Filipi 3:11 - Kálara Zyɛ̌m Edwán é mpʉ̌n

¹¹ Ebe, leme wam, wi loŋlo e mbɛla ó, me nteme, me ópàh, bi tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

¹¹ Ebě, mpûʼla, nye me ɨ́ léme ó, me ntémé, me ópah, bǐ twiʼ.

Filipi 3:11 Iomraidhean Croise

Lʉkas 14:14

ǃGo si sa no nɛʼɛ, go ósʉŋɔ mocyɛʼ mo mpom, ebe, bé abe e nkul ebuulo go embɨa lo enɨ. Embɨa laa, lé óka buulɔ ó, é moho ocɨcyel o bʉr, bé ópàh ɛ.»

Yʉanes 11:24

Marta, nye e nye ó: «Me ekʉ gʉa ó, nye ópàh é foo é jɔʼ odwè, bé ópàh é moho epihe, ntible-bɨkaŋa.»

Mɨlʉmlʉ 23:6

Sa gwar, é jɔʼ Pol a ka gʉa ó, bʉr o Bʉm Nɨnɨ, bé a be ó monkɔm moba, oSadwisyɛŋ, nwaʼ nkɔm, oFarizyɛŋ, nuu ɨ, no ó nye a lwib lé eyɨm twii é mih mo bʉr o Bʉm Nɨnɨ. Nye ó: «Obɨɔ ga bam ɔɔ! Me wâʼ ó Farizyɛŋ ɔɔ! Oda, bé a be nteme ó, oFarizyɛŋ ɔɔ! Leme wam, wé ó lwɨŋla e mbɛla ó, odwè, bé ópàh ɔɔ! Yé ó ebe mbɛla waa ó me lé ecyɛb tɨʼ é nkar wiʼ yi ɔɔ!»

Mɨlʉmlʉ 26:7

Tamamʉr, moveh ewʉm e moba mo kul ga yina, mé ejoʼo dweh ebee mpʉ Zyɛm ódira nkɛʼ waa ɛ. Bé edwiibɨ Zyɛm ó, moho e pum. OYʉden, bé ekʉ ka pur me ó njɨ ebe mbɛla ndɨ me lwɨŋla é leme e.

Mɨlʉmlʉ 27:12

Mpʉ ebʉm laa, lé a baajʉʼa e bɨtitima é jɔʼ ejyoo e, no ó bʉr é buobuo, bé a jɛna zi é titima ɛ, bé a nʉa tiʼa ó, bé toʼ dolo lé ekœʼ cyen é titima. Bé a bee ó, ǃyé óbana nɛʼɛ, bé ejala le epyal ɨ Fenika. Yé ó ndɨ e l'ebʉm bʉr lé egwɨm to lɛŋ-lɛŋ jɔʼ ejyoo e. Lé a be ó é dine Krɛt. Lé a dwɛʼ ó, tie nko dobo lé eja ɛ, le edwɛʼ nteme tin nko dobo lé eja ɛ.

Rôm 11:14

Me esa no ó, me nkʉʼ gba kul bʉr yam egu é mɨleme. Diŋa ó, bʉʉ bʉr o sama yih, bé óze bi tiʼ molu mo mpoʼ mɨmɛh é zi waa,

1 Korɛnt 15:23

Sa gwar, mʉr nyiwɛh ópàh ó, é ye cye: Krɨst efoʼ, mpʉ tom wé a pɛʼɔ peme e; bʉr be, bé óze bɔma e nye é dobo nye óbula ze e.

1 Korɛnt 9:22

É jɔʼ me ndɨ esyɛŋa zi e bʉr l'apa nʉa pim é buʼo e, me enwɨɨla ó, mpʉ bʉr l'apa nʉa pim é buʼo e. Me esa no ó, me nkʉʼ dulo be. Me esaa enwɨɨla e mɨmbi mɨ bʉr mimyɛh é l'efu le etiʼ bʉʉ bʉr.

1 Korɛnt 9:27

Me ejwɨʼ nyʉl wam é buobuo. Me egba nye é dia olʉa. Me amu jaa fib mompɔʼ, mɛm, mʉr a bɛa lɛɛ bʉr Mbɨambɨa Lɔɔ ɛ.

2 Korɛnt 11:3

Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

1 Tesalonika 3:5

Ebe no, é mpʉ me a baaka be e nkul edihbe e, yé ó me a fuo lomo Timote ó, nye ntaʼ gʉʼ bɨn ye, ó nye gʉŋa cye buʼo yin mu ɨ. Leme, wé a si kolo me é lɔb win, ó yʉʉ jɔʼ, mpʉ Satan lé eboblo bɨn ɨ, bɨn bé a si to gʉmla é yʉʉ bebebebe zi. Me a dɨ syɛl ba e bɨn, mɛm lé etoŋlo ó, syɛɛ bɨh bé a sea bɨn ye e, yi dwè ntuʼ.

2 Tesalonika 2:3

Mʉr beʼ l'agomlo bɨn é bebebebe zi é zi lwib bɨkʉʉŋʉ ye, ebe, esie e mbi jɔʼ yi, lé ákwoʼ pyal no, bʉr, l'apa kaŋa e Zyɛm é buobuo. Ntɔɔ motie ócyɛb é lyanbe é mih mo bʉr é pyɛldweh é jɔʼ yaa. Nye ó ndɨ cyɛb efoʼ é sama bʉr bé ódim njʉmdia e njʉmdia ɛ.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

Ebrœ̂ 11:35

É zi buʼo yɔɔ, bʉʉ bʉba, bé a bâʼle beŋle bʉr bɔɔ bé a taare dwè, ka pàh é foo e. Bʉʉ bʉr bɛɛ, bé a si sia e bɨntɨʼa, amɛʼle ó, bé pɛʼɔ é dia olʉa yɔɔ, ebe, bé a kpɛl ó, bé pàha é foo, bé nkʉʼ bi tiʼ ndɨ é bul mbɨa ɛ.

Mɨngwiha 20:5

Bʉr be efoʼ lé etaare pàh é l'odwè ó ba. Bʉʉ, bé óka pàh ó, mɨmbu tɔɔyin, myé osi laa.