Lʉkas 1:77 - Kálara Zyɛ̌m Edwán é mpʉ̌n

⁷⁷ Go ólɛʼle-lɛʼle kul bʉr ye ó, nye ó ngo tiʼ be. Nye ópɛʼ bɨna ga bɨbaa bɨ ebebe.

Kálar Nzyɛ̌m : Ejwán é Sáá

⁷⁷ Go ólɨlɛ̂ʼlě kúl bʉ̂r gá yɨ́ná ó, nye ó ngá tiʼ mɨ́ná gâ. Nye ópɛʼ mɨ́ná gá bibaa bí ébébe nyé á niʼe mɨná gá bí.

Lʉkas 1:77 Iomraidhean Croise

Lʉkas 3:3

Pie tɨ, nye ze taare lé elɛɛ lɔɔ Zyɛm é nkɔra Yʉrdɛŋ yiyɛh. Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ! Bɨn bé à nʉa ndubo, ó Zyɛm pɛʼɛ bɨbaa bɨ ebebe bin ɔɔ!»

Lʉkas 3:6

Bʉr bɨbɛh, bé óbee mpʉ Zyɛm ótiʼ bʉr yi ɔɔ!”»

Yʉanes 1:29

É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

Yʉanes 1:34

Mɨ bana bee no. No ó me lé eboʼlo ó: “Mʉr nwa, nye ó bana kʉ be Mwan mo Zyɛm” ɨ.»

Mɨlʉmlʉ 10:43

Nye ó mʉr lɔb we ndɨ tila é l'okalara be ogwiha o mɨlɔb bɨbɛh ɛ. Bé a lɛɛ-lɛɛ ó, mʉr nyiwɛh ójyɛʼ taa buʼo ye boo nye e, Zyɛm ópɛʼ bɨbaa nye lé eniʼe é lɔb mɨsyem mye e. Nye ósa no ó, ebe die mo Yesʉs.»

Mɨlʉmlʉ 19:4

Pol ze lɛɛ e be ó: «Yʉanes a dù-dù ó, baa b'a gwɨma mobebe mɔɔ, le edwir mɨleme e. Nye a lɛɛ-lɛɛ e bwa b'Ɨzraɛl ó, bé jyɛʼɛ taa buʼo yɔɔ boo mʉr lé edu nye é koo pihe e. No, yé ó Yesʉs.»

Mɨlʉmlʉ 2:38

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ,

Mɨlʉmlʉ 3:19

No ó, gwɨma ga mobebe mɨn. Bɨn bé à dwibra nko Zyɛm ndɨ ɨ, nye nkʉʼ pɛʼ bɨbaa bɨ ebebe nye a niʼe é lɔb mɨsyem min ɨ.

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

Rôm 3:25

Zyɛm a ntɨh Yesʉs ó, nye ntaʼ, ze dwè, jala e mɨsyem ga mina é l'efu ó, efie le nkʉʼ leʼe empime mo Sɔŋ. Nye a dwè ó, nye nkʉʼ kɛm bʉr, ó bé jyɛʼɛ taa buʼo yɔɔ boo nye é lɔb ndwɛa motié waa ɛ. É zea Yesʉs-Krɨst a ze e, Zyɛm a si lɛʼle mpʉ nye ndɨ cɨcyel ɨ. Mɨsyem bʉr, bé a bɛa sa-sa ɛ, Zyɛm a si bul dihbe mye, kʉ lɛŋ mye é buobuo, alwib.

Éfɛsɔs 1:7

Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.