1 Pyɛr 1:3 - Kálara Zyɛ̌m Edwán é mpʉ̌n

³ Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

Kálar Nzyɛ̌m : Ejwán é Sáá

³ Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

1 Pyɛr 1:3 Iomraidhean Croise

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

Rôm 12:12

Diʼe ga e bɨsʉhʉ ebe mbɛla ndɨ bɨn lwɨŋla é mɨleme e. Dihba ga mɨtuu e mɨndɛl. Gbaʼ ga monyʉl lé esa mɨnjwɨʼla.

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Rôm 4:25

Nye waa bʉr, bé a kɛha ɛ. Nye ze jala e motie bɨna bé a ntaa ga ɛ. Pie tɨ, Zyɛm ze pɛ̀h nye é foo ó, bɨna biʼe ga mokebe é nye pɛʼɛ bɨna ga é nkar, ó bɨna sɔba ga é feerɨ.

Rôm 5:10

É jɔʼ bɨna bé a be ga bʉr o dɔm mo Zyɛm ɨ, Mwan mo Zyɛm a si dwè é l'efu ga lɨna, lé esa sàa paʼra ga wina boo Zyɛm. Krɨst pa taare cwɨa e bʉr o dɔm be, a dwɛʼra e bɨna ga, bʉr o sàa waa! Zyɛm ókʉ baʼle bɨna ga bɨtiʼ ó, é zi nkul ndɨ é tiʼ mo Mwan we e.

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Rôm 8:24

É jɔʼ Zyɛm a dwe bɨna ga tiʼ molu mo mpoʼ mɨmɛh ɛ, é jɔʼ yaa ó nye a loŋlo mɨleme ga mina e mbɛla waa ɛ. ǃƗ mʉr si bee bɨsa nye a taare bono nɛʼɛ, lɛɛ ó, mbɛla waa, wé aka be nye é leme. Wi laa, ebe, é jɔʼ mʉr mu si bee yʉʉ sɔʼɔ ɛ, nye abe e nkul ebâʼle be e mbɛla é leme ó, nye óbee ye.

1 Korɛnt 13:13

No ó, banana, buʼo e mbɛla ndwe e kpɛl, byé ó tɨ: bɨsa bɨlɛl. É bɨsa bɨlɛl byaa, yaa lé elaa bibyɛh ɛ, yé ó kpɛl.

1 Korɛnt 15:20

Sa gwar, Krɨst nyɛɛ a si kʉ pàh é foo. É sama bʉr o b'a dwè e, nye ó mʉr efoʼ a dwè, ntɔʼ pàh ɛ. Nye ó mpʉ tom wé a pɛʼɔ é peme e, sa ndɨ elɛʼle mpʉ bʉʉ odwè, bé ófuʼla sa ɛ.

2 Korɛnt 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Nye ó Sɔŋ ga wina lé elɛʼle bɨna ga njwɨʼa-nkoo we, waa lé egba bʉr nkul é monyʉl ɨ.

Galásia 6:16

Bʉr bɨbɛh lé edu etie lɨʼ ɨ, bé ó bɨmpɛh bɨ Ɨzraɛl Zyɛm lé egʉa ɛ. Motala, mé beʼ e bɨbɛh. Zyɛm jwɨʼɨ be nkoo.

Éfɛsɔs 1:17

Me ejwɨʼla e Zyɛm Sɔŋ mo Tî ga wina Yesʉs-Krɨst, nye nteme Zyɛm Sɔŋ ga wina ndɨ e kum ɨ, ó nye ntɨhɨ bɨn Sisim we ó, bɨn cyebla, le nteme ó, nye gwihɨ bɨn mɨfela mɨlɔb mye. Myé óbe bɨn e nyɔm é l'efu ó, bɨn gʉŋa nye.

Éfɛsɔs 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Zyɛm, nyi sʉ bɨna ga mocyɛʼ mo mpom me é zyɛŋa ga wina boo Krɨst. Nyi mɛʼle nteme ó, bɨna sʉŋɔ ga mocyɛʼ mo mpom mo Mbɨambɨa Sisim mɨmɛh, lé eduho é jobo kʉ.

Éfɛsɔs 1:7

Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.

Éfɛsɔs 2:4

To kœb ó, Zyɛm, nye é bul jwɨʼ bɨna ga nkoo. No ó nye a ze lɛʼle bɨna ga mpʉ nye a bul kpɛl bɨna kpɛl apurapura ɛ.

Éfɛsɔs 3:20

Kum diʼe e Zyɛm, waa ndɨ e nkul esa sa yiyɛh, laa bim bɨna lé edî ga, nkʉ jwɨʼ ɨ. Kum diʼe e nye, waa ndɨ e nkul nɨnɨ lé esea e bɨna ga ɛ!

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

1 Tesalonika 4:13

No ó, obɨɔ ga bam aa! Me ekpɛl ó, bɨn gʉŋa efehle e bʉr mu si dwè e, é kpɛhla. Me akpɛl ó, bɨn bilɨ myoo mpʉ bʉʉ bʉr, bé lé ebil-bil myoo e, bɛɛ l'abe e buʼo é mɨleme.

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

1 Timotɛ 1:14

Ebe no ó Tî ga wina a sʉ me mocyɛʼ mo mpom, abe e tolɔɔ ɛ. Nye a si gba me nteme buʼo ndwe e kpɛl é leme. Byé ó, é l'efu e bʉr o ndɨ é zyɛŋa wɔɔ boo Yesʉs-Krɨst ɨ.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

Jacques 1:18

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

1 Pyɛr 1:23

No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,

1 Pyɛr 3:15

É mɨleme min tʉŋlʉ, cyelɨ ga Krɨst é dia ndɨ ti ɨ, lé elɛʼle ó, nye ó kʉ be tî win. ǃƗ mʉr si dî bɨn tia é lɔb sa lé egba bɨn mbɛla é mɨleme nɛʼɛ, bɨn bé òkpahbe bɨha nye tia waa.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

1 Pyɛr 3:5

Molu pihe, bʉba bé a be mɨsaŋ é mih mo Zyɛm ɨ, mɨleme myɔɔ, myé a be ó lwɨŋla e mbɛla é nko paʼ mo Zyɛm. Bé ntɔʼ gba mpaŋ ojaa waa é monyʉl mɔɔ tʉŋlʉ. Bé a dɨ sa ojʉm bɔɔ ó, njɨ mojoʼo.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

1 Yʉanes 3:3

Yé be ó, mʉr fih mʉr kɛ̀l, leme we, wé ó lwɨŋla e mbɛla waa nɛʼɛ, lɛɛ ó, mʉr waa, nye ekʉ puba, ó nye beʼ saŋ mʉr. Ebe no ó nye ónʉa dweʼle tiʼ mo Yesʉs, Mʉr ndɨ ti ɨ.

1 Yʉanes 3:9

Mʉr nyiwɛh ndɨ mbyɛla é zi nkul mo Zyɛm ɨ, nye abe e nkul eto dolo lé esa mɨsyem, ebe, tiʼ lé eduho boo Zyɛm ɨ, yé ó é nye tʉŋlʉ. Nye abe e nkul eto dolo lé esa mɨsyem, ebe, nye a byɛl ó, é zi nkul mo Zyɛm.

1 Yʉanes 4:7

Obɨɔ o kpɛl bam aa! Bɨna kpɛla ga paʼra ga wina, ebe, kpɛl, yé eduho ó boo Zyɛm. Mʉr nyiwɛh ndɨ e kpɛl ɨ, nye ó ndɨ mbyɛla é zi nkul mo Zyɛm. Nye nteme, nyi gʉa Zyɛm.

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.

1 Yʉanes 5:18

Bɨna bé egʉa ga ó, mʉr nyiwɛh mu mbyɛla é zi nkul mo Zyɛm ɨ, nye ákwoʼ ka to dolo lé esa syem. Mwan Zyɛm Sɔŋ a bya ɛ, nye ekamle e mbi mʉr waa. Ebe no, abe e sa gwar Bɨbla-mʉr ndɨ e nkul esa nye.

1 Yʉanes 5:4

ebe, mʉr nyiwɛh ndɨ mbyɛla é zi nkul mo Zyɛm ɨ, nye entaa ebebe e si nwaʼ é nkul. Nkul nye ndɨ e nye, waa lé esa ó, nye bula e l'esaa é koo e, nye ó buʼo ga yina.