Lʉkas 10:2 - Kálara Zyɛ̌m Edwán é mpʉ̌n

² No ó nye a lɛɛ e be ó: «Mode, mé mu ó si bul tɨ é bɨpeme. Sa gwar, bʉr o to é mɨngol ɨ, bé abuo. No ó, saʼ ga Mʉr peme mɨnjwɨʼla ó, nye loma osyɛl o mosa é buobuo, lé eto é mɨngol é peme ye.

Kálar Nzyɛ̌m : Ejwán é Sáá

² Nó nyé á lɛ́ɛ e bé ó: «Yé ɨ́ buo méde mû sí tɨ̂ ɨ́ pemé má. Sâ gwár, bʉr o tó kpɛm méde maá bá, bé abuo. Nó, jɨʼlaa gá e Kúm pemé ó, nye lómaa bilóbila ɨ́ buo buo. Bé tô kpɛm méde ɨ́ pemé.

Lʉkas 10:2 Iomraidhean Croise

Mataos 20:1

«Jwɨ̀ʼa mo Da, yé enwɨɨla ó e mʉr bɨpeme a pyal kʉl é dwine mɛn kuno, lé eto saa bɨlobila byé óto sea nye syɛɛ é peme motin mo orezɛŋ ye e.

Markus 13:34

É jɔʼ yaa, yé ónwɨɨla ó e mpʉ mʉr a be ó, nye tɨʼe cyen ɨ. Nye eliʼe mbɛr we ó, nye osi kab osyɛl o mosa be bɨsyɛɛ, mʉr nyiwɛh e we nkul mojwɨ̀ʼa é l'efu ó, nye sea syɛɛ ye, nye osi cyel nteme mʉr é l'ebe, ó nye cyɛba é vaa. Nye a tiile nye etie ó, nye diʼe nkehe.

Markus 16:15

No ó nye a lɛɛ e be ó: «Toʼ ga é si nwaʼ nyiwɛh, lé eto le elɛɛ mɨcyea bɨsa bibyɛh Mbɨambɨa Lɔɔ.

Markus 16:20

No ó ompʉn be, bé a to le elɛɛ Mbɨambɨa Lɔɔ é gumo yiyɛh ɛ. Pie lɔɔ bé a lɛɛ ɛ, Da Yesʉs a ntɨh-ntɨh bɨdweʼle bɨ nkul we ó, byaa lé eboʼlo ó, lɔɔ wɔɔ, wé a kʉ be ó cyecye e.]

Lʉkas 9:1

No ó Yesʉs a ze jebe esama le ompʉn be ewʉm e l'oba, ze dwe be nkul ó, bé dwihɨ bʉr moleme, le ejomo bʉr mosyɛb.

Mɨlʉmlʉ 11:19

É jɔʼ Etyɛn a jʉŋɔ ɛ, bʉr ze tíile ompʉn. Yé ó b'a sa ó, ompʉn, bé gbɛha. Baʼ bʉr o sama yɔɔ, bé a si to cye Fenis; bʉʉ, to é Siprʉs; bʉʉ nteme, to é nkana Antios. Bé a kʉ lɛɛ-lɛɛ lɔɔ Zyɛm ó, njɨ é l'oYʉden bé ome.

Mɨlʉmlʉ 13:2

É guu moho, é jɔʼ bé a dwiibɨ Da Yesʉs le eti mode e, Mbɨambɨa Sisim ze lɛɛ e be ó: «Cyelɨ ga me Barnabas bé e Sol, é syɛɛ me a jebe be ó, bé toʼ, to sea ɛ.»

Mɨlʉmlʉ 13:4

Mbɨambɨa Sisim ze lomo Barnabas bé e Sol ó, bé toʼ Selœkea. Bé ntɔʼ to kablɔ é titima, ze to pyal é dine Siprʉs.

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

Mɨlʉmlʉ 22:21

No ó Da Yesʉs a ka lɛɛ e me ó: “Toʼ, ebe, me muno ze cen go é l'ejaa, gumo bʉr o ndɨ abe oYʉden ndɨ ɨ.”»

Mɨlʉmlʉ 8:4

Baa b'a gbɛha ɛ, ze to mɨlal e mɨlal myɛh, lé eto le elɛɛ lɔɔ Zyɛm.

1 Korɛnt 12:28

No ó, Zyɛm a cyel bʉr é Mbɛr-Zyɛm ó, é mbi wi: é cye efoʼ, mɨlʉmlʉ; é cye mba, ogwiha o mɨlɔb; é cye lɛl, oyeʼle o mɨlɔb mo Zyɛm. Pie tɨ, nye a si cyel osyɛl o mosima be e bʉr nye a nol bɨntɔɔ bɨ ejomo bʉr ɨ, ndwe e baa nye a nol bɨntɔɔ bɨ efuʼo mɨnjyebnjyeb ɨ, kɛl baa nye a nol bɨntɔɔ bɨ ejwɨʼ bʉr o mbɛr Zyɛm ɨ, bé e baa nye a nol bɨntɔɔ bɨ elwib bɨlɔblɔb ɨ.

1 Korɛnt 15:10

Dam be no, me ó lʉmlʉ we, ebe mocyɛʼ mo mpom Zyɛm a sʉ me e. Nye a baasʉ me ma, mocyɛʼ mo mpom l'aliʼe bɨdweʼle. Nye a sʉ me ma ó, me nkʉʼ dɨ sea, laa myʉʉ mɨlʉmlʉ mye mimyɛh. (É l'ocyecye, ntʉʼ me lé esea. Mocyɛʼ mo mpom nye a sʉ me e, mé ó ndɨ esa ó, me sea no.

2 Korɛnt 6:1

No ó, mpʉ bɨh lé esea e Zyɛm syɛɛ gwar yaa ɛ, no nteme ó bɨh lé ejwɨʼla e bɨn ó, é mpʉ Zyɛm mu si lɛʼle bɨn ncwɨncwɨa no e, abi ga ncwɨncwɨa waa mbɛh,

Filipi 2:21

Ebe, bʉʉ bʉr bɛɛ, bé esaa ó, njɨ mɨnyɔm myɔɔ. ǃBé si joʼo sa lé etiibe e Yesʉs-Krɨst nɛʼɛ, bé agum nʉa ye, gba é nkɔb.

Filipi 2:25

Mɨ ze bee ó, yé a kʉ jala ó, me buula bɨn mɨɔ ga wina Epafrɔdit. Bɨh e nɔɔ ó ndɨ é l'empomo e syɛɛ egwar. Nye ó mʉr bɨh e nɔɔ ndɨ elwimla dɔm ɨ. Nye nteme, nye ó mwa mɨlʉmlʉ win, ó nye ntaʼ, ze fuʼo me é zi bɨsa byé a sa me sɔɔlʉ ɨ.

Filipi 2:30

ebe, nye a be ó si ngbaa dwè é lɔb syɛɛ mo Krɨst! Nye a si ngbaa dimle tiʼ ye, lé eze tʉŋ me, lé edwe me ngula bɨn bé a be, abe e nkul edwe me e.

Kolosi 1:29

Ebe no ó me lé ejaʼra e syɛɛ yiʼ ɨ. Me ebaran e mɨtuu bɨsyɛɛ ó, é nkul ndɨ eduho boo Krɨst ɨ. Nkul we waa ó ndɨ esea é me tʉŋlʉ.

Kolosi 4:12

Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.

1 Tesalonika 2:9

Obɨɔ ga bam aa! Bɨh bé a si kʉ sea bɨsyɛɛ bɨ nkul, mpʉ bɨn bʉr o tɨʼ lé egʉa ɛ. É jɔʼ yiyɛh bɨh bé a lɛɛ-lɛɛ bɨn Mbɨambɨa Lɔɔ ndɨ eduho boo Zyɛm ɨ, bɨh bé a be nteme ó, lé esea bɨsyɛɛ mobo, moho e pum. Bɨh bé a sa no ó, bɨh beʼ l'agba bɨn tuu é nyʉl lé enkɛɛ mbeʼ wih.

1 Tesalonika 5:12

Obɨɔ ga bam aa! Bɨh bé ejwɨʼla e bɨn ó, bɨn dwaaba baa lé esea lelelele syɛɛ é l'esama lɨn ɨ. Bé ó baa Da Yesʉs a cyel ó, bé kœʼœ e bɨn, le ebal bɨn ɨ.

2 Tesalonika 3:1

Obɨɔ ga bam aa! Bɨh bé eka tile bɨn ó, bɨn jwɨʼla e Zyɛm é l'efu lɨh, ó lɔɔ lé etiibe e Da Yesʉs ɨ, wé toʼ dolo kam e kam, ó bʉr dweʼ lɔɔ waa duu, du mpʉ bɨn bɛɛ mu lé edwiibɨ we e.

1 Timotɛ 4:10

Zyɛm wina ndɨ kublakubla ɛ, a si kʉ gba bɨna mbɛla é mɨleme. Nye ó waa ndɨ Tiʼbʉr é l'efu e bɨkul bibyɛh, kʉ bul be baa ndɨ obuʼla ɛ. Lɔɔ waa wé ome ó lé esa ó, bɨh jaʼra e mɨtuu bɨsyɛɛ, ndwe le efwɛmla ɛ.

2 Timotɛ 4:5

Sa gwar, gwɔɔ, mɛrɨ leme é bɨjɔʼ bibyɛh. Dihba mɨtuu. Sea syɛɛ mo lɛa Mbɨambɨa Lɔɔ. Gwɔɔ syɛl mosa mo Zyɛm, sea empomo e syɛɛ ndɨ laa lo e.

Filemɔŋ 1:1

Mɛm Pol, mbʉʼ mo Yesʉs-Krɨst ó lé etile go kalara nwa, bɨh e Timote, mɨɔ wina. Bɨh bé etile ó, gwɔɔ mɨɔ kpɛl wih Filemɔŋ, bɨna ndɨ é l'empomo e syɛɛ egwar ɨ.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

Mɨngwiha 2:1

«Tila kalara. Go à cen engles lé edwiile mbɛr Zyɛm ndɨ ɨ Efɛɛz ɨ. Lɛŋɨ nye ó: Waa lé emɛr baatwitwɛn tambɛl é l'ekœh le ejʉm le e, nye ekœʼ paʼra bɨcye molama bɨ gol tambɛl. Nye elɛɛ ó: