Éfɛsɔs 3:3 - Kálara Zyɛ̌m Edwán é mpʉ̌n

³ Nye a be ó si gwih me lwib odim ye ó, me gʉŋa ye, mpʉ bɨn mu lé ebee é zi bwa mokan me mu si tile bɨn ma.

Kálar Nzyɛ̌m : Ejwán é Sáá

³ Nye á níŋle me ɨ́ syɛ́ɛ́ yaá ó, ɨ́ jɔʼ gwár e gwár nyé á dwe me pɨʼ lɨ́ esimá yɨ́. Nye á sâ nó ó, me nkʉ̂ pâʼla bɨ́n lwǐb ódîm yé. Bɨ̌n gʉ́á nó ó e nzɨ̌ bwá mékǎn mé dí ecɛma bɨ́n mâ.

Éfɛsɔs 3:3 Iomraidhean Croise

Mɨlʉmlʉ 22:17

«É jɔʼ me a bula Yerʉsalɛm ɨ, no ó, é mpʉ me a jwɨʼla-jwɨʼla é jahla bii mo Zyɛm tʉŋlʉ ɨ, me ze bee yʉʉ sa jehe é lima.

Mɨlʉmlʉ 22:21

No ó Da Yesʉs a ka lɛɛ e me ó: “Toʼ, ebe, me muno ze cen go é l'ejaa, gumo bʉr o ndɨ abe oYʉden ndɨ ɨ.”»

Mɨlʉmlʉ 23:9

Bé a be ó si bul bɨn motwii kʉ e nkul. No ó bʉʉ oyeʼle o motie é nkɔm oFarizyɛŋ, bé a cyɛb cɨcyel, ntɔʼ bɛʼ ó: «Bɨh bɛɛ, bé abee sa ebebe é mʉr nwa! Yé ó, go tiŋa ó, sisim, nkʉ ntɔʼ engles ó b'a lwib e nye!»

Rôm 11:25

Obɨɔ ga bam aa! Me ekpɛl ó, bɨn gʉŋa lwib odim yiʼ é kpɛhla. Bɨn bé amu jwɨʼ ó, bɨn e bɨn ó ndɨ mɨcɨcyoo. Lwib odim yaa, yé ó: bʉʉ bʉr é bwa b'Ɨzraɛl, bé e mɨlʉ ndɨ é bul lele lé ejoʼo e. Mɨlʉ myɔɔ, myé ódi e molele maa ó, to pyal é jɔʼ tolɔɔ obuʼla ndɨ abe oYʉden ɨ, bé ókumo bim Zyɛm a bɛa tiʼe é leme we ó, yé ójala ɛ.

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

2 Korɛnt 12:1

Yé ekʉ jala ó, me doʼa e me mʉr tɨ. Sa yaa, yé abe mɛm e ba nyɔm. Dam be no, me paʼ lɛɛ bɨn yɛɛ sa jehe me a bee é lima ɛ. Me lɛŋɨ bɨn nteme mɨfela mɨlɔb Da Yesʉs a gwih me e.

Galásia 1:12

Me a baajoʼo we é nʉm nuu mʉr. Abe nteme e mʉr a dwe me sikʉlʉ tɨ. Wé ó mɨfela mɨlɔb Yesʉs-Krɨst nye mʉr tɨʼ a gwih me e.

Éfɛsɔs 1:17

Me ejwɨʼla e Zyɛm Sɔŋ mo Tî ga wina Yesʉs-Krɨst, nye nteme Zyɛm Sɔŋ ga wina ndɨ e kum ɨ, ó nye ntɨhɨ bɨn Sisim we ó, bɨn cyebla, le nteme ó, nye gwihɨ bɨn mɨfela mɨlɔb mye. Myé óbe bɨn e nyɔm é l'efu ó, bɨn gʉŋa nye.

Éfɛsɔs 3:4

ǃBɨn si láa kalara nwaʼ nɛʼɛ, bɨn bé ójoʼo sa me mu si gʉa é kpɛhla, tiibe e Krɨst ɨ. Sa yaa, yé é nko paʼ bʉʉ bʉr ó, lwib odim.

Éfɛsɔs 3:6

Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

Éfɛsɔs 3:9

Nye a dwe me syɛɛ nteme ó, me pɛʼla lwib odim nye a bɛa fol ɨ, pyɛl ye é myɛn. Molu pihe, Zyɛm, waa a cye bɨsa bibyɛh ɛ, a be ó si taare fol jwɨʼ ye yaa.

Éfɛsɔs 6:19

Jwɨʼla ga nteme e Zyɛm é l'efu lam, ó nye dweʼ me mokan me lwibɨ, abaawe sɔʼɔ e mʉr ɨ. Me pɛʼla lwib odim lé etiibe e Mbɨambɨa Lɔɔ ɛ, bʉr gʉŋa we é kpɛhla.

Kolosi 2:2

Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.

Kolosi 4:3

Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.

Ebrœ̂ 13:22

Obɨɔ ga bam aa! Me etile bɨn ó, me gbaʼ bɨn nkul é monyʉl. Me etile ó, bwa mokan abuo. No ó, me ejwɨʼla e bɨn ó, bɨn dihba mokan maa lé ejoʼo!

1 Pyɛr 5:12

Bɨh e Silas ó lé etile bɨn kalara nwaʼ titia mpʉ. Mbea wam, wé ó, nye ó mbuʼla ndɨ mʉr ebuʼla ɛ. Me etile bɨn ó e gwɨma egba bɨn nkul é monyʉl. Me eboʼlo nteme ó, buʼo bɨn mu e ye e, yé ó mpʉ Zyɛm lé elɛʼle ncwɨncwɨa ɛ. Cyɛba ga é nkʉʼʉ é ncwɨncwɨa waa.

2 Pyɛr 3:15

Cye yiyɛh bɨn dina lé ebee ó, Da Yesʉs, nye akpahbe ze e, dɨʼe lɛɛ ga é bɨjɔʼ byaa ó: «Nye é buo bihbe é nko paʼ bʉʉ osyɛl be ebebe é l'efu ó, nye dweʼ be tiʼ molu mo mpoʼ mɨmɛh.» É mbi waa ó mɨɔ kpɛl ga wina Pol a tile bɨn ɨ. Nye a tile no ó, é l'ocyoo Zyɛm a dwe nye e.