Lʉkas 11:13 - Kálara Zyɛ̌m Edwán é mpʉ̌n

¹³ Bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye óntɨh Mbɨambɨa Sisim, duho é jobo kʉ, dwe bʉr o ndɨ ejaʼ ɛ, laa naa.»

Kálar Nzyɛ̌m : Ejwán é Sáá

¹³ Bibɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n! Nye óntɨ̌h Sísǐm wé, duho ɨ́ jʉ́o kʉ́, dwe wé bʉr o dí egwâm nyé wǎ bá.»

Lʉkas 11:13 Iomraidhean Croise

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

Mataos 5:45

Bɨn saʼ no é l'efu ó, bɨn nkʉʼ kœʼ ebò e cyen lé ejala e bwan mo Sɔŋ win ndɨ é jobo kʉ ɨ. Nye esa ó, dobo le, lé kaha é l'efu e bʉr o ndɨ é bebe, le baa ndɨ é mbɨa ɛ. Zyɛm, nye esa nteme ó, mpie nwɨŋɨ é l'efu le ocɨcyel e l'ozyɛhozyɛh o bʉr.

Mataos 6:14

«ǃBɨn si pɛʼ bɨbaa bɨ ebebe bɨn bé a niʼe bʉr nɛʼɛ, Sɔŋ win ndɨ é jobo kʉ ɨ, nye nteme ópɛʼ bɨbaa nye a niʼe bɨn é lɔb bɨgwìh bin ɨ.

Mataos 6:30

Bɨka, byé etiʼe muh. Byé nteme, byé ó sa yé óguhɔ omɛn é duro e. Zyɛm pa taare bœr bɨka mompor, a dwɛʼra e bɨn! Yé, yé ósa ó, nye l'ayi bœr bɨn, laa naa ɛ? A twaʼbe buʼo yin ɛ!

Mataos 6:32

Bʉr o bɨkul bɨfih bibyɛh, bé ekʉ ka du ó njɨ bɨsɨa byaa. To kœb ó, Sɔŋ win ndɨ é jobo kʉ ɨ, nye ebɛa gʉa ó, bɨn nteme bé ejɨ bye bibyɛh.

Mataos 7:11

Ebe no, bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye ódwe bʉr bya, baa ndɨ ejaʼ ɛ, laa naa.

Lʉkas 11:12

Zê nye e nkul edwe nye bamlwal é jɔʼ nye jaʼ nye ecɨ e kuo e?

Lʉkas 11:2

Yesʉs ntɔʼ lɛɛ e be ó: «É jɔʼ bɨn lé ejwɨʼla e Zyɛm ɨ, lɛŋɨ ga ó: Sɔŋ wih! Lɛʼla bʉr bɨbɛh ó, go ó Zyɛm ndɨ ti ɨ. Jwɨ̀ʼa yo, yé ntaʼ.

Lʉkas 18:7

Zê Zyɛm ódeʼ lé etiʼe mɨpɛha mɨ bʉr mye mɨlɔb myɔɔ é l'ocɨcyel ɛ? Tɨtoʼo! Bɛɛ nteme lé esa zyee lé ejwɨʼla e nye moho e pum!

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Mɨlʉmlʉ 2:38

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ,

Rôm 5:17

No, yé ó, é jɔʼ mʉr ngwar nɨ a ntaa etie mo Zyɛm ɨ, Efie, lé a be ó si taare lé ejwɨʼ bʉr bɨbɛh é lɔb mʉr ngwar waa. Sa gwar, Zyɛm, nyi bul lɛʼle bʉr ncwɨncwɨa, laa naa. Bɨna mu ó si bi ga mokebe é mih me, ajɛna sɔʼɔ, le ebi nteme tiʼ molu mo mpoʼ mɨmɛh. Bɨna mu ó lé ecyɛb ga é nkʉʼʉ, apɨŋla é tiʼ yaa, dumo e mʉr ngwar, Yesʉs-Krɨst.

Rôm 7:18

Ebe no, me egʉa mbɨmbɨa ó, sa mpa, yé abe é me. (Me si jala le etile yɛɛ ó: «é nyʉl bɨpuno wam tʉŋlʉ».) Ebe sa lé ekunbo e me e, yé ó, me gwɨmɨ mɨmpaŋ bɨsyɛɛla. To kœb ó, nkul ndɨ ó, me saʼ bɨsyɛɛla byaa ɛ, nye akunbo e me.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.