Filipi 2:2 - Kálara Zyɛ̌m Edwán é mpʉ̌n

² bɨn bé à di e lwib gwar, lé ekpɛla paʼra win. Bɨn bé ódi e leme ngwar, twii ngwar. ǃBɨn sa no nɛʼɛ, yé óbul dwe me bɨsʉhʉ.

Kálar Nzyɛ̌m : Ejwán é Sáá

² diʼee gá e lwǐb gwár. Kpɛlaa gá páʼ nyɨ́n. Diʼee gá e léme ngwár, twíí mpwár. Bɨ́n sá nó wá, yé óbuú dwe mé bisʉhʉʉ.

Filipi 2:2 Iomraidhean Croise

Yʉanes 3:29

Mʉr ndɨ e mʉma ɛ, nye ó njɨ mbɛl mʉma. Fo we nyɛɛ, nye ecyɛb-cyɛb ó, é puuu... joʼlo, ó nye nkʉʼ gʉa joʼlo ecel mo mbɛl. Nye ebul soho ecel le! Ebe no ó me lé ebul soho é bananaʼ ɛ.

Mɨlʉmlʉ 1:14

Mɨleme, myé a be ó be é ntɨɨɨŋ ó, bé gbaʼ monyʉl é syɛɛ mɨnjwɨʼla. Tɨʼ yé a be ó le obuʼla o bʉba, le Maaria, nyɔŋ mo Yesʉs, ndwe e l'obɨɔ mo Yesʉs.

Mɨlʉmlʉ 2:1

É jɔʼ ebʉʼ e Paŋtekot, lé a pyal ɨ, obuʼla bɨbɛh, bé a be ó zyɛŋa, gumo gwar.

Mɨlʉmlʉ 2:46

É dobo lɨlɛh, bé a si to dolo lé egwɨhla é jahla bii mo Zyɛm tʉŋlʉ. Go ó, é mɨmbɛr myɔɔ, bé a be-be ó lé epɛ̂ʼla bler, le edeŋɔ mode mɔɔ, mɨleme myɔɔ, myé osi loŋlo e bɨsʉhʉ byé a duho be é mɨmo si ɨ.

Mɨlʉmlʉ 5:12

Mɨlʉmlʉ, myé a si bul sa bɨdweʼle bɨ nkul wɔɔ ndwe e bɨsa bɨ jehe é mih mo bʉr é buobuo. Obuʼla bɨbɛh, bé a gwɨhla-gwɨhla ó, gumo gwar é sikuo yé a dweŋɔ die e Salomɔŋ, yaa ndɨ mbɨembɨe e Mpah Zyɛm ɨ.

Rôm 12:16

Diʼe ga twii paʼra win. Ankɛɛ ga monyʉl; mɛʼla ga ó, bɨn sea mbi syɛɛ wiwɛh, yé dam be mbi ma syɛɛ bʉr ndɨ epyeh e. Atoŋlo ga ó, bɨn e bɨn ó ndɨ mɨcɨcyoo.

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

2 Korɛnt 13:11

Obɨɔ ga bam aa! Sa me óka tile bɨn é l'epihe e, yé ó nɛɛ: diʼe ga mbɨmbɨa. Dɨʼe komla ga paʼra win. Dɨʼe gba ga nkul é nyʉl mo mɨɔ nyiwɛh paʼra win. Dɨʼe toŋlo ga sa gwar. Tiʼa ga é motala. No ó Zyɛm lé eze bɨna ga e ncwɨncwɨa ndwe e motala ɛ, nye ódi e bɨn.

2 Korɛnt 2:3

Me a tile kalara waa ó, ǃme si ze gʉʼ bɨn ye nɛʼɛ, me l'aka kpaa empime é lɔb bɨsyɛɛla bin, bʉr o jala le edwe me bɨsʉhʉ ɨ, ebe, me a be ó e buʼo é nko paʼ win bɨn bɨbɛh ó, é jɔʼ bɨn bé óbe si láa nye e, bɨna bé ójoʼo ga bɨsʉhʉ jwɨʼ gwar.

2 Korɛnt 7:7

Abe njɨ é l'epyal le, lé ome. Nye a gba me nkul é nyʉl nteme ó, lé ejoʼo mpʉ nye a taare fuʼɔ bɨn ye e. Me a ka gbaŋɔ nkul é nyʉl pie tɨʼ nteme ó, é jɔʼ nye a lɛɛ bɨh gwɨma yin ɨ, le mpʉ bɨn bé a jɨ modwe, le mpʉ bɨn lé ekpɛl me é buobuo e. Lɔɔ waa ó b'a bul gba me bɨsʉhʉ é leme.

Filipi 1:4

É jɔʼ yiyɛh me lé ejwɨʼla é l'efu lɨn ɨ, me ejwɨʼla ó e bɨsʉhʉ,

Filipi 2:16

Bɨn bé ólɛʼle be mɨlɔb mɨ tiʼ. Tɨʼ ó me óbi zi lé edoʼo e syɛɛ yam é dobo Krɨst óbula ze e. Me ógʉa é jɔʼ yaa ó, lelelele syɛɛ me a sea ɛ, yé a baadwè ntuʼ.

Filipi 2:20

Me abe e mʉr fih mpʉ mo nye. Bɨsyɛɛla lé edwɛʼ nyɔm win ɨ, byé ekʉ pebre nye é leme.

Filipi 4:2

Me ejwɨʼla e bɨn, Evodia bé e Sʉntike, mpʉ bɨn mu é zyɛŋa win boo Da Yesʉs ɨ, diʼe ga nteme twii ngwar.

Kolosi 2:5

Yé cyecye ó, me ó é ncɛra e bɨn é nko paʼ nyʉl bɨpuno. No ó, é nko paʼ sisim, me yɛɛ ó kunokuno e bɨn. Me ó kʉ be é l'esama lɨn tʉŋlʉ, lé esoho lé ebee mpʉ bɨn dina lé ecyɛb é nkʉʼʉ ɨ. Me esoho nteme lé ebee mpʉ bɨn lé ejyɛʼ taa buʼo yin boo Krɨst ɨ.

2 Tesalonika 2:13

Obɨɔ ga bam, baa Da Yesʉs lé ebul kpɛl ba ɛ! É nko paʼ wih, yé ejala ó, bɨh dweʼ Zyɛm ekiba é bɨjɔʼ bibyɛh é lɔb win, ebe, nyi pɛh bɨn mpʉ mʉr lé epɛʼ tom é peme ye e, ó bɨn biʼe tiʼ molu mo mpoʼ mɨmɛh é zi Sisim we, wé a pubo bɨn ɨ. Bɨn mu ó lé ebi tiʼ molu mo mpoʼ mɨmɛh é zi taa buʼo bɨn lé ejyɛʼ boo nye é l'ocyecye e.

2 Timotɛ 1:4

É jɔʼ me lé etoŋlo mpʉ go a jɨ ɨ, leme wam, wé ejoʼo ntɔʼ dweh ebee go. Leme wam, wé óbe ó lwɨŋla e bɨsʉhʉ lé ebâʼle bee go.

Filemɔŋ 1:20

No ó, mɨɔ wam, me ejwɨʼla e go é zyɛŋa ga wina boo Tî wina ó, go saʼ leme wam ó, wé fila si.

2 Yʉanes 1:4

Me a si laŋle joʼo mombɨa é jɔʼ me a joʼo ó, bwan bo, bé dina ó lé ekœʼ mbɨambɨa ebò e cyen é l'ocyecye tʉŋlʉ, mpʉ Zyɛm Sɔŋ a tiile bɨna ga etie e.

3 Yʉanes 1:4

Me apa joʼo yʉʉ sɔʼɔ embɨa mbi me lé ejoʼo é jɔʼ bé lé elɛɛ ó, bwan bam, bé lé ekœʼ ebò e cyen é l'ocyecye e.