Lʉkas 1:20 - Kálara Zyɛ̌m Edwán é mpʉ̌n

²⁰ No ó mpʉ go baabuʼla lɔɔ wam ɨ, go ákwoʼ ka lwib! Go ódi ó nʉm ndibla, to pyal é jɔʼ bɨsyɛɛla me lɛɛ bɨnɨ, byé ósyɛɛlɨ ɨ. Mpaŋla me ze cen go nwaʼ ɛ, bɨsyɛɛla bɨ tɨʼ, byé ósyɛɛ lé edira lɔɔ wam é jɔʼ Zyɛm a tiile e!»

Kálar Nzyɛ̌m : Ejwán é Sáá

²⁰ Nó mpʉ gô bé abûʼla mpáŋla nyǎm yɨ́, go ákóʼó kǎ lwib! Go ódi ó le emúmó, tó kumo ɨ́ jɔʼ bísyɛ́ɛla mê lɛ́ɛ́ bínɨ̌ ngá syɛ́ɛ yɨ́. Mpáŋla mê nze lɛ́ɛ́ gó nyɨ̂, nye ókʉ́ dira ɨ́ jɔ̌ʼ Nzyɛ̌m ólɛ́ɛ ó, nye díraa yɨ́!»

Lʉkas 1:20 Iomraidhean Croise

Markus 16:14

Pie tɨ, Yesʉs ntɔʼ lɛʼle esama le ompʉn ewʉm e ngwar le nyʉl we, é jɔʼ bé a be ondindil lé ede e. Nye a si tɛɛ be, ebe, bé a baabuʼla nye, ndwe nteme, bé a be ó e mɨleme é lele lele. Bé a baabuʼla bʉr o b'a lɛɛ be e. Bé a lɛɛ be yɛɛ ó, bé a si bee nye; nyi pàh é foo!

Markus 9:19

Yesʉs ntɔʼ lɛɛ e be ó: «Bɨn bʉr o ndɨ akpɛl buʼla ɛ! Me kaʼ diibe é sama yin, to pyal é yáa jɔʼ? Me ódihbe bɨn, to fiʼ yáa gumo? Ntaʼ ga me e mwan nɨ wâ.»

Lʉkas 1:19

Engles ntɔʼ bɨha ó: «Mɛm Gabryɛl ó ndɨ ecyɛb é mih mo Zyɛm! Me eze ó é lʉmlʉ we, ó me ntaʼ, ze lwib e go, lé eze lɛɛ go mbɨambɨa lɔɔ wi.

Lʉkas 1:21

É jɔʼ bé e l'engles, bé a be lé elwibla ɛ, sama bʉr, bé a be ó lé ejehe bɛabɛa dia nye a di é Mpah Zyɛm tʉŋlʉ ɨ.

Lʉkas 1:22

Pyala nye a ka pyal kʉl ɨ, nye a baabe e nkul eka lwib e be. Nye a kʉ ka dɨ pyɛh be ó njɨ mobo e mobo. Tɨʼ ó bé a jwɨʼ ó, nye a be ó si bee lʉʉ esima é Mpah Zyɛm tʉŋlʉ ɨ.

Lʉkas 1:45

Mocyɛʼ mo mpom, mé swɨŋɨ é gwɔɔ, mʉr a be si buʼla mpaŋla Da lomlo go e. Go si buʼla ó, mpaŋla we waa ódira.»

Lʉkas 1:64

Cye e cye yaa, Zyɛm ze tiʼ nye, nye ze bula taare lé elwib, to dolo lé edwe Zyɛm kum.

Rôm 3:3

No ó, bɨna bé ólɛɛ ga é yé, tiibe e bʉr o b'a baajyɛʼ taa buʼo yɔɔ boo Zyɛm ɨ? Zê elele e mɨleme lɔɔ, lé ó e nkul ekamle Zyɛm lé edira monkɛʼ me ɛ?

2 Timotɛ 2:13

ǃBɨna dam gwaʼ ga lé ebe bʉr be ebuʼla wa, nyɛɛ é we paʼ, nye ó mʉr ebuʼla.» Nye ákwoʼ kɛla ó, nye abe mʉr ebuʼlɔ.

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

Mɨngwiha 3:19

Mʉr nyiwɛh me lé ekpɛl ɨ, me edwe nye mobe ndwe le eturo nye lʉ. Ebe no, gbaʼ ga monyʉl é l'efu ó, bɨn gwɨma mobebe mɨn, le edwir mɨleme.