Filipi 3:5 - Kálara Zyɛ̌m Edwán é mpʉ̌n

⁵ Me ó mbyɛla mʉr Ɨzraɛl, é l'eveh mo Benjamin. Me ó mpɛh Ebrœ. Me a saŋɔ mpʉn ó, pie molu mwom, me osi byɛl. Me a si ni é nkɔm oFarizyɛŋ, lé esa zyee lé edu motie mo Moyiz.

Kálar Nzyɛ̌m : Ejwán é Sáá

⁵ Me á byɛ̂l ó, ɨ́ kúl bʉ̂r o b'Ɨ́zraɛ̂l, ɨ́ mbɛ̌r bʉ̂r mé Benjamin, nyɛ̂r Ebrœ̂. Me á tíʼɔɔ mpʉ́n ó, me mû e melû mwom lɨ́ ebyɛ̂l lâm. Me á si nî ɨ́ sɔ́má óFarizyɛ̂n, lɨ́ esâ sɨ́n lɨ́ ebaʼle métié.

Filipi 3:5 Iomraidhean Croise

Lʉkas 1:59

Pie molu mwom, nye osi byɛl, bé ntɔʼ to e nye ó, bé saʼ nye mpʉn, bé jwɨrɨ nye die e sɔŋ we Zakari.

Lʉkas 2:21

Pie molu mwom, Yesʉs nye osi byɛl, yé ntɔʼ pyal jɔʼ bé a jala le esa nye mpʉn ɨ. Bé ntɔʼ sa nye nya, le ejwɨr nye die ó, Yesʉs, ebe, die laa ó engles a lɛɛ be, nye l'apa nʉŋɔ ebum.

Lʉkas 5:38

Bé elwan modwan monwoʼ ó, é bɨntaʼ ndɨ modwan ɨ.

Mɨlʉmlʉ 22:3

«Me ó Yʉden. Me a byɛl ó, Tarsʉs é lal Silisia. Me a ka ze lele mʉrʉm ó wâ. Me a be ó mwa sikʉlʉ mo Gamalyɛl. Nye ó b'a dwe me sikʉlʉ é mpʉ bɨna lé ejala le edu motie bɨmpam ga bina, byé a liʼe e. Leme wam, wé ó me é ntɨɨɨŋ ó, me dwiibɨ Zyɛm, jwɨʼ gwar e gwar mpʉ bɨn ndɨ nɨ, ze pyal é muh é dobo lɨ.

Mɨlʉmlʉ 23:6

Sa gwar, é jɔʼ Pol a ka gʉa ó, bʉr o Bʉm Nɨnɨ, bé a be ó monkɔm moba, oSadwisyɛŋ, nwaʼ nkɔm, oFarizyɛŋ, nuu ɨ, no ó nye a lwib lé eyɨm twii é mih mo bʉr o Bʉm Nɨnɨ. Nye ó: «Obɨɔ ga bam ɔɔ! Me wâʼ ó Farizyɛŋ ɔɔ! Oda, bé a be nteme ó, oFarizyɛŋ ɔɔ! Leme wam, wé ó lwɨŋla e mbɛla ó, odwè, bé ópàh ɔɔ! Yé ó ebe mbɛla waa ó me lé ecyɛb tɨʼ é nkar wiʼ yi ɔɔ!»

Mɨlʉmlʉ 6:1

É molu maa, mpʉ ompʉn mo Yesʉs, bé a be, bé mu si bul buo e, oYʉden bé a be lé edu egʉa esa ndwe e motum mo bʉr o Grɛs ɨ, bé ze taare lé etooro oYʉden bé a be lé edu njɨ egʉa esa ndwe e motum mo bʉr o b'Ebrœ œ. Bé a lɛɛ-lɛɛ ó, bɨha, bé a be ó lé elɨha-lɨha mɨkuho myɔɔ é nkɔb mode.

Rôm 11:1

Ebe no, me edî ó nɛɛ: é mpʉ yé ndɨ no e, zê yé lé elɛʼle ó, Zyɛm a si myah kul bʉr ye ɛ? Hɨʼɨ, yé abe ba no! Me mʉr tɨ, me ó mpɛh Ɨzraɛl. Me a byɛl ó, é l'eveh mo Benjamin. Me ó mʉr mpoŋbʉr mo Abraham.

2 Korɛnt 11:22

Zê bé ó bɨmpɛh bɨ Ebrœ ɛ? Me nteme, me ó ye! Zê bé ó bɨmpɛh bɨ Ɨzraɛl ɛ? Me nteme, me ó ye! Zê bé ó mpoŋbʉr mo Abraham ɛ? Me nteme, me ó mʉr tɨ!