Filipi 3:9 - Kálara Zyɛ̌m Edwán é mpʉ̌n

⁹ Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

Kálar Nzyɛ̌m : Ejwán é Sáá

⁹ Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Filipi 3:9 Iomraidhean Croise

Mataos 9:13

Toʼ, to jwɨʼ ga sa Kalara Zyɛm ndɨ elɛɛ ɛ. Yé ó tila ó: “Me egwɨm ó, bɨn lɛʼla bʉr ncwɨncwɨa, abe ó, bɨn dweʼ me motwina.”» Yesʉs ze ko tɨʼ ó: «Ebe, me a baaze jebe ocɨcyel o bʉr. Me a ze jebe ó osyɛl o mɨsyem.»

Rôm 1:17

Mbɨambɨa Lɔɔ waa, wé elɛʼle mpʉ bʉr lé ebi mokebe é mih mo Zyɛm ɨ. Mokebe maa, mé edweŋɔ ó, njɨ ebe taa buʼo mʉr lé ejyɛʼ boo Krɨst ɨ, taare é l'etɔɔrʉ, to pyal é l'efehle. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

Rôm 10:10

ebe, leme go, wé ó fum go jyɛʼɛ taa buʼo yo boo Zyɛm ɨ, nye ntɔʼ dwe go mokebe é mih me. No ó, ǃgo si mɛʼle ocyecye, lé elɛɛ ó: «Yesʉs ó ndɨ Njwɨɨ» nɛʼɛ, go óbi tiʼ molu mo mpoʼ mɨmɛh.

Rôm 16:7

Me esoho nteme mɨmbyɛl myam, Andronikus bé e Yʉnias. Bɨh e boo nɔɔ ó b'a be é mbʉʼ. Bé ó b'a taare jyɛʼ taa buʼo yɔɔ boo Krɨst e me. Bé é bul gʉŋɔ boo sama mɨlʉmlʉ mo Da.

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Galásia 2:16

To kœb ó, bɨna mu lé egʉa ga ó, mʉr, nye aŋa bi mokebe é mih mo Zyɛm ebe mbi nye lé edu motie e. Mʉr, nye ebi mokebe é mih mo Zyɛm ó, ebe taa buʼo nye lé ejyɛʼ boo Yesʉs-Krɨst ɨ. Bɨna bɨ jyɛʼ ga taa buʼo yina nteme boo Krɨst é l'efu ó, bɨna nkʉʼ bi ga mokebe é zi buʼo gwar yaa. Abe e mʉr lé ebi mokebe ebe mbi nye lé edu motie e. Mʉr ákwoʼ bi mokebe é mih mo Zyɛm ebe mbi nye lé edu motie me e.

Filipi 3:6

Me a si bul laŋle tíile bʉr o Mbɛr-Zyɛm. É nko paʼ motie, me a si kœʼ mbɨambɨa ebò e cyen, alɨŋa ba.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Títos 3:5

Nye a dwe bɨna ga tiʼ molu mo mpoʼ mɨmɛh ó, é zi njwɨʼa-nkoo we. Nye a baadwe bɨna ga nkɔb tiʼ yaa é lɔb mɨmpaŋ bɨsyɛɛla bɨna bé a dɨ sa é l'ocɨcyel ga wina ɛ. Yé a be ó, ebe puba nye a pubo bɨna ga cwɨɨ é Sisim we e. Wé ó b'a sa ó, bɨna byɛlɨ ga mbyɛla edwan, le esa ó, bɨna beʼ modwan mo bʉr. Nye a si ntɨh bɨna Sisim we é ntuʼ-ntu-ntuʼ, dumo e Tiʼbʉr ga wina Yesʉs-Krɨst.

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

Jacques 3:2

Bɨna ga bɨbɛh, bé esa ga mobebe, mɨmbi mimyɛh. Mʉr ndɨ abe lé esa ebebe é jɔʼ nye lé elwib ɨ, nyi kumo é l'ombɨmbɨa é mɨpaʼ mimyɛh. Nye ó e nkul ebaʼle nyʉl we, nye l'aka sa tʉa e syɛɛla ebebe.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

1 Yʉanes 3:4

Mʉr nyiwɛh lé esa syem ɨ, nye entaa etie mo Zyɛm. Esa syem, lé ó entaa motie.