Lʉkas 11:19 - Kálara Zyɛ̌m Edwán é mpʉ̌n

¹⁹ Bɨn bé elɛɛ ó, me edwih-dwih moleme ó, ebe, Belzebul ó ndɨ edwe me nkul waa. A zé nyɛɛ lé edwe ompʉn bɨn wɔɔ nkul edwih me? Ebe no, bé ó ndɨ elɛʼle é kpɛŋlɛm ó, bɨn bé e mobe!

Kálar Nzyɛ̌m : Ejwán é Sáá

¹⁹ Bɨ́n lɛ́ɛ́ ó, mě sǒ méleme ó e nzɨ̌ nkul Béelzébul dí edwe mé nyɨ́ nó, á nzé nyɨɛ dí edwě dyɛɛ́ yɨ́n nyɔ́ɔ́ nkûl eso mê? Bé bʉr o tɨ̂, bé ó dí elɛ̂ʼle ɨ́ kpɛŋlɛm ó, bɨ̌n bé e mebě.

Lʉkas 11:19 Iomraidhean Croise

Mataos 10:25

Mpʉn saʼ mpʉ yeʼle we; syɛl mosa saʼ mpʉ masa we. No ó ndɨ ejala. Lʉ mbɛr bʉr pa taare jwɨrɔ die ó, Belzebul, a dwɛʼra e bʉr o mbɛr bʉr waa! Bé óka jwɨrɔ mie ndɨ é laŋle bebe e!»

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Lʉkas 19:22

«Sabene, nye e nye ó: “Go sa bɨbla syɛl mosa yi! Me ótiʼe go lɔb é mokan lé eduho é nʉm go e. Go a be ó si gʉa ó, me é lele mbo. Go a gʉa ó, me enʉa-nʉa sa me a baakomo e. Go a bee ó, me ekpɛl mwaʼ mode ó, é peme me a baabè mompœʼ tɨʼ ɨ.

Lʉkas 9:49

No ó Yʉanes a nʉa lwib, ze lɛɛ ó: «Da, bɨh bé a si bee mʉr lé edwih bʉr moleme é die lo! Bɨh ntɔʼ jwɨʼla kamle nye ó, nye gwaʼa lé esa syɛɛla yaa, ebe, mʉr waa, nye adu go é mpʉ bɨh bɛɛ lé esa ɛ.»

Mɨlʉmlʉ 19:13

No ó, bʉʉ oYʉden, bé a be ó lé eto-to mokwar e mokwar mɛh, lé eto le edwih bʉr bɨbɨbla mɨsisim. Bé a jwɨʼla sa nteme ó no, é die mo Da Yesʉs. Bé a lɛɛ-lɛɛ e bɨbɨbla mɨsisim ó: «Me lɛɛ e bɨn é die mo Yesʉs, waa Pol lé etuno lɔɔ we ó, duha nye é nyʉl!»

Rôm 3:19

Bɨna bé egʉa ga ó, sa yiyɛh ndɨ Kalara Zyɛm ɨ, yé ó é l'efu e bʉr o ndɨ é monkara mo mɛra motie e. Motie Zyɛm a tiile be e, mé epɨr bʉr bɨbɛh mɨnʉm, le edwe bɨbɛh mobe é mih me.