Filipi 3:10 - Kálara Zyɛ̌m Edwán é mpʉ̌n

¹⁰ Sa me lé egwɨm ɨ, yé ó, me gʉŋa Krɨst é kpɛhla. Me egwɨm nteme ó, Zyɛm sea é me, mpʉ nye a sea e nkul é jɔʼ nye a pɛ̀h Yesʉs-Krɨst é foo e. Me biʼe mɨtuu mɨmpwar Krɨst a bi ɨ, efie lam nkʉʼ nwɨɨla nteme e laa le.

Kálar Nzyɛ̌m : Ejwán é Sáá

¹⁰ Sá mé dí egwɨ̂m yɨ́, yé ó, me gwâ gʉ́ǎ Krîst. Mě gwɨ́m ntémé ó, Nzyɛ̌m séaa ɨ́ me mpʉ nyé á séa e nkul lɨ́ epɛ̌h Yésʉs-Krîst yɨ́. Me síaa e mitúú mímpwár Krîst á bi mí. Eswie lâm nkʉ̂ nwɨɨla ntémé e laá lé.

Filipi 3:10 Iomraidhean Croise

Mataos 20:23

Yesʉs, nye e be ó: «Yé ó no: bɨn bé ódihbe mɨtuu me mu kunokuno le esia e mye e. Sa gwar, é nko paʼ edi é mbo ejʉm wam, nkʉ é mbo emyɛl wam ɨ, ntʉʼ mɛm tiʼe wiha lɔb. Bɨdia byaa, byé ebono ó, baa Sɔŋ wam a bɛa komlo bye é l'efu lɔɔ ɛ.»

Yʉanes 10:18

Mʉr, nye aŋa nʉa me tiʼ yam. Me edwe ye ó dweʼ, e nkul wam me mʉr tɨ. Me e nkul edwe ye, bula nʉa. Yé ó syɛɛla Sɔŋ wam a dwe me nkul ó, me saʼ ɛ.»

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Rôm 8:17

Yé be ó, bɨna ga mu ó bwan mo Zyɛm nɛʼɛ, kʉ gʉa ó, bɨna ó ngo bi ga monkɛʼ mo Zyɛm, jala e nkɔb ga wina. Bɨna bé óbi ga me ó, é zyɛŋa ga wina boo Krɨst. ǃBɨna ga e boo nɔɔ, bé óbe si sia e mɨtuu mɨmpwar nɛʼɛ, bɨna bé óbi ga nteme kum, é zyɛŋa ga wina boo nɔɔ.

Rôm 8:29

Ebe, baa Zyɛm a bɛa gʉa ɛ, nye a bɛa tiile é leme ó, bé ódɨ kœʼ ebò e cyen mpʉ mo Mwan we. ǃBé si nʉa dweʼle tiʼ mo Mwan we nɛʼɛ, Mwan waa ófuʼla mwa modweʼe, e l'oncyom e l'okɛl é buobuo.

Rôm 8:36

(Yé ó mpʉ yé ndɨ tila é Kalara Zyɛm ɨ. Yé ó tila ó: «Ebe, é lɔb go, gwɔɔ Zyɛm, bɨh bé é dobo lɨlɛh ó, odwè. É mih mo bʉr, bɨh bé ó mpʉ bɨtab jala le eto tiʼɔ ɛ.»)

2 Korɛnt 1:10

Nye ó mʉr a syɛb bɨh é bim bwaʼbwaʼ efie laa tʉŋlʉ ɨ. Nye nteme óbâʼle syɛb bɨh é l'ebebe no. Yé ó no! Mɨleme mih, mi loŋlo e mbɛla ó, nye óto dolo lé esyɛb bɨh é l'ebebe é molu mé ndɨ eze e,

2 Korɛnt 1:5

Ebe, mpʉ bɨh lé ekabla mɨtuu mo Krɨst ɨ, jwɨʼ gwar e gwar yaa nteme ó bɨh lé ebi monkɔb é nkul we nye lé egba bɨh é mɨleme e.

2 Korɛnt 13:4

Yé cyecye ó, nye a si bomlɔ e mosen, bɨnɔ é klos kʉ ebe ecyɛʼ le. Sa gwar, nye mu ó lé etiʼe é nkul mo Zyɛm. Banana, bɨh bé é cyɛʼ é zyɛŋa wih boo Krɨst. Sa gwar, ebe nkul mo Zyɛm, bɨh e boo nɔɔ, bé ótiʼe é nyɔm win.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Galásia 6:17

Taare é banana, mʉr aka bâʼle kɛl me tuu fih, ebe, bɨbam me ndɨ e bye é nyʉl wam ɨ, byé elɛʼle ó, me ó waa mo Yesʉs.

Éfɛsɔs 4:13

É mbi waa, bɨna ga bɨbɛh, bé óbe ga ó zyɛŋa, cwɨɨ é zi buʼo gwar. Bɨna bé ógʉa ga Mwan mo Zyɛm é kpɛhla. Bɨna bé óbi ga pɨʼ otamabʉr, ntɔʼ gbabla le elele é mɨpaʼ mimyɛh, lé efuʼla nʉa cye mo Krɨst nye mʉr tɨ.

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Kolosi 2:13

Molu pihe, bɨn bé a be ó mɨmuu é nko paʼ sisim, duho é motie bɨn bé a ntaa ɛ, ndwe e mbi bɨn bé a baateʼle nkul bɨpuno win ɨ. No ó, banana, Zyɛm, nyi sa ó, bɨn e boo Krɨst tiʼa zyɛŋa. Nyi pɛʼ bɨbaa bibyɛh nye a niʼe bɨna é lɔb motie mɨmɛh bɨna bé a ntaa ga ɛ.

Kolosi 3:1

Ebe no, é mpʉ bɨn e boo Krɨst mu ó si pɛ̀hɔ é mofoo e, gʉŋa ga ó, bɨn bé ejala le esaa bɨsa ndɨ é jobo kʉ ɨ. Byé ó é gumo Krɨst lé edi é mbo ejʉm mo Zyɛm ɨ.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

2 Pyɛr 1:13

Yé ó no: me ebee ó, yé ó cɨcyel lé ejɨm bɨtoŋla bin byaa é zi mɨlɛa myam, cye yiyɛh me dina kʉ ɨ. Diŋa ó, bɨn bé ókubla,

1 Yʉanes 2:3

Yé be ó, bɨna bé edu ga motie mo Zyɛm nɛʼɛ, lɛɛ ó, syɛɛla yaa, yé óbe ó dweʼle, sa lé elɛʼle ó, bɨna bɨ gʉa ga nye.

1 Yʉanes 2:5

Mʉr waa lé edu motie mo Zyɛm ɨ, Zyɛm, nyi sa ó, kpɛl ye, yé kuma é l'ombɨmbɨa é mɨpaʼ mimyɛh. Ebe no ó bɨna bé ókʉ gʉa ga ó, bɨna ga bé ó é zyɛŋa wina boo nɔɔ ɛ.

Mɨngwiha 1:18

Me ó waa ndɨ kublakubla ɛ. Me a si dwè. Mbe ga: me mu ó é tiʼ molu mo mpoʼ mɨmɛh! Me ó ndɨ e bɨdiba bɨ zi mɨndim, ndwe e byaa bɨ kwar odwè.