Éfɛsɔs 5:2 - Kálara Zyɛ̌m Edwán é mpʉ̌n

² Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Kálar Nzyɛ̌m : Ejwán é Sáá

² Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Éfɛsɔs 5:2 Iomraidhean Croise

Mataos 20:28

ebe, Mwan mo Mʉr nye mʉr tɨʼ a baaze ó, bʉr sea e nye. Nye a ze ó, lé eze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be.»

Yʉanes 13:34

Me mu ó lé etiile bɨn edwan e tiila: kpɛla ga paʼra win, mpʉ me a kpɛl bɨn ɨ.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Rôm 15:16

Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

Rôm 4:25

Nye waa bʉr, bé a kɛha ɛ. Nye ze jala e motie bɨna bé a ntaa ga ɛ. Pie tɨ, Zyɛm ze pɛ̀h nye é foo ó, bɨna biʼe ga mokebe é nye pɛʼɛ bɨna ga é nkar, ó bɨna sɔba ga é feerɨ.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Rôm 8:37

Dam be mobebe mɨmɛh ndɨ epyal bɨna ga monɨ, bɨna ga bé ó bɨnkɔɔ dumo e Krɨst, mʉr lé ekpɛl bɨna ga ɛ.

1 Korɛnt 16:14

Dɨʼe sa ga bɨsyɛɛla bin bibyɛh e leme ncwɨncwɨa.

1 Korɛnt 5:7

Pɛʼɛ ga njʉ̌m levure waa, ó bɨn liʼɨ mɨleme é pupupu. No ó bɨn bé óbe edwan e bler, abe e levure ɨ. Me egʉa ó, bɨn mu ó bɛa be no, ebe, Krɨst a be ó si tiʼɔ tɔɔ ma ntœme, lé esa ó, bɨna jema ga ebʉʼ e Paska le.

2 Korɛnt 2:14

Bɨna dweʼ ga Zyɛm ekiba. Yesʉs-Krɨst, nye ó lé eliʼle bɨna ga é jɔʼ yiyɛh é l'ebʉʼ e bɨsʉhʉ, lé esoho onkɔɔ we. Bɨna ga ó ndɨ edu ga nye é koo pihe é l'asisia we. Nye nteme ó lé esa ó, bɨna dweʼ ga bʉr sikʉlʉ lé esa ó, bé gʉŋa nye e. Nye esa bɨna ga no ó, é gumo yiyɛh. Bɨna ga mu ó mpʉ motwina mo ndwam lé epyɛl mbɨambɨa monumo e.

2 Korɛnt 2:15

Ebe, bɨna ga ó ndɨ ndwɛa Krɨst lé entɨh Zyɛm e mbɨambɨa monumo e. ǃƗ mʉr si bi tiʼ molu mo mpoʼ mɨmɛh, nye ze jʉʼra bɨna ga nɛʼɛ, mbea we, wé ó: «Yé ó monumo mo tiʼ molu mo mpoʼ mɨmɛh!» Waa lé egʉmla é bebebebe zi nyɛɛ, é jɔʼ nye lé ejʉʼra bɨna ga ɛ, nye ebee é nko paʼ we ó: «Bé ekʉ pyɛl monumo mo efie!» Zé ndɨ e nkul ndɨ ó, nye nʉŋa mbɨambɨa syɛɛ yaa ɛ?

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

Éfɛsɔs 3:17

Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.

Éfɛsɔs 3:19

Me ejwɨʼla nteme e Zyɛm ó, bɨn gʉŋa mpwaʼ kpɛl mo Krɨst lé elaa sa yiyɛh bɨna ndɨ e nkul egʉa ga ɛ, to pyal é jɔʼ Zyɛm óbe si loŋlo bɨn mpʉ mo nye, mʉr ndɨ lwɨŋla ɛ.

Éfɛsɔs 4:15

To kœb ó, ǃbɨna si lɛɛ ga ocyecye e leme ncwɨncwɨa nɛʼɛ, bɨna bé ógwɨe le ebwaʼ ga. Bɨna bé ódi ga é zyɛŋa ga wina boo Krɨst, ndɨ lʉ ga wina ɛ.

Éfɛsɔs 4:2

Filɨ ga monyʉl si paʼra win. Diʼe ga bʉr o ndɨ é tala njwɨr ɨ, le bʉr o bihbe. Dihba ga paʼra win e leme ncwɨncwɨa.

Éfɛsɔs 5:15

Ebe no, gʉa dwɛʼ ga mbi ebò e cyen bɨn lé ekœʼ œ. Akœʼ ga ebò e cyen mpʉ bɨgʉ, njɨ mpʉ mɨpɨpɨʼ.

Éfɛsɔs 5:25

Bɨn bʉrʉm aa! Mʉr nyiwɛh, nye kpɛlɨ myɛl mpʉ Krɨst a kpɛl Mbɛr-Zyɛm ɨ. Nye a si dwè, jala e we.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

Kolosi 3:14

É bɨsyɛɛla byaa bibyɛh, kpɛla ga, ebe, kpɛl ó ndɨ elar bɨn, ó bɨn diʼe mɨlɛra é mɨpaʼ mimyɛh.

1 Tesalonika 4:9

É lɔb kpɛl ndɨ paʼra obuʼla ɛ, yé abe e sa me gum ka tile bɨn, ebe, Zyɛm, nyi bɛa dwe bɨn sikʉlʉ tɨʼ é lɔb waa.

1 Timotɛ 2:6

Nye ó b'a kɛha tiʼ ye lé ejala e mobebe mo bʉr bɨbɛh, le ekʉr be e. No ó, mboʼla waa, wé a lɛɔ ó, njɨ é jɔʼ wé a jala le elɛɔ ɛ.

1 Timotɛ 4:12

Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Ebrœ̂ 8:3

Njwɨɨ opara nyiwɛh, nye cyela é dia para ye ó, nye dweʼ Zyɛm mɨndwɛa ndwe e motwina. Ebe no, yé ekʉ jala ó, nye pyala boo Zyɛm e sa nye ódwe nye e.

Ebrœ̂ 9:14

No ó, Krɨst nyɛɛ, nye elaa naa! Nye ópubo mɨleme ga mina e me motié, ó mɨpɛhla mɨleme ga mina nkʉʼ liʼ é pyɛɛɛ, myé l'aka toŋlo bɨsyɛɛla bɨ ebebe ga bina. É mbi waa ó bɨna bé ódwiibɨ ga Zyɛm ndɨ kublakubla ɛ. Ebe, é zi Mbɨambɨa Sisim lé edi njʉmdia e njʉmdia ɛ, nye a be ó si dwe Zyɛm Sɔŋ nyʉl we. Ndwɛa nyʉl we, wé ó b'a kʉ jala e bɨna, lé epɛʼ mɨsyem bɨna bé a sa ga ɛ. Wé nteme ó ndɨ e l'ombɨmbɨa é mɨpaʼ mimyɛh.

Ebrœ̂ 9:23

Ebe no, yé a kʉ jala ó, bʉr puba bɨsa bɨ si nwaʼ e motié mo otir, ebe, byaa bɨ si nwaʼ, byé ó njɨ bɨdweʼle, bɨsa lé elɛʼle byaa bɨmpa ndɨ é jobo kʉ ɨ. No ó, yé a kʉ jala ó, bɨsa bɨ jobo kʉ, byé pubɔ é zi mpaŋ motwina. Mɨha motwina, mé ó ndɨ é bul buo dime, laa maa mo efoʼ.

Ebrœ̂ 9:26

Nkʉ Krɨst a be ó be, be lé edwe Zyɛm nyʉl we zɔʼ e zɔʼ tɔɔ motwina nɛʼɛ, mpa nye a be ó si bee tuu zɔʼ e zɔʼ, duho é l'etɛɛrɨ e si nwaʼ ɛ. To kœb ó, nye a kʉ ka nyin é si nwaʼ ó njɨ é jɔʼ gwar e gwar é kpɔŋ. Yé a be ó é jɔʼ esie e mbi jɔʼ yi, lé a pyal bɨna ga ɛ. Nye ze kɛha nyʉl we, lé epɛʼ bʉr bɨbaa Zyɛm a niʼe be é lɔb mɨsyem myɔɔ é jɔʼ gwar é bɨjɔʼ bibyɛh.

1 Pyɛr 4:8

Sa efoʼ, yé ejala ó, bɨn kpɛla paʼra win kpɛl apurapura, ebe, kpɛl, yé esa ó, bɨna pɛʼɛ ga buobuo bɨbaa bɨna bé a dɨ niʼla paʼra ga wina é lɔb mɨsyem ɨ.

1 Yʉanes 3:16

É mbi wiʼ ó bɨna lé edweʼe ga sa ndɨ mpaŋ kpɛl ɨ: Yesʉs-Krɨst a si dwè, jala e bɨna ga. No nteme ó bɨna mu ó e mpɔla boo bʉʉ obuʼla ɛ. Bɨna bé ejɛna ga mpɔla waa ó, lé edwè, jala e l'obuʼla.

1 Yʉanes 3:23

Etie nye a tiile é l'efu ga lɨna ó lɨ: Bɨna jyɛʼɛ ga taa buʼo ga yina boo Mwan we Yesʉs-Krɨst le ekpɛla paʼra ga wina mpʉ nye a tɨe bɨna ga ɛ.

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

Mɨngwiha 5:9

Bé a jɛɛ-jɛɛ ó, edwan e jɛɛ. Bé ó: «Go ó lé ejala le enʉa mbom kalara wi, bʉ oluʼ bé a ŋmɛhɔ sitam ɨ, le egwìh mbom kalara, ebe, go a si jʉŋɔ. Go ntɔʼ jɛna bwaʼbwaʼ tɔɔ, lé ekʉr bʉr. Motié mo, mé a si bwam Zyɛm Sɔŋ sa yé a jala e nye e: bʉr o moveh mɨmɛh, ndwe e bɨlwib bibyɛh, bʉr o mɨlal mimyɛh, ndwe e bɨkul bibyɛh.