Lʉkas 10:17 - Kálara Zyɛ̌m Edwán é mpʉ̌n

¹⁷ Ompʉn mowʉm tambɛl [e l'oba] baa, mpula bé a bula ɛ, bɨsʉhʉ, byé a be ó be é mɨleme lwɨŋla. Bé ó: «Da, dam pa be moleme, mé esa bɨh mojoʼo é jɔʼ bɨh lé edwih me é die lo e!»

Kálar Nzyɛ̌m : Ejwán é Sáá

¹⁷ Bʉr mekám nzaangbá le obá baá, mpúla bé á búla nyɨ́, bisʉhʉʉ, byé á be bé ɨ́ miléme ó lwɨ́ŋlá. Bé ó: «Dâ ɛ̌, meleme, mé lɨ́ esâ bɨ́h mejóʼo ɨ́ jɔʼ bɨ́h dí eso mé e nzɨ̌ díé lô yɨ́!»

Lʉkas 10:17 Iomraidhean Croise

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Markus 16:17

No ó bʉr bé ójyɛʼ taa buʼo yɔɔ boo me e, bé ósa bɨdweʼle bɨ nkul wɔɔ bi: Bé ódwih bʉr moleme é die lam. Bé ólwib bɨlwib bɨfih.

Lʉkas 10:1

Pie tɨ, Da ze pɛh bʉʉ bʉr, tɔɔ mowʉm tambɛl [e l'oba], ntɔʼ cen be zi dolo oba oba. Bé ntɔʼ to bɨnkana e bɨnkana byɛh, é bɨfum bibyɛh nye a be ó, nye kuma ɛ.

Lʉkas 10:20

Sa gwar, abul soho ga ebe bɨbɨbla mɨsisim, byé esa bɨn mojoʼo. Kʉ bul soho ga yɛɛ njɨ, ebe, mie mɨn, mé mu ó mɨtila é jobo kʉ.»

Lʉkas 10:9

Tiʼɨ ga mɨsyoblʉ mɨ nkana yaa. Bɨn bé à lɛɛ bʉr o nkana yaa ó: “Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!”

Lʉkas 9:1

No ó Yesʉs a ze jebe esama le ompʉn be ewʉm e l'oba, ze dwe be nkul ó, bé dwihɨ bʉr moleme, le ejomo bʉr mosyɛb.

Rôm 16:20

Zyɛm, waa lé edwe bʉr motala ɛ, nye ó ndɨ waa mu kunokuno le etíile Satan si e mokʉ mɨn ɨ. Mocyɛʼ mo mpom mo Tî ga wina Yesʉs, mé swɨŋɨ é bɨn.

Éfɛsɔs 5:24

No ó, jwɨʼ gwar e gwar mpʉ Mbɛr-Zyɛm lé esa Krɨst mojoʼo e, bʉba, bé ejala le esa ojʉm bɔɔ mojoʼo é mozi mɨmɛh.