Filipi 1:1 - Kálara Zyɛ̌m Edwán é mpʉ̌n

¹ Mɛm Pol, bɨh e Timote, osyɛl o mosa mo Yesʉs-Krɨst ó lé etile bɨn. Bɨh bé etile mɨsaŋ mɨ bʉr mimyɛh ndɨ é zyɛŋa wɔɔ boo Yesʉs-Krɨst, baa lé edi nkana Filipi ɨ. Bɨh bé etile nteme ó, obɔʼlʉ o mbɛr Zyɛm win tʉŋlʉ, bé e boo odiakɔn.

Kálar Nzyɛ̌m : Ejwán é Sáá

¹ Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Filipi 1:1 Iomraidhean Croise

Markus 13:34

É jɔʼ yaa, yé ónwɨɨla ó e mpʉ mʉr a be ó, nye tɨʼe cyen ɨ. Nye eliʼe mbɛr we ó, nye osi kab osyɛl o mosa be bɨsyɛɛ, mʉr nyiwɛh e we nkul mojwɨ̀ʼa é l'efu ó, nye sea syɛɛ ye, nye osi cyel nteme mʉr é l'ebe, ó nye cyɛba é vaa. Nye a tiile nye etie ó, nye diʼe nkehe.

Yʉanes 12:26

ǃƗ mʉr si gwɨm sea e me nɛʼɛ, yé ekʉ jala ó, nye duʼo me. Gumo me ndɨ ɨ, gumo yaa ó syɛl mosa wam nteme, nye ódi ɨ. Waa nyiwɛh ósea e me e, Sɔŋ wam ókʉ seʼle nye.»

Mɨlʉmlʉ 1:20

Pyɛr ze lɛɛ nteme ó: «Ebe, yé ó tila é Kalara OSam ó: “Mbɛr we, wé liʼɨ fo. Mʉr ayi ka nyamle di tɨ.”» «Yé nteme, yé ó tila ó: “Mʉr fih, nye nʉŋa dia mbɔʼlʉ Mbɛr-Zyɛm nye a taare be e ye e.”

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

Mɨlʉmlʉ 9:13

Ananias ntɔʼ bɨha ó: «Da, buobuo bʉr, bé a si lɛɛ me lɔb we. Bé be-be ó lé elɛɛ ebebe lɨlɛh nye a sa mɨsaŋ mɨ bʉr myo ndɨ ɨ Yerʉsalɛm ɨ.

Rôm 1:1

Mɛm Pol, syɛl mosa mo Yesʉs-Krɨst ó lé etile bɨn kalara nwa. Zyɛm a jebe me ó, me diʼe lʉmlʉ we, le ecyel me é syɛɛ ó, me toʼ le elɛɛ Mbɨambɨa Lɔɔ we.

Rôm 1:7

Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

1 Korɛnt 16:10

ǃƗ Timote si pyal bɨn gʉʼ nɛʼɛ, bɨn bé à baʼle nye mbɨmbɨa, ebe, nye esea ó, Da Yesʉs syɛɛ, mpʉ me nteme lé esea nye ya ɛ.

2 Korɛnt 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa, bɨh e mɨɔ ga wina Timote. Bɨh bé etile ó, mbɛr Zyɛm ndɨ ɨ Korɛnt ɨ, ndwe e mɨsaŋ mɨ bʉr mimyɛh ndɨ Akayi ɨ.

Galásia 1:10

No ó, banana, bɨn bé etoŋlo é yé? Zê me lé ekʉ bul saa ó, bʉr dweʼ me mokebe ɛ? Zê me lé esaa ó, Zyɛm dweʼ me ma ɛ? Zê gwɨma yam, yé ó bʉr kpɛlɨ me ɛ? Nkʉ me be ó be, sa sa bʉr o si nwaʼ lé egwɨm nɛʼɛ, mpa me aka kunbo e syɛl mosa mo Krɨst.

Galásia 3:26

Bɨn bɨbɛh mu ó bwan mo Zyɛm, ebe, bɨn bé a si jyɛʼ taa buʼo yin boo Yesʉs-Krɨst.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Éfɛsɔs 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa. Me etile ó mɨsaŋ mɨ bʉr mimyɛh [ndɨ ɨ Efɛɛz], myaa ndɨ é zyɛŋa wɔɔ boo Yesʉs-Krɨst, myaa ndɨ bʉr be ebuʼlɔ ɛ.

Éfɛsɔs 1:15

Me a si joʼo mpʉ bɨn ndɨ ejyɛʼ taa buʼo yin boo Da Yesʉs le ekpɛl mɨsaŋ mɨ bʉr mo Zyɛm mimyɛh ɛ. Taare é jɔʼ me a joʼo no e,

Éfɛsɔs 6:24

Mocyɛʼ mo mpom mo Zyɛm, mé swɨŋɨ é mʉr nyiwɛh lé ekpɛl Tî ga wina Yesʉs-Krɨst kpɛl apurapura ɛ.

Filipi 2:19

Da Yesʉs, nyi loŋlo leme wam e mbɛla ó, me mu ó kunokuno le elomlo bɨn Timote. Me ólaŋle soho é jɔʼ me ójoʼo lɔɔ wé óduho gʉ, tiibe e mbɛr Zyɛm win ɨ.

Filipi 2:5

Diʼe ga e leme ncwɨncwɨa, mpʉ Yesʉs-Krɨst a kpɛl bɨn ɨ.

Filipi 3:12

Me apa be e nkul elɛɛ ó, kam wam, wi pyal é l'odumo, nkʉ nteme, mɨ kumo é l'ombɨmbɨa é mɨpaʼ mimyɛh. Sa gwar, me eto dolo lé egba nyʉl, ó me nkʉʼ bi myɛna mo kam, ebe, Yesʉs-Krɨst mu ó si bɛa sa ó, me diʼe waa we.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

1 Tesalonika 1:1

Mɛm Pol ó lé etile bɨn kalara nwa, bɨh e Silas ndwe e Timote. Bɨh bé etile ó, bʉr o mbɛr Zyɛm ndɨ ɨ Tesalonika ɛ. Bɨn bé ó baa mo Zyɛm Sɔŋ bé e Da Yesʉs-Krɨst. Mocyɛʼ mo mpom le motala, mé swɨŋɨ é bɨn.

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

2 Tesalonika 1:1

Mɛm Pol ó lé etile bɨn kalara nwa, bɨh e Silas, ndwe e Timote. Bɨh bé etile ó, bʉr o mbɛr Zyɛm ndɨ ɨ Tesalonika ɛ. Bɨn bé ó baa mo Zyɛm Sɔŋ bé e Da Yesʉs-Krɨst.

2 Tesalonika 1:10

Nye óze sa be no é dobo le etiʼ e mɨlɔb, é jɔʼ mɨsaŋ mɨ bʉr be, bé ódwe nye kum ɨ. Bʉr bɨbɛh bé óbe si jyɛʼ taa buʼo yɔɔ boo nye e, bé ójehe nye é l'epyal le. Bɨn nteme bé óbe ó tɨʼ é sama yaa, ebe, bɨn bé a si buʼla mboʼla wih.

1 Timotɛ 1:2

Me etile ó, gwɔɔ Timote, ndɨ me mwan é nko paʼ buʼo e. Mocyɛʼ mo mpom, njwɨʼa-nkoo ndwe e motala mo Zyɛm Sɔŋ bé e Tî ga wina Yesʉs-Krɨst, mé swɨŋɨ é go.

1 Timotɛ 3:8

Jwɨʼ gwar e gwar yaa nteme, odiakɔn, bé ejala le etiʼe é modile, abe e l'alwiblwib. Bé ajala le elɔʼba é monwoʼ, nkʉ saa bɨmɔn byɔɔ é mozi ndɨ ozyɛhozyɛh ɛ.

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

Títos 1:7

Yé ejala ó, mʉr lé edi é dia mbɔʼlʉ é mbɛr Zyɛm we e, nye diʼe waa ndɨ adweŋɔ mobe e, ebe, mbɔʼlʉ é mbɛr Zyɛm, nye ambɨa, be mʉr pyeh, nkʉ kpɔɔ, nkʉ fufwɔʼ monwoʼ, nkʉ mʉr ndɨ é feha ɛ, nkʉ waa lé esaa bɨsa é mozi ndɨ ozyɛhozyɛh ɛ.

Filemɔŋ 1:1

Mɛm Pol, mbʉʼ mo Yesʉs-Krɨst ó lé etile go kalara nwa, bɨh e Timote, mɨɔ wina. Bɨh bé etile ó, gwɔɔ mɨɔ kpɛl wih Filemɔŋ, bɨna ndɨ é l'empomo e syɛɛ egwar ɨ.

Ebrœ̂ 13:23

Gʉŋa ga ó, mɨɔ ga wina Timote lwanbe pʉʼa é mbɛr mɨmbʉʼ! ǃNye si pyal me ye nɛʼɛ, bɨh e nɔɔ bé óze bee bɨn.

Jacques 1:1

Jacques, syɛl mosa mo Zyɛm bé e Da Yesʉs-Krɨst ó lé etile bɨn kalara nwa. Me esoho bɨn, bʉr o moveh ewʉm e moba mo Zyɛm, mu si myɛʼa, jala si nwaʼ nyiwɛh ɛ.

1 Pyɛr 2:25

ebe, bɨn bé a be-be ó, mpʉ bɨntœme byé a pɔhba ɛ. No ó, banana, bɨn bɨ ze fiʼ, to kœb Kobla bɨntœme. Nye nteme ó ndɨ Mbɔʼlʉ mɨsisim min.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Mɨngwiha 1:1

Yesʉs, Lœma mulo mo Zyɛm, a si gwih mɨfela mɨlɔb Zyɛm a gwih nye ó, nye lɛʼla osyɛl o mosa be e, ó bé gʉŋa sa ndɨ kunokuno e. Nye a gwih mye ó, lé elomlo me engles we, mɛm syɛl mosa we Yʉanes.

Mɨngwiha 1:20

sa lé elɛɔ tɨʼ é lwib odim ó yi: baatwitwɛn tambɛl, bé ó beengles tambɛl lé edwiile mɨmbɛr mɨ Zyɛm tambɛl ɨ. Bɨcye molama byaa byɛɛ, byé edweʼle ó mɨmbɛr mɨ Zyɛm tambɛl myaa.»

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

Mɨngwiha 2:12

«Tila kalara. Go à cen engles lé edwiile mbɛr Zyɛm ndɨ ɨ Pɛrgamos ɨ. Lɛŋɨ nye ó: Waa ndɨ e fòŋ, njèba mii mɨpaʼ mɨmba ɛ, nye elɛɛ ó:

Mɨngwiha 2:8

«Tila nteme engles lé edwiile mbɛr Zyɛm ndɨ ɨ Smirna ɛ. Lɛŋɨ nye ó: Waa ndɨ mʉr efoʼ ndwe e waa epihe, waa a dwè, ntɔʼ bula pàh ɛ, nye elɛɛ e bɨn ó:

Mɨngwiha 22:9

Nye e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ ogwiha o mɨlɔb ɨ, bé e baa bɨbɛh ndɨ ebaʼle mɨlɔb mɨ kalara nwaʼ ɛ. Dwiibɨ njɨ Zyɛm.»