Lʉkas 1:6 - Kálara Zyɛ̌m Edwán é mpʉ̌n

⁶ Bɨbɛh oba, bé a be ó ocɨcyel o bʉr é mih mo Zyɛm, lé edu mɨtiila ndwe e mompene mo Da. Ebò e cyen lɔɔ, alɨŋa ba.

Kálar Nzyɛ̌m : Ejwán é Sáá

⁶ Bɨ́bɛ̂h obá, bé á be ó otîtyěl o bʉ̂r ɨ́ míh mé Nzyɛ̌m, lɨ́ ebaʼle métié ndu e mempéné mé Nzyɛ̌m. Kʉ̌ tyen wɔ́ɔ́, abɨm ébɔ̌ʼ.

Lʉkas 1:6 Iomraidhean Croise

Lʉkas 1:7

Sa gwar, bé a be ó, luʼo mwan, ebe, Lɨsaber a be ó kun. Bɨbɛh oba, bé a be ó, bé mu mɨnjʉ̌m.

Lʉkas 16:15

Yesʉs ntɔʼ lɛɛ e be ó: «Bɨn bé elɛʼle-lɛʼle bʉr ó, bɨn ó ndɨ ocɨcyel. Sa gwar, Zyɛm, nye egʉa mɨleme min! Ebe, sa bʉr lé ebul seʼle e, Zyɛm, nye ebula bene ye mpene-numo.

Lʉkas 2:25

To kœb ó, yé a be ó e nuu mʉr ɨ Yerʉsalɛm, die le Simeɔn. Nye a be ó cɨcyel mʉr le ebul dwaabe Zyɛm. Nye a di-di ó, lé ebono mʉr ódwaŋle bwa b'Ɨzraɛl mɨleme e. Mbɨambɨa Sisim a be ó é nye.

Mɨlʉmlʉ 2:25

ebe, David a tile, tiibe e nye ó: “Me a be ó lé ebee Da bɨjɔʼ bibyɛh e mih mam. Nye efuʼo me, é mbi ndɨ ó, me l'apɨn, ebe, nye emɛr me é mbo ejʉm.

Mɨlʉmlʉ 23:1

No ó, Pol a dwɛʼ bʉr o Bʉm Nɨnɨ é tʉʉʉŋ. Nye ó: «Obɨɔ ga bam aa! Me e leme é mo é pyɛɛɛ lé etiʼe é mih mo Zyɛm, ze pyal é muh é dobo lɨ.»

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

Mɨlʉmlʉ 8:21

Go abe e nkul etœb lɔb wi. Go abe e nuu nkɔb tɨ, ebe, leme go, wé abe cɨcyel é mih mo Zyɛm.

Rôm 8:4

Nye a jaʼra e bɨntɨʼa é nyʉl we ó, nye nkʉʼ du ocɨcyel o motie mɨmɛh Zyɛm a tiile bʉr ɨ. Bɨna bé ebi ga mopoʼ mo syɛɛla ye yaa ó, é jɔʼ bɨna lé ekœʼ ga ebò e cyen Mbɨambɨa Sisim lé etɨe bɨna ga ɛ, aka be lé edu bɨgwɨma bɨ nyʉl bɨpuno ga wina.

1 Korɛnt 11:2

Me eseʼle bɨn, ebe, bɨn bé é bul toŋlo me é bɨjɔʼ bibyɛh, ndwe nteme, bɨn bé ebaʼle le edu mɨnjwɨr me a ntɛŋ bɨn ɨ.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Filipi 2:15

Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.

Kolosi 1:22

No ó, banana, Zyɛm, nyi sa sàa paʼra win boo nɔɔ, ó nye nkʉʼ cyel bɨn é mih me mɨsaŋ mɨ bʉr, abe e mobe, abe e sa ebebe nye a ngbaa nwahle bɨn e tɨ. Nye a sa sàa waa ó, é zi mo Mwan we é jɔʼ Mwan we a bir tiʼ ye, le emɛʼle ó, nyʉl we, nye dwèʼ e.

1 Tesalonika 3:13

Nye gbaʼ bɨn nkul é monyʉl ó, mɨleme min, myé diʼe é sɔɔɔ, alɨŋa ba, abe e mobe é jɔʼ bɨn bé ócyɛb é mih mo Zyɛm Sɔŋ ga wina ɛ. Diʼe ga no, to pyal é dobo Tî ga wina Yesʉs óbula ze, bé e mɨsaŋ beengles mye mimyɛh ɛ.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

1 Yʉanes 2:3

Yé be ó, bɨna bé edu ga motie mo Zyɛm nɛʼɛ, lɛɛ ó, syɛɛla yaa, yé óbe ó dweʼle, sa lé elɛʼle ó, bɨna bɨ gʉa ga nye.

1 Yʉanes 3:7

Bwan bam aa! Abir ga ó, mʉr gomla bɨn é bebebebe zi. Mʉr lé esa mɨmpaŋ bɨsyɛɛla ɛ, nyiha ó ndɨ cɨcyel mpʉ mo Yesʉs-Krɨst.