Éfɛsɔs 2:3 - Kálara Zyɛ̌m Edwán é mpʉ̌n

³ Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.

Kálar Nzyɛ̌m : Ejwán é Sáá

³ Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

Éfɛsɔs 2:3 Iomraidhean Croise

Markus 4:19

Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle be. Bé ebul cyèl mɨleme kʉ é l'ebi e bɨsa bɨ jobo yi. Bɨsa byaa ntɔʼ kaʼ lɔɔ Zyɛm, wé l'aka johlo.

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

Yʉanes 8:44

Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Mɨlʉmlʉ 14:16

Molu pihe, nye a si bir bɨkul bɨ bʉr, tɔɔ mɨmya é buobuo ó, bé toʼ é mɔɔ mozi bé bʉr o tɨʼ, bé a bɛa pɛh ɛ.

Rôm 1:24

Ebe no ó Zyɛm a fuo ka bir ó, bé loŋla bɨgwɨma bɨ nyʉl bɨpuno wɔɔ, ndwe le elama fwon lé edu njɨ bɨjyɛʼ byɔɔ. Tina, yé ó, bé a dɨ sɛɛla bɨsa bɨ fwon byaa paʼra wɔɔ!

Rôm 11:30

Bɨn, bʉr o ndɨ abe oYʉden ɨ, bɨn bé a si sa Zyɛm ebɨh é molu pihe. Banana, mpʉ oYʉden bɛɛ mu si sa nye ebɨh ɨ, Zyɛm, nyi ka ze jwɨʼ bɨn nkoo.

Rôm 13:14

Diʼe ga é zyɛŋa win boo Da Yesʉs-Krɨst. Bwara ga nye mpʉ kan. Acen ga mɨleme min é nko paʼ bɨsyɛɛla nyʉl bɨpuno win lé egwɨm sa ɛ.

Rôm 2:14

Paʼ bʉr o ndɨ abe oYʉden, baa ndɨ agʉa motie mo Moyiz ɨ, ǃbé si sa yɛɛ mpʉ motie maa lé elɛɛ nɛʼɛ, yé óbe be ó, mpʉ sa lɛɛ ó, bé e motie maa mɨtila é mɨleme myɔɔ tʉŋlʉ, dam be ó, bé abe e me.

Rôm 5:10

É jɔʼ bɨna bé a be ga bʉr o dɔm mo Zyɛm ɨ, Mwan mo Zyɛm a si dwè é l'efu ga lɨna, lé esa sàa paʼra ga wina boo Zyɛm. Krɨst pa taare cwɨa e bʉr o dɔm be, a dwɛʼra e bɨna ga, bʉr o sàa waa! Zyɛm ókʉ baʼle bɨna ga bɨtiʼ ó, é zi nkul ndɨ é tiʼ mo Mwan we e.

Rôm 5:9

Yesʉs pa taare pyɛl motié me, ntɔʼ dwè é l'efu ó, nye dweʼ bɨna ga, osyɛl be ebebe, mokebe, a dwɛʼra e sa nye ósa bɨna ga ɛ! Nye ókʉ baʼle bɨtiʼ ga bina é jɔʼ Zyɛm ókpaa empime e bʉʉ bʉr ɨ.

Rôm 6:12

É mpʉ yé ndɨ no e, daʼ mɛʼle ga ó, Syem, wé bâʼla mɛr bɨn, dil bɨn é dia olʉa. Wé l'ayi jwɨ̀ʼ bɨn é nko paʼ nyʉl ndɨ edwè e. Daʼ bir ga ó, Syem, wé ntaŋa bɨn é nkul, ó bɨn saʼ we mojoʼo, nkʉ du bɨgwɨma bye.

Rôm 7:18

Ebe no, me egʉa mbɨmbɨa ó, sa mpa, yé abe é me. (Me si jala le etile yɛɛ ó: «é nyʉl bɨpuno wam tʉŋlʉ».) Ebe sa lé ekunbo e me e, yé ó, me gwɨmɨ mɨmpaŋ bɨsyɛɛla. To kœb ó, nkul ndɨ ó, me saʼ bɨsyɛɛla byaa ɛ, nye akunbo e me.

Rôm 9:22

Zyɛm a sa syɛɛla yaa ó, nye lɛʼla bʉr bim nye lé ekpaa empime e be e, ndwe e mpwaʼ nkul we. Ebe no ó bɨn ndɨ ebee nye lé ebul dihbe bʉr o jala le ekpaŋɔ empime e. Bɛɛ bé ó baa bé ódim ɨ.

1 Korɛnt 4:7

Ebe, zé a bɨr gwɔɔ kʉ, laa bʉr bɨbɛh? Yé go ndɨ e ye, yaa go a baabi ɨ? Yé be ó, go a bi ye ó bi biʼe nɛʼɛ, ebe yé go lé edoʼo e ye e? Go esa mpʉ sa lɛɛ ó, yé abe etʉm go a ntɨhɔ ɛ!

2 Korɛnt 7:1

Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

Galásia 3:22

Ebe, yé ó tila é Kalara Zyɛm ó, bʉr o si nwaʼ bɨbɛh, bé ó, é mpila mɨsyem myɔɔ. Mɨsyem myɔɔ, myé a si kaʼ bɨbɛh monkara. Sa gwar, Zyɛm, nye ekɛʼ ó, baa bɨbɛh lé ejyɛʼ taa buʼo yɔɔ boo Yesʉs-Krɨst ɨ.

Éfɛsɔs 2:2

Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Kolosi 1:21

Molu pihe, bɨn bé a be ó é ncɛra e Zyɛm. Taare é mɨleme min, kumo e bɨsyɛɛla bɨ ebebe bɨn bé a sa-sa ɛ, bɨn bé a be ó njɨ bʉr o dɔm mo Zyɛm.

1 Tesalonika 4:13

No ó, obɨɔ ga bam aa! Me ekpɛl ó, bɨn gʉŋa efehle e bʉr mu si dwè e, é kpɛhla. Me akpɛl ó, bɨn bilɨ myoo mpʉ bʉʉ bʉr, bé lé ebil-bil myoo e, bɛɛ l'abe e buʼo é mɨleme.

1 Tesalonika 5:6

Ebe no, bɨn bé ajala le eja bɨdwo mpʉ bʉʉ bʉr lé esa-sa ɛ. Diʼe ga nkehe. Mɛrɨ ga mɨleme,

1 Timotɛ 6:9

Bʉr, bé a tiʼe é mɨleme myɔɔ ó, bé bi ó bɨsa twiha ɛ, bé eduma é mobʉbla. Bé efwam bé bʉr o tɨʼ koko é twii. Bé emɛrɔ é mpila bɨgwɨma é buobuo. To kœb ó, bʉr o ndɨ edu bɨgwɨma byaa ɛ, bé edu ó, sa ndɨ ajwɨ̂ʼ ba, yaa ndɨ edaʼre mɨtuu é nyʉl ɨ. Bé e mbi bɨgwɨma ndɨ edimle mʉr ndwe le ejʉ nye e,

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

1 Pyɛr 1:14

Mpʉ bɨn lé ebɛa sa-sa Zyɛm mojoʼo e, adu ga bɨbebebebe bɨgwɨma bɨn bé a taare be-be e bye é jɔʼ bɨn bé a be, agʉa Zyɛm ɨ.

2 Pyɛr 2:14

mih mɔɔ lé esaa bʉba bé saʼ mɨfyɛba e be e. Bé agbala ba lé esa mɨsyem. Bé ekwab bʉr o ndɨ é pɨŋla é l'ebò e cyen lɔɔ ɛ. Bɨ gba nyʉl lé ejwɨʼ edu bɨgwɨma bɨ nyʉl bɨpuno wɔɔ é dwiii. Zyɛm, nyi káale be.

2 Pyɛr 2:18

Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

1 Yʉanes 2:16

Bɨsa bibyɛh lé etiibe e jobo yiʼ ɨ—bɨsa bɨbɨbla bɨ bʉr lé egwɨm ɨ, byaa mih mɔɔ lé egwɨm bee e, mobi mɨmɛh bé lé edoʼo e me e, bibyɛh—byé eduho ó, é si nwa, abe boo Zyɛm Sɔŋ.

1 Yʉanes 2:8

Sa gwar, lé yɛɛ ó edwan le etie—yé ekʉ nyin ó, lé ó cyecye ó, é Yesʉs-Krɨst tʉŋlʉ, ndwe e bɨn bɛɛ nteme—ebe, edurʉ, lé mu ó lé esɔa; mpaŋ myɛn, wé mu ó lé epan.