Éfɛsɔs 4:4 - Kálara Zyɛ̌m Edwán é mpʉ̌n

⁴ Nyʉl mo Krɨst, nye ó ngwar. Mbɨambɨa Sisim, nye ó ngwar. Mɨleme ga mina, myé ó mɨlwɨŋla e mbɛla ngwar, waa Zyɛm a gba bɨn é mɨleme é jɔʼ nye a jebe bɨn ɨ.

Kálar Nzyɛ̌m : Ejwán é Sáá

⁴ Nyʉ̂l mé Krîst, nye ó mpwár. Sísǐm mé Nzyɛ̌m, nye ó ngwár. Mpûʼla mpwár ó dí bɨ̌n ɨ́ miléme, táare ɨ́ jɔ̌ʼ Nzyɛ̌m á jébe bɨ̌n yɨ́.

Éfɛsɔs 4:4 Iomraidhean Croise

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Mɨlʉmlʉ 15:11

To kœb ó, bɨna bɛɛ, bé ebuʼla ga ó, bɨna bé óbi tiʼ molu mo mpoʼ mɨmɛh ó, njɨ ebe ncwɨncwɨa mo Da Yesʉs, jwɨʼ gwar e gwar e mbi bé óbi nteme nye e.»

Rôm 11:29

ebe, é jɔʼ nye mu si tiʼe é leme we ó, nye jebe ó mʉr fih mʉr kɛ̀l, le edwe nye mɨndwɛa mye e, nye aŋa ka siila mɨtiʼa mɨ efoʼ myaa pie tɨ.

1 Korɛnt 10:17

Bler, yé ó njɨ gwar. Bɨna dam buo ga, bɨna ga bé yɛɛ ó nyʉl ngwar, ebe, bɨna ga bé ó e nkɔb e bler gwar.

1 Korɛnt 12:20

Bɨfum bɨ nyʉl, byé ó é buo, nyʉl nyɛɛ yɛɛ ngwar.

2 Korɛnt 11:4

Bɨn sa ó, bana kʉ dihbe ó, nuu mʉr ntaʼ, ze lɛɛ bɨn lɔɔ mo Yesʉs fih, Yesʉs yaa abe mʉr mpaŋla we bɨh bé a cen ɨ. Bɨn nteme bé é car lé emɛʼle sisim fih le guu lɔɔ fih, abe Sisim le Mbɨambɨa Lɔɔ bɨh bé a tuno e.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.

Éfɛsɔs 2:16

É jɔʼ nye a cyèlɔ é klos ɨ, nye a si sa sàa paʼra ga wina boo Zyɛm, lé esa ó, bʉr o bɨkul bɨba ga bina byaa, diʼe mpʉ mʉr ngwar. Bɨna bé a ka gwaʼ lé esiila paʼra ga wina ó, é jɔʼ nye a dwè e.

Éfɛsɔs 2:18

Bɨkul bɨba ga bina dihla kunokuno e Zyɛm Sɔŋ, lé ecwɨɨ é zi Mbɨambɨa Sisim ngwar. Bɨna bé esa ga no ó, dumo e Krɨst.

Éfɛsɔs 2:22

Da Yesʉs ó lé esa nteme ó, bɨn cyelɔ é bɨcye bin, mɨfuma é l'odia Zyɛm ódi ɨ. Sisim we ó ndɨ elɛʼle bɨgumo bɨn lé ejala le ecyɛb é odia waa ɛ.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

Éfɛsɔs 5:30

Ebe, bɨna ga bɨbɛh, bé ó bɨfum bɨ nyʉl we.

Kolosi 1:5

Sa nɨ yiyɛh ó, ebe sa bɨn ndɨ ebɛla, yaa ndɨ koma é lal mo Zyɛm ɨ. Bɨn bé ó e mbɛla waa é mɨleme, duho é jɔʼ bɨn bé a taare joʼo Mbɨambɨa Lɔɔ ndɨ lɔɔ cyecye ndɨ eduho boo Zyɛm ɨ.

Kolosi 3:15

Krɨst cyɛba bɨn é mɨleme, ó mɨleme min loŋla e motala. Ebe no ó Zyɛm a jebe bɨn ó, bɨn syɛŋa é nyʉl ngwar ɨ. Dweʼ ga nye kum é jɔʼ yiyɛh é bɨsa nye lé esa bɨn ɨ.

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Títos 3:7

Nye a dwe bɨna tiʼ molu mo mpoʼ mɨmɛh ó, bɨna pʉʼa ga é nkar, sɔba é feerɨ ebe ncwɨncwɨa we. Bɨna ga mu ó baa nye a kɛʼ tiʼ molu mo mpoʼ mɨmɛh ɛ. Nkɛʼ waa ó lé esa ó, mɨleme ga mina, myé loŋla e mbɛla.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

1 Yʉanes 3:3

Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.