Éfɛsɔs 4:2 - Kálara Zyɛ̌m Edwán é mpʉ̌n

² Filɨ ga monyʉl si paʼra win. Diʼe ga bʉr o ndɨ é tala njwɨr ɨ, le bʉr o bihbe. Dihba ga paʼra win e leme ncwɨncwɨa.

Kálar Nzyɛ̌m : Ejwán é Sáá

² Jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, le bʉr o bíhwó. Júdúhwáá gá páʼ nyɨ́n ɨ́ lɔ̌b kpɛ̌l bɨ́n dí e yé yɨ́.

Éfɛsɔs 4:2 Iomraidhean Croise

Mataos 11:29

Niʼe ga é jwɨ̀ʼa yam. Bɨn bé à joʼlo motɨɨ mam, ebe, me é tala njwɨr e nyʉl fila si. Bɨn nkʉʼ bi egbala é mɨsisim min,

Markus 9:19

Yesʉs ntɔʼ lɛɛ e be ó: «Bɨn bʉr o ndɨ akpɛl buʼla ɛ! Me kaʼ diibe é sama yin, to pyal é yáa jɔʼ? Me ódihbe bɨn, to fiʼ yáa gumo? Ntaʼ ga me e mwan nɨ wâ.»

Mɨlʉmlʉ 20:19

Me a sea-sea Da syɛɛ é jɔʼ yiyɛh nɨ ó, lé efil nyʉl si, e myɛɛle é mih, oYʉden bɛɛ lé eto le elam me. Sa yaa ó b'a bul dwe me tuu.

Rôm 15:1

Bɨna ga, bʉr o b'a nʉa pim é buʼo e, bé ejala le edihbe bʉr o ndɨ é cyɛʼ buʼo e. Bɨna bé ajala le esaa ga mɨnyɔm ga mina.

1 Korɛnt 13:7

Kpɛl, yé edime mih e bɨsa bɨ ebebe bibyɛh. Mʉr ndɨ ekpɛl bʉʉ bʉr ɨ, nye ó ndɨ e nkul ebuʼla bɨsa byɔɔ bibyɛh. Leme we, wé lwɨŋla e mbɛla ó, é jɔʼ yiyɛh. Kpɛl, yé edihbe sa yiyɛh.

Galásia 6:2

Nkɛŋɨ ga mɨmbeʼ mɨ bʉʉ bʉr. ǃBɨn si sa no nɛʼɛ, gʉŋa ga ó, bɨn bɨ kʉ du etie Krɨst a tiile bɨna ga ɛ.

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

Kolosi 1:11

Bɨh bé esa nye mɨnjwɨʼla nteme ó, nye gulɨ bɨn é mɨleme, ó bɨn sea bɨsyɛɛ bɨ nkul mɨmbi mimyɛh é zi nkul we bɨna lé egumlo ga ɛ. Bɨn bé esea-sea no ó e bihbe, lé ejaʼra e mɨtuu, bɨn yɛɛ e bɨsʉhʉ.

1 Timotɛ 6:11

Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.

2 Timotɛ 2:25

Yé ejala ó, nye gʉa tɨe bʉr o ndɨ edo e nye e, e njwɨr é tala tala. ǃNye si sa no nɛʼɛ, Zyɛm óbɛm cyɛb be é mɨleme, ó bé gwɨma mobebe mɔɔ, le edwir mɨleme. Bé ògʉa ocyecye é jɔʼ yaa.

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

1 Pyɛr 3:15

É mɨleme min tʉŋlʉ, cyelɨ ga Krɨst é dia ndɨ ti ɨ, lé elɛʼle ó, nye ó kʉ be tî win. ǃƗ mʉr si dî bɨn tia é lɔb sa lé egba bɨn mbɛla é mɨleme nɛʼɛ, bɨn bé òkpahbe bɨha nye tia waa.

1 Pyɛr 3:8

Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.