Lʉkas 1:41 - Kálara Zyɛ̌m Edwán é mpʉ̌n

⁴¹ Njoʼa Lɨsaber a joʼo moswɨhlɨ me e, mwan ze pɨʼba nye é mo. Cye e cye yaa, Mbɨambɨa Sisim ze loŋlo Lɨsaber é leme.

Kálar Nzyɛ̌m : Ejwán é Sáá

⁴¹ Njóʼá Elisabeth á jóʼo meswɨhlɨ mé yɨ́, mwân nzě kubla nyé ɨ́ mo! Tyé e tyé yaá, Elisabeth á be ó, nye mû lwɨ́ŋlá e Sísǐm mé Nzyɛ̌m.

Lʉkas 1:41 Iomraidhean Croise

Lʉkas 1:15

ebe, nye óbe ó mʉr nɨnɨ é mih mo Da. Yé ajala ó, nye nyʉlɨ monwoʼ mo rezɛŋ, nkʉ maa mofih ndɨ efɔʼa ɛ. Nye óbe ó lwɨŋla e Mbɨambɨa Sisim, nye dina é mo mo nyɔŋ we.

Lʉkas 1:40

Nye ze to fil é mbɛr mo Zakari, ntɔʼ soho myɛl Lɨsaber.

Lʉkas 1:42

Nye ntɔʼ bʉ tim, lé elɛɛ ó: «Go ó lwɨŋla e mocyɛʼ mo mpom, laa bʉba bɨbɛh, mpʉ mwan ndɨ go é mo nteme ndɨ e mocyɛʼ mo mpom ɨ!

Lʉkas 1:44

Paʼ bee: jɨh tɨʼ moswɨhlɨ mo kʉ kpahla me é mogwal, mwan ntɔʼ ze pɨʼba me é mo é bɨsʉhʉ!

Lʉkas 1:67

No ó sɔŋ we Zakari mu lwɨŋla e Mbɨambɨa Sisim a si taare egwih mɨlɔb mo Zyɛm. Nye a lɛɛ ó:

Lʉkas 4:1

Yesʉs mu lwɨŋla e Mbɨambɨa Sisim, nye ntɔʼ duho é dibe Yʉrdɛŋ. Mbɨambɨa Sisim ntɔʼ to e nye é feha si.

Mɨlʉmlʉ 2:4

Bɨbɛh, bé a be ó, bé mu lwɨŋla e Mbɨambɨa Sisim. Bé ntɔʼ taare lé elwib bɨlwib bɨfih, byaa Sisim waa, wé a dwe be nkul ó, bé lwibɨ ɨ.

Mɨlʉmlʉ 4:8

No ó, Pyɛr, nye mu lwɨŋla e Mbɨambɨa Sisim, a lɛɛ e be ó: «Ojwɨɨ o lal ndwe e l'otamabʉr!

Mɨlʉmlʉ 6:3

No ó, obɨɔ ga bam aa! Pɛhɛ ga bʉrʉm tambɛl é l'esama lɨn, baa ndɨ é bul gʉŋɔ ó, bé ó mɨlwɨŋla e Mbɨambɨa Sisim ndwe e l'ocyoo e. Bé ó bɨh bé ótimle syɛɛ yaa ɛ.

Mɨlʉmlʉ 7:55

Mpʉ Etyɛn a be lwɨŋla e Mbɨambɨa Sisim ɨ, nye ze dwɛʼ kʉ é tʉʉʉŋ, ze bee moncɛnba mo Zyɛm, bee nteme Yesʉs lé ecyɛb cɨcyel é mbo ejʉm mo Zyɛm.

Mɨlʉmlʉ 9:17

No ó nye a ze mʉa, to pyal é mbɛr waa. Nye ntɔʼ kɛl Sol mobo. Nye e nye ó: «Mɨɔ wam, Sol, Da Yesʉs, mʉr a pyal go temezi é jɔʼ go a be lé eze kaʼ ɛ, nyi lomo me ó, me saʼ ó, go bula bee, le nteme ó, go diʼe lwɨŋla e Mbɨambɨa Sisim.»

Éfɛsɔs 5:18

Afwaʼ ga monwoʼ. Mé esa ó, mʉr dimla tiʼ modile ye. Diʼe ga yɛɛ lwɨŋla e Mbɨambɨa Sisim.

Mɨngwiha 1:10

É lʉʉ dobo mo Da Yesʉs, Mbɨambɨa Sisim a be ó si mɛr me e nkul, me ze joʼo twii lé elwib, mʉr tɨʼ lé ecyɛb me é koo pihe. Twii we, nye a jwɨ̂ʼ ó mpʉ sa cɨŋɔ ó, yé ó sebe lé elwɨɨ ɨ.