Filipi 3:6 - Kálara Zyɛ̌m Edwán é mpʉ̌n

⁶ Me a si bul laŋle tíile bʉr o Mbɛr-Zyɛm. É nko paʼ motie, me a si kœʼ mbɨambɨa ebò e cyen, alɨŋa ba.

Kálar Nzyɛ̌m : Ejwán é Sáá

⁶ Me á si bu tíble Mbɛ̌r-Nzyɛ̌m. Ɨ́ nkǒ páʼ métié, me á be ó tîtyěl mʉr, abe le etié egwár lé á mɛ̂r me.

Filipi 3:6 Iomraidhean Croise

Mataos 23:25

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, é jɔʼ bɨn lé ejɨ pub bɨfua e l'okob ɨ, bɨn bé efuʼro bye njɨ é nko paʼ kʉl. To kœb ó, bɨfua byaa, byé ó lwɨŋla e bɨsa ndɨ é bebe e. Bɨn bé é bul kpɛl dɛn bɨsa bɨ bʉr. Bɨn bé abe e nkul emɛr mɨleme.

Mataos 5:20

Ebe no, me elɛɛ bɨn ó nɛɛ: ǃɨ ocɨcyel win, wé si be, alaa waa oFarizyɛŋ, nkʉ waa oyeʼle o motie nɛʼɛ, bɨn bé ákwoʼ ni é jwɨ̀ʼa mo Da.»

Lʉkas 1:6

Bɨbɛh oba, bé a be ó ocɨcyel o bʉr é mih mo Zyɛm, lé edu mɨtiila ndwe e mompene mo Da. Ebò e cyen lɔɔ, alɨŋa ba.

Mɨlʉmlʉ 21:20

Jɔʼ bé a sil joʼlo sa nye a dɨ lɛɛ be e, bé ntɔʼ gumlo Zyɛm. Bɛɛ ze lɛɛ e Pol ó: «Mɨɔ wih, gɨ bee mpʉ oYʉden otɔɔyin otɔɔyin mu si jyɛʼ taa buʼo yɔɔ boo Yesʉs-Krɨst ɨ. Mɨleme, myé ó be é ntɨɨɨŋ ó, bé duʼo motie mo Moyiz.

Mɨlʉmlʉ 22:5

Njwɨɨ opara, ndwe e sama otamabʉr, bé e nkul eboʼlo ó, sa me lé elɛɛ yi, yé ó cyecye. Bé ó b'a tile me kalara, ntɔʼ dwe me nya, ó me toʼ, to dwe obɨɔ ga bɨna, oYʉden ndɨ ɨ Damas ɨ. Me a be ó e jwɨʼ ó, me to ó mɛr obuʼla bé a be gʉʼ ɨ, bula e be mɨkɛʼa, ze e be Yerʉsalɛm é l'efu ó, bé kabɔ bɨntɨʼa wâ.»

Mɨlʉmlʉ 26:5

Bé ebɛa gʉa me mbɨmbɨa. ǃBé si kpɛl nɛʼɛ, bé ó e nkul eboʼlo ó, me a si kœʼ ebò e cyen mpʉ oFarizyɛŋ. Gʉŋa ga ó, esama lɨh laa ó ndɨ edu buʼo ga yina é dwiii.

Mɨlʉmlʉ 8:3

Sol ze gba nyʉl lé edimle Mbɛr-Zyɛm. Nye a to-to no ó, mɨmbɛr e mɨmbɛr myɛh, lé eto le edulo bʉba le bʉrʉm bé a buʼla ɛ, bɨbɛh. Bé ze gba be é mbʉʼ.

Rôm 7:9

Molu pihe, é jɔʼ me a baapa gʉa motie maa ɛ, me nteme a be ó lé etiʼe. To kœb ó, jɨh tɨʼ me a kʉ gʉa motie maa, mé ntɔʼ jɨm Syem é dwo, me ntɔʼ dwè.

1 Korɛnt 10:32

Kœʼœ ga mpaŋ ebò e cyen é mbi ndɨ ó, bɨn l'ayi ka sa syɛɛla ndɨ ekol oYʉden ebɔʼ lé ódumo be e. Syɛhla ga nteme syɛɛla ndɨ ekol bʉr o bɨkul bɨfih ebɔʼ lé ódumo be e. Akol bʉr o Mbɛr-Zyɛm ebɔʼ lé ódumo be e.

1 Korɛnt 15:9

É sama mɨlʉmlʉ tʉŋlʉ, mɛm ó ndɨ mʉr epihe. É l'ocyecye, me ajala le ejebɔ ó, lʉmlʉ mo Krɨst, ebe, me a si tíile bʉr o Mbɛr-Zyɛm.

Filipi 2:15

Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

1 Timotɛ 1:13

mɛm yɛɛ mʉr a pyeh-pyeh Zyɛm é molu pihe e, le etíile bʉr be, ndwe le ebul pyeh bʉr. Dam be ó, me a si kʉ sa no, Zyɛm a si bana jwɨʼ me nkoo, nyɛɛ lé egʉa ó, bɨsyɛɛla me a sa-sa ɛ, byé a kʉ duho-duho ó, é l'egʉʼla lam, ndwe e l'abuʼla wam.