Lʉkas 10:16 - Kálara Zyɛ̌m Edwán é mpʉ̌n

¹⁶ Nye ze lɛɛ e l'ompʉn be ó: «Mʉr lé ejoʼo bɨn ɨ, nyi joʼo me. Waa lé ebene bɨn ɨ, nyi bene nteme me. Nteme, waa lé ebene me e, nyi bene mʉr a ntɨh me e.»

Kálar Nzyɛ̌m : Ejwán é Sáá

¹⁶ Nye nzě lɛ́ɛ le ompʉ́n bé ó: «Waá sá bɨ́n mejóʼo nyá, nyɨ́ jóʼo mê. Waá ntémé béné bɨ́n nyá, nyɨ́ bene ntémé me. Ntémé, waá béné mé nyá, nyɨ́ bene mʉ̂r á ntɨh me nyá.»

Lʉkas 10:16 Iomraidhean Croise

Mataos 10:40

«Mʉr bɨlan e bɨn mbɨmbɨa ɛ, nye ebɨlan e me. Waa lé ebɨlan e me e, bɨlan ó e mʉr a ntɨh me e.

Mataos 18:5

Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ.

Markus 9:37

«Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. To kœb ó, mʉr bɨlan e me e, nye abɨlan e me e me; nyi bɨlan nteme ó e mʉr a ntɨh me e.»

Lʉkas 9:48

Nye ze lɛɛ e be ó: «Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. Mʉr bɨlan e me e, nyi bɨlan nteme e mʉr a ntɨh me e. É l'esama lɨn, mʉr bɨn bɛɛ lé ebee ó, nye ó ndɨ é bul twaʼbe e, nye ó ndɨ waa lé elaa bɨn bɨbɛh ɛ!»

Yʉanes 12:44

Yesʉs ze tuno ó: «Mʉr lé ejyɛʼ taa buʼo ye boo me e, nye ajyɛʼ ye njɨ boo me ɔɔ! Nye ejyɛʼ ye nteme ó boo mʉr a ntɨh me nwa ɔɔ!

Yʉanes 12:48

Mʉr nyiwɛh lé ecyɛl me, anʉa mokan mam e duu ɨ, nyiha, nye e mʉr ódwe nye mobe tɨʼ ɨ. Sikʉlʉ me mu si dwe bɨn ɨ, yé ó ngo dwe nye mobe é moho epihe, ntible-bɨkaŋa!

Yʉanes 13:20

Me elɛɛ bɨn cyecye ó nɛɛ: mʉr ndɨ enʉa mwa mɨlʉmlʉ wam e duu ɨ, nye edwaabe nteme ó me. No nteme, waa lé enʉa me e duu ɨ, nye edwaabe nteme ó mʉr a ntɨh me e.»

Mɨlʉmlʉ 5:4

Go l'apa bɛma peme yo, yé a dɨ gumo ó e go mʉr tɨ. Nteme, é jɔʼ go a bɛma ye e, mɔn yaa, yé a be ó mɔn yo, yé abe no? A yé pa kʉ tine go ó, go saʼ mpʉnʉ? Yé be yé? Go baakʉa mʉr. Go kʉa ó Zyɛm!»

Galásia 4:14

Dam be ó bɨn bé a si bi mɨtuu ebe esyɛb me a be e le e, bɨn bé a baacyɛl me. Bɨn bé a si bɨlan e me mpʉ sa lɛɛ ó, me a be ó engles mo Zyɛm, nkʉ Yesʉs-Krɨst.

1 Tesalonika 4:8

No ó, baa lé elɨha motɨɨ maʼ ɛ, bé apyeh mʉr. Bé pyeh ó Zyɛm, waa lé entɨh bɨna ga Sisim we e.