15

Pie tɨ, engles tambɛl a si lʉo sebe we. Me ntɔʼ joʼo bɨbwaʼbwaʼ motwii, duho é jobo kʉ. Mé a lɛɛ ó: «Da Zyɛm Sɔŋ ga wina, nye ejwɨʼ mɨlal mɨ si nwaʼ mimyɛh. jwɨ̀ʼa ye, yé mu nteme ó, yaa mo Lœma mulo mo Zyɛm. Nyɛɛ ó ndɨ e jwɨ̀ʼa njʉmdia.»

Mɨngwiha 15:4

Da, bʉr bɨbɛh, bé ódwiibɨ go ndwe le eseʼle die lo. Go ome ó ndɨ Mʉr ndɨ ti ɨ. Bʉr o bɨkul bibyɛh, bé ótɨbla é bɨgumo byɔɔ, zeŋɔ go ye. Bé ódwiibɨ go, ebe, bɨ bee é sʉlʉlʉ ó, gɨ kebe é bɨsyɛɛla go lé esa bʉr ɨ.»

Mɨngwiha 19:6

Pie tɨ, me a si bâʼle joʼo nuu twii, nyiha lé ejwɨ̂ʼ mpʉ sa cɨŋɔ ó, yé a be ó ntuntuma bʉr. Twii wɔɔ a lɛɛ kʉ kʉ ó, go tiŋa ó, yé a be ó bwaʼbwaʼ esʉʼ e dibe, nkʉ onkɛl-jobo lé esala-sala é kaaa ɛ. Nye ó: «Aleluyah! Ebe, Sɔŋ ga wina Da Zyɛm Nkul nyiwɛh, nye mu ó si cyel jwɨ̀ʼa ye cyecye é banana!

Mɨngwiha 20:4

Me ze bee dia taʼa, le bʉr o b'a be tɨʼ ondindil ɨ. Zyɛm a si dwe be nkul etiʼe bʉr mɨlɔb. Me a si bee nteme mɨsisim mɨ bʉr o b'a tiʼɔ mɨlʉ ebe mboʼla bé a dɨ boʼlo é lɔb mo Yesʉs ndwe e lɔɔ Zyɛm ɨ. Bɛɛ bé a baadwiibɨ tir waa nkʉ baŋabaŋa dweʼle ye. Bé a baacɨma twii ye é mompom mɔɔ nkʉ é mɨkoo mokœh. Me a bee be ó, bé osi pàh é l'odwè. Bé e boo Yesʉs-Krɨst, bé a si jwɨ̀ʼ bʉr o si tɔɔ mɨmbu tɔɔyin.