Filipi 3:16 - Kálara Zyɛ̌m Edwán é mpʉ̌n

¹⁶ Sa ndɨ tɨʼ yé ó, bɨna toʼ ga dolo lé ekœʼ ebò e cyen egwar bɨna ga ndɨ e le é bananaʼ ɛ.

Kálar Nzyɛ̌m : Ejwán é Sáá

¹⁶ Mɨná dúʼoo gá nzɨ̌ mpwár mɨ́ná dí gá tɨ̂ʼ ɨ́ báánâʼ nyɨ́, jɔʼ yɨ́yɛ̂h.

Filipi 3:16 Iomraidhean Croise

Rôm 12:16

Diʼe ga twii paʼra win. Ankɛɛ ga monyʉl; mɛʼla ga ó, bɨn sea mbi syɛɛ wiwɛh, yé dam be mbi ma syɛɛ bʉr ndɨ epyeh e. Atoŋlo ga ó, bɨn e bɨn ó ndɨ mɨcɨcyoo.

Rôm 15:5

Zyɛm ó ndɨ esa ó, bɨna saʼ ga bihbe. Nye nteme ó lé egba bɨna ga nkul é monyʉl. Nye cyɛba bɨn é mɨleme, ó bɨn diʼe e mbi pɛhla ngwar, waa Yesʉs-Krɨst ótɨe bɨn ɨ,

Galásia 5:7

Bɨn bé a taare be ó, lé ekʉ twaare é duò bɨjʉʉ. Zé a ka kamle bɨn lé edu sa ndɨ cɨcyel ɨ?

Galásia 6:16

Bʉr bɨbɛh lé edu etie lɨʼ ɨ, bé ó bɨmpɛh bɨ Ɨzraɛl Zyɛm lé egʉa ɛ. Motala, mé beʼ e bɨbɛh. Zyɛm jwɨʼɨ be nkoo.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

Filipi 2:2

bɨn bé à di e lwib gwar, lé ekpɛla paʼra win. Bɨn bé ódi e leme ngwar, twii ngwar. ǃBɨn sa no nɛʼɛ, yé óbul dwe me bɨsʉhʉ.

Filipi 4:2

Me ejwɨʼla e bɨn, Evodia bé e Sʉntike, mpʉ bɨn mu é zyɛŋa win boo Da Yesʉs ɨ, diʼe ga nteme twii ngwar.

Kolosi 2:6

Bɨn bé a si mɛʼle sikʉlʉ lé etiibe e Yesʉs-Krɨst, ndɨ Tî ga wina ɛ. Ebe no, é zyɛŋa win boo nɔɔ, bɨn bé ejala le ekœʼ ebò e cyen ndɨ ejala ɛ.

Kolosi 4:2

Diʼe ga nkehe, lé esa Zyɛm mɨnjwɨʼla é jɔʼ yiyɛh, le edwe nye ekiba.

Mɨngwiha 3:3

Ebe no, toŋla ga sikʉlʉ bɨn bé a joʼo é molu pihe e. Toŋla ga nteme mpʉ bɨn bé a taare nʉa ye e. Gwɨma ga mobebe mɨn. Bɨn bé à dwir mɨleme. ǃBɨn si bene di nkehe nɛʼɛ, gʉŋa ga ó, me ópyal bɨn mpʉ ndiblʉ, bɨn l'abuʼla. Bɨn bé aŋa gʉa ewala me óze e.