Filipi 2:3 - Kálara Zyɛ̌m Edwán é mpʉ̌n

³ Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Kálar Nzyɛ̌m : Ejwán é Sáá

³ Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Filipi 2:3 Iomraidhean Croise

Lʉkas 18:14

Yesʉs ntɔʼ lɛɛ e be ó: «Me elɛɛ bɨn ó, nwɨa tœa waa a ka fiʼ, to mbɛr we ó, nye osi bi mokebe é mih mo Zyɛm, abe mpʉ Farizyɛŋ, ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»

Rôm 12:10

Kpɛla ga paʼra win mpʉ mɨɔ e mɨɔ lé ejala le ekpɛla ɛ. Dwaaba ga bʉʉ bʉr é l'esama lɨn.

Rôm 13:13

Bɨna kœʼœ ga ebò e cyen ndɨ ejala e bʉr o ndɨ é myɛn ɨ. Bɨna l'ayi lɔʼba ga le ebwal mozɔɔ, nkʉ fwaʼ monwoʼ, nkʉ lama fwon é zi bɨduo, nkʉ sa bɨmala zam e l'ekomo, nkʉ sa mpɔʼa monkɔm, nkʉ zii.

Rôm 2:8

Bʉʉ bʉr bɛɛ, bé ó baanya-evuŋo. Bé esa epɨh lé edu sa ndɨ cɨcyel ɨ, bula du sa ndɨ ozyɛhozyɛh ɛ. Bɨha, bé ó baa Zyɛm óbul kpaa empime e be e.

1 Korɛnt 15:9

É sama mɨlʉmlʉ tʉŋlʉ, mɛm ó ndɨ mʉr epihe. É l'ocyecye, me ajala le ejebɔ ó, lʉmlʉ mo Krɨst, ebe, me a si tíile bʉr o Mbɛr-Zyɛm.

1 Korɛnt 3:3

ebe, bɨn bé etiʼe-tiʼe ó, kʉ be mpʉ bʉr o si nwa. Bɨn mu ó lé esa mpɔʼa monkɔm ndwe le esiila motwii. Zê bɨn bé abee naa ó, bɨn bɨ kʉ nʉa dweʼle tiʼ mo bʉr o si nwaʼ ɛ? Bɨn bé ekʉ kœʼ ebò e cyen bʉr o si nwaʼ lé ebul kœʼ œ.

2 Korɛnt 12:20

ebe, me ekpɛɛ ó, me amu be, abâʼle bɔma e bɨn lé epyal lam mpʉ me lé egwɨm ɨ. Bɨn bé amu kœb me, abe mpʉ bɨn lé egwɨm ɨ. Yé amu be nteme ó, me kœbɨ bɨn lé esa mpɔʼa monkɔm, zii, mompime, zyee lé efuo bɨdia, movoʼ, mpuʼ, nkɛa nyʉl, le bɨntʉ.

Galásia 5:15

Sa gwar, ǃbɨn si koʼla, le etɛl paʼra win, mpʉ otir o montiʼ lé esa nɛʼɛ, bɨn bé à di ncye. Bɨn bé amu jaa sie lé ejwɨɨla paʼra win.

Galásia 5:26

Bɨna l'ayi nkɛɛ ga monyʉl ga mɨna. Bɨna bé ajala le egba ga bʉʉ bʉr mompime é mɨleme. Bɨna bé ajala le egwɨm ga bɨsa byoonkan.

Éfɛsɔs 4:2

Filɨ ga monyʉl si paʼra win. Diʼe ga bʉr o ndɨ é tala njwɨr ɨ, le bʉr o bihbe. Dihba ga paʼra win e leme ncwɨncwɨa.

Éfɛsɔs 5:21

Filɨ ga monyʉl si paʼra win, ebe, bɨn bé edwaabe Krɨst.

Filipi 2:14

Saʼ ga sa yiyɛh atʉʼra, nkʉ e mosono é mɨleme.

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

Kolosi 3:8

No ó, banana, yé ejala ó, bɨn birɨ bɨsyɛɛla byaa bibyɛh: ekpaa mompime, ediʼa e leme, ebene bʉr, esa movoʼ, le elwib bɨlwib bɨ fulʉs.

1 Timotɛ 6:4

Nyɛɛ nteme agʉa sɔʼɔ. Nye dina ó lé ekʉ syɛb. Esyɛb le, lé ó lɨ: nye ekpɛl ó, njɨ epɨra mokan, le ekpɛl nteme mogo é lɔb mɨlɔɔ. Sa lé eduho tɨʼ, yé ó: zii, mpɔʼa monkɔm, movoʼ, ndwe e bɨbuʼa.

1 Pyɛr 3:8

Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»