Lʉkas 10:22 - Kálara Zyɛ̌m Edwán é mpʉ̌n

²² «Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.»

Kálar Nzyɛ̌m : Ejwán é Sáá

²² «Sɔ́ŋ wǎm á si dwe me bisá bíbyɛ̂h. Abe e mʉr dí egʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.»

Lʉkas 10:22 Iomraidhean Croise

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Yʉanes 13:3

Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

Yʉanes 17:10

Sa yiyɛh me ndɨ e ye e, yé ó yo. Yaa yiyɛh go ndɨ e ye e, yé ó yam. Me e kum ó, ebe bʉr bam baa.

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Yʉanes 17:26

Me a si lɛʼle be mpʉ go ndɨ ɨ. Me nteme óbâʼle lɛʼle be. Ebe no, kpɛl go lé ekpɛl me e, yé óntaa é be, ebe, me mʉr tɨ, me óbe ó é be.»

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Yʉanes 3:35

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.

1 Korɛnt 15:24

É jɔʼ yaa ó esie e mbi jɔʼ yi, lé óka pyal ɨ, Krɨst ntɔʼ gbah mɨsisim mɨ apum mimyɛh: le myaa ndɨ mɨlʉ ɨ, le myaa mɨ nkul mojwɨ̀ʼa ɛ, le myaa ndɨ e monkul monɨnɨ ɨ. Nye ódwe Zyɛm Sɔŋ jwɨ̀ʼa ye yaa,

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

Éfɛsɔs 1:21

Zyɛm a dil nye é dia taʼa yaa ó, é mɨsisim mɨ apum kʉ, taare é myaa mɨ jwɨɨ, bé e myaa mɨ nkul ndwe e myaa ndɨ e monkul monɨnɨ ɨ, to pyal é myaa ndɨ mɨlʉ ɨ. Krɨst ó ndɨ elaa bɨbɛh é mpwaʼ nkʉŋ. Nkʉŋ we ó lé elaa bwaʼbwaʼ nkʉŋ ndɨ e nkul egwimlɨ é mbi jɔʼ yi, nkʉ é jwɨ̀ʼa ye, yé óka cyelɔ ɛ.

Ebrœ̂ 2:8

Go a si gba sa yiyɛh é jwɨɨ ye si, é mokʉ me si.» Mpʉ Zyɛm mu si syɛŋ bɨsa bibyɛh, gba bye é jwɨɨ ye si ɨ, yé abe e sa gwar ndɨ abe fila si é jwɨɨ ye yaa. To kœb ó, banana, bɨna bé apa bee ga ó, bibyɛh, bi sil gbaŋɔ é jwɨɨ ye.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

2 Yʉanes 1:9

Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.