Lʉkas 10:9 - Kálara Zyɛ̌m Edwán é mpʉ̌n

⁹ Tiʼɨ ga mɨsyoblʉ mɨ nkana yaa. Bɨn bé à lɛɛ bʉr o nkana yaa ó: “Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!”

Kálar Nzyɛ̌m : Ejwán é Sáá

⁹ Tiʼɨɨ gá mimbél mí nkana yaá. Bɨ̌n e lɛ́ɛ́ e bʉr ó nkana yaá ó: “Nzyɛ̌m mû ó kúno etyêl Mpóʼo nyé ɨ́ bɨ̌n.”

Lʉkas 10:9 Iomraidhean Croise

Mataos 3:2

Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ, ebe, jɔʼ Da ócyel jwɨ̀ʼa ye cyecye e, yé mu ó kunokuno le epyal ɔɔ!»

Mataos 4:17

É dobo laa ó Yesʉs a ze taare lé etuno ó: «Gwɨma ga mobebe mɨn ɔɔ! Bɨn bé à dwir mɨleme ɔɔ! Ebe, jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!»

Markus 4:30

Yesʉs ntɔʼ bâʼle dî nye mʉr tɨʼ tia ó: «Bɨna bé e nkul elɛɛ ga ó, jwɨ̀ʼa mo Zyɛm, yé enwɨɨla e yáa sɔʼɔ? Zê yé ó e kɨkɛna fih me óka bâʼle sa bɨn lé edwe bɨn dweʼle, bɨn gʉŋa mpʉ yé ndɨ ɨ?

Markus 6:13

No ó bé a ze dwih buobuo bʉr moleme, le elœm mɨsyoblʉ mulo, le etiʼ mye.

Lʉkas 10:10

ǃBɨn si pyal é yʉʉ nkana, bʉr o tɨʼ l'abɨlan e bɨn nɛʼɛ, toʼ ga é mɨmpaʼa mɨ tɨ. Bɨn bé à lɛɛ ó:

Lʉkas 10:11

“Mbe ga: é mpʉʼ ó bɨh lé etɨ koho dih ɨ! Gʉŋa ga yɛɛ ó, jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal.”

Lʉkas 9:2

Nye ntɔʼ lomo be ó, myé toʼ le elɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ, le etiʼ mɨsyoblʉ.

Yʉanes 3:3

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Yʉanes 3:5

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, apa byɛl mbyɛla modibe e waa Sisim nɛʼɛ, gʉŋa ó, mʉr waa, nye ákwoʼ ni é jwɨ̀ʼa mo Zyɛm.

Mɨlʉmlʉ 28:28

Pol ze ko tɨʼ ó: «Gʉŋa ga ó nɛɛ: mpaŋla nwa, waa ndɨ elɛɛ mpʉ Zyɛm mu lé edwe bʉr tiʼ molu mo mpoʼ mɨmɛh ɛ, nye mu ó lé ecenɔ bʉr o ndɨ abe oYʉden ɨ! Bɛɛ, bé ókʉ joʼo we!» [

Mɨlʉmlʉ 28:31

Nye a be nteme lé elɛɛ-lɛɛ Mbɨambɨa Lɔɔ é lɔb jwɨ̀ʼa mo Zyɛm, le eyeʼle bʉr mɨlɔb lé etiibe e Da Yesʉs-Krɨst ɨ, é kpɛŋlɛm, abaawe sɔʼɔ e mʉr, abe e ntɨʼa.