Lʉkas 1:70 - Kálara Zyɛ̌m Edwán é mpʉ̌n

⁷⁰ Nyi sa mpʉ nye a bɛa lɛɛ molu pihe é zi mɨsaŋ mɨ ogwiha o mɨlɔb mye e.

Kálar Nzyɛ̌m : Ejwán é Sáá

⁷⁰ Nyɨ́ sâ mpʉ nyé á boo lɛ́ɛ mélú mé épíhe ɨ́ nzɨ̌ ogwíha o mílɔ̌b bé, bʉr o dí ti bá yɨ́.

Lʉkas 1:70 Iomraidhean Croise

Markus 12:36

Ebe, David nye mʉr tɨ, é nkul mo Mbɨambɨa Sisim, a be ó si lɛɛ ó: “Da a lɛɛ e Tî wam ó: ‘Diʼe si é nko paʼ mbo ejʉm wam, to pyal é jɔʼ me ósa bʉr o dɔm bo ó, bé diʼe cyela mokʉ yo e!’”»

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Mɨlʉmlʉ 28:25

Bé ze bɔʼa motwii, ntɔʼ pyalɔ kʉl, ebe, Pol a be ó si lɛɛ e be ó: «Mbɨambɨa Sisim a kʉ lwib ó e l'ocyecye é jɔʼ nye a cwɨɨ é zi ngwiha mɨlɔb Ezayi, lé elɛɛ ó:

Rôm 1:2

Mbɨambɨa Lɔɔ waa, Zyɛm a si bɛa kɛʼ é zi ogwiha o mɨlɔb ó, nye óntɨh bɨna ga wa. Nkɛʼ waa, nye ó tila é Kalara Zyɛm.

Ebrœ̂ 3:7

Ebe no ó Mbɨambɨa Sisim, nye lé elɛɛ é Kalara Zyɛm ó: «ǃBɨn si joʼo twii mo Zyɛm muh nɛʼɛ,

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

2 Pyɛr 1:21

Ogwiha o mɨlɔb, bé a baagwih mɨlɔb mo Zyɛm lé edu mpʉ gwɨma mɨleme myɔɔ, myé a be e. Bʉr, bé a lwib ó, mokan mé a duho boo Zyɛm ɨ, é zi Mbɨambɨa Sisim.

2 Pyɛr 3:2

Me egwɨm ó, bɨn toŋla mɨsaŋ mɨ ogwiha o mɨlɔb, le mokan bé a bɛa lɛɛ molu pihe e, ndwe e mɨtiʼa Tî ga wina le Tiʼbʉr ga wina a nʉa ɛ. Mɨtiʼa myaa ó bɨn bé a joʼo é zi mɨlʉmlʉ mye e.

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»