Lʉkas 10:42 - Kálara Zyɛ̌m Edwán é mpʉ̌n

⁴² Sa ndɨ ekʉ jala ɛ, yé ó mbɨambɨa nkɔb Maaria pɛh ɛ. Abe e mʉr ópɛʼ nye nya.»

Kálar Nzyɛ̌m : Ejwán é Sáá

⁴² Tó kœb ó, sá dí ɨ́ buú buǒ nyɔm yɨ́, yé ó njɨ gwár. Sâ yaá, yé ó mbɨambɨa nkɔ̌b Maria nyɨɛ pɛ́h nyɨ́. Abe e mʉr ópɛʼ nyé nyǎ.»

Lʉkas 10:42 Iomraidhean Croise

Markus 8:36

ǃƗ mʉr si nʉa bɨsa bɨ si nwaʼ bibyɛh, nye yɛɛ lé efib tiʼ molu mo mpoʼ mɨmɛh nɛʼɛ, wáa nyɔm ndɨ nye tɨʼ ɨ?

Lʉkas 10:39

No ó, Marta waa a be nteme ó e ncyom we, die le Maaria. Mpʉ Da a be lé elwib ɨ, Maaria waa a be ó ndindil kunokuno e mokʉ me, lé ejoʼlo sa nye a lɛɛ-lɛɛ ɛ.

Lʉkas 11:1

É lʉʉ dobo, Yesʉs a be ó yʉʉ gumo lé ejwɨʼla e Zyɛm. É jɔʼ nye a sil jwɨʼla ɛ, nuu mpʉn we ntɔʼ lɛɛ e nye ó: «Da, yeʼla bɨh esa mɨnjwɨʼla é mpʉ Yʉanes a yeʼle ompʉn be e.»

Lʉkas 12:20

Zyɛm, nye e mʉr waa ó: “Go sa gʉ yi! Muh é pum wi, me ópɛʼ sisim go. Ozé, bé óka liʼ lé ede bɨsa gɨ sil koho biʼ ɛ?”»

Lʉkas 12:33

Bɛma ga mobi mɨn. Fuʼa ga baanteʼenteʼe o bʉr. Lara ga mɨmpɨʼ bɨmɔn ndɨ ajwɨm ɨ. Maʼa ga okum e l'ogbaa win é jobo kʉ, gumo byé óbe, asie e, ebe, mɨndiblʉ, myé abe e nkul ekunbo e tɨ; osyoʼ nteme ajʉa bye.

Lʉkas 16:2

Nye ntɔʼ jebe nye. Nye e nye ó: “Wáa mbi lɔb me lé ejoʼo-joʼo, tiibe e go wi? Lɛʼla me mpʉ go bi-bi bɨsa byam ɨ, ebe, go abe e nkul eka di mbɔʼlʉ ekuro lam!”

Lʉkas 16:25

«No ó Abraham a lɛɛ e nye ó: “Mwan wam ɔɔ! Toŋla ó, go a di ó, é dia mopoʼ é jɔʼ go a be e tiʼ yi ɔɔ! Lazar nyɛɛ a kʉ ka di-di ó, njɨ é dia enteʼe ɔɔ! Banana, nye mu ó si poblɔ kaʼ ɔɔ! Gwɔɔ, go esia e mogumba ɔɔ!

Lʉkas 18:22

É jɔʼ Yesʉs a joʼo no e, nye ze lɛɛ e nye ó: «Yé eka saa go sa gwar. Toʼ, to bɛma bɨsa bibyɛh go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa é lal mo Zyɛm ɨ. Pie tɨ, go òze du me.»

Lʉkas 8:18

Ebe no, gʉa dwɛʼ ga mbi bɨn ndɨ ejoʼlo e. Mʉr ndɨ e tɨʼ ɨ, nye óbâʼle bul dweŋɔ. To kœb ó, waa ndɨ tɨtoʼo e, nye ópɛʼɔ ma bim nye ndɨ egʉa ó, nye e tɨʼ ɨ.»

Yʉanes 11:1

Nuu mʉr a be ó, die Lazar. Nye a be ó lé esyɛb. Nye a be ó mʉr Betani, kwar mo Maaria bé e tʉl we Marta.

Yʉanes 11:19

Buobuo oYʉden, bé a be ó si ze, lé eze dwaŋle Marta bé e Maaria, mɨleme é l'efie e ntʉm wɔɔ.

Yʉanes 12:3

Maaria ze nʉa ma ntaʼ labina yé a be é mbɨa monumo e. Yé a be ó é lele tɔɔ, sɛa e mpaŋ nard! Nye ze lœm mokʉ mo Yesʉs ya, ze pim me e mpuo lʉ we. Mbɛr wiwɛh ze loŋlo e monumo maa.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Yʉanes 4:14

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Yʉanes 6:27

Asea ga ebe mode lé elɨra ɛ. Sea ga ebe maa lé edi njʉmdia e njʉmdia ɛ. Mɛɛ, mé ó maa Mwan mo Mʉr ódwe bɨn ɨ, ebe, nye ó waa Zyɛm Sɔŋ a gba ejwɨʼ le e.»

1 Korɛnt 13:3

Me óbɛm kab mobi mam mɨmɛh, nkʉ kɛha nyʉl wam. ǃMe si sa no, me l'abe e kpɛl nɛʼɛ, me l'adira ba nyɔm e bɨsyɛɛla bɨnɨ.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.