Filipi 4:3 - Kálara Zyɛ̌m Edwán é mpʉ̌n

³ No ó, gwɔɔ mpaŋ mʉr nwan yam! Me ejwɨʼla nteme e go ó, go toʼ, to kɛm bʉba onɨ, ó bé diʼe twii, ebe, bé ó bʉr o bɨh e boo nɔɔ ndɨ é l'empomo e syɛɛ egwar ɨ, bé e Kelemaŋ ndwe e bʉʉ bʉr. Mie mɔɔ, mé ó mɨtila é kalara tiʼ tʉŋlʉ.

Kálar Nzyɛ̌m : Ejwán é Sáá

³ Me lɨ́ ejɨʼla ntémé e go, mpǎŋ mɨ́ɔɔ́ wǎm, ó go tôʼ komlo bʉ́bá ónɨ̌, ó bé díʼee twíí, ebě, bé ó bʉr o bɨ́h le onɔ́ɔ́ bé á sia e túú lɨ́ etúnǒ Mbɨambɨa Lɔ́ɔ bá. Bé e Klemâŋ ti e bʉ́ʉ́ bʉ̂r, bé á si séa ntémé nó. Míé mɔ́ɔ́, mé ó micɛmá ɨ́ mekaná mé twiʼ tʉ́ŋlʉ̌.

Filipi 4:3 Iomraidhean Croise

Lʉkas 10:20

Sa gwar, abul soho ga ebe bɨbɨbla mɨsisim, byé esa bɨn mojoʼo. Kʉ bul soho ga yɛɛ njɨ, ebe, mie mɨn, mé mu ó mɨtila é jobo kʉ.»

Rôm 12:1

No ó, obɨɔ ga bam, me ejwɨʼla e bɨn é nkoo Zyɛm a jwɨʼ bɨna ga ɛ, ó bɨn timla nye monyʉl mɨn ntinɨ e ntinɨ, ebe, monyʉl mɨn, mé ó sa bɨn lé ejala le edwe nye tɔɔ mɨkubla motwina ndɨ ti é mih me e. Nye óbee bɨtiʼ bin byaa mbɨmbɨa. É jɔʼ bɨn bé ósa no e, bɨn bé ódwiibɨ nye é mbi nye ógwɨm ɨ, é mɨsisim min.

Rôm 16:12

Me esoho nteme Trifɛna bé e Trifosa, bʉba lé esea lelelele syɛɛ mo Da ɛ. Me esoho nteme mɨɔ kpɛl wam Pɛrsis. Nye a si gba nyʉl lé esea e Da.

Rôm 16:9

Me esoho Urbanos, mʉr bɨh e nɔɔ ndɨ é l'empomo e syɛɛ egwar é zyɛŋa wih boo Yesʉs-Krɨst ɨ. Me esoho nteme mɨɔ kpɛl wam Stakus.

Filipi 1:12

Obɨɔ ga bam aa! Me egwɨm ó, bɨn gʉŋa ó, sa yé a pyal me e, yé ó b'a tine Mbɨambɨa Lɔɔ ó, wé bâʼla myɛma.

Filipi 1:16

Bé esa no é lɔb kpɛl bé le ekpɛl me e, bɛɛ lé egʉa ó, Zyɛm a dil me wâʼ é mbʉʼ ó, me nkʉʼ kamle e Mbɨambɨa Lɔɔ.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

Filipi 1:5

ebe, mpʉ bɨn bé a syɛŋa mobo e me e, yé a be ó é mbɨa. Bɨn bé a si baʼra e me lé elɛɛ Mbɨambɨa Lɔɔ, taare é l'elu le efoʼ, ze pyal é muh é dobo lɨ.

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Filipi 4:2

Me ejwɨʼla e bɨn, Evodia bé e Sʉntike, mpʉ bɨn mu é zyɛŋa win boo Da Yesʉs ɨ, diʼe ga nteme twii ngwar.

Kolosi 1:7

Lɔɔ waa, wé ó bɨn bé a joʼo boo Epafras ɨ. Nye ó mɨɔ kpɛl wih, mʉr bɨh e boo nɔɔ ndɨ é l'empomo e syɛɛ egwar ɨ. Nye ó syɛl mosa Krɨst a ntɨh bɨn, waa ndɨ mʉr ebuʼla ɛ.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.

Mɨngwiha 20:12

Me ntɔʼ bee odwè. É bʉr baa, yé a be ó e bʉr bɨbɛh, taare é baanteʼenteʼe, to pyal é l'osabene. Bé a be ó si cyɛb é l'empom e dia taʼa. Okalara, bé ntɔʼ bɛɔ. Nuu kalara fih ntɔʼ bɛɔ nteme. Nyiha, nye ó kalara tiʼ. Zyɛm ze pahle odwè. Nye a tiʼe mɨlɔb myɔɔ ó, lé edu mpʉ bɨsyɛɛla byɔɔ, byé a be e. Byé a be ó mɨtila é l'okalara be efoʼ baa.

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Mɨngwiha 21:27

No ó, bɨsa molwaʼbe, byé aŋa ni tɨ. Bʉr o ndɨ esa bɨsyɛɛla Zyɛm lé ebul bene e, bé e mɨmpʉmpʉl, bé ákwoʼ ni nteme tɨ. Bʉr o bé óni tɨʼ ɨ, bé óbe ó njɨ baa b'a bɛa be e mie mɨtila é kalara tiʼ mo Ma Ntœme e.

Mɨngwiha 3:5

Mʉr nyiwɛh óbe si ntaa, bula e l'esaa é koo e, me óbœr nye kan pumo. Me aŋa cyam die le é kalara tiʼ. Me ólɛɛ Sɔŋ wam, bé e beengles be ó: Waa wam ó nwa!