Yʉ̂d 1:7 - Kálar Nzyɛ̌m : Ejwán é Sáá

⁷ Símsáá gá ntémé bʉr ó Sodôm, e Gómɔr ti e bʉr o b'á di ɨ́ bwá bínkana byé á be ɨ́ mepʉ́la mɔ́ɔ́ bá. Bʉr baá, bé á si bɛ́ma bé bʉr o tɨ̂ʼ lɨ́ esâ bímolá. Bé á si syɛŋa bijoó e mbi mʉ̂r bé dí abe lɨ́ ekœb ɨ́ joó wɨ́. Nó ó, bé á si ka bi bintɨ́ʼá ɨ́ siʼe dí edúǒ kɔ́m ti e kɔ́m yɨ́. Nzyɛ̌m á sâ bé syɛ́ɛla yaá ó, lɨ́ elɛ̂ʼle bʉ̂r bɨ́bɛ̂h mveʼle.

Kálara Zyɛ̌m Edwán é mpʉ̌n

⁷ Sa lɛl, yé ó, toŋla ga nteme bʉr o Sodɔm e Gomɔr, ndwe e bʉr o b'a di é bwa bɨnkana byé a be é nkɔra yaa ɛ. Bʉr baa, bé a si sa bɨmala, le edu mbi bʉr bé ndɨ ajala le ekœb é duo e. Bé a ka bi bɨntɨʼa ó, é siʼe tʉŋlʉ, yaa lé eduo njʉmdia e njʉmdia ɛ. Zyɛm a sa syɛɛla yaa ó, lé elɛʼle mpʉ bʉr ofih, bé ósia nteme e bɨntɨʼa é siʼe yaa ɛ.

Yʉ̂d 1:7 Iomraidhean Croise

Mataos 10:15

Mě lɛ́ɛ́ bɨ́n lɨ́ otyeetye ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, ntɨ́ʼá le mekpaa bʉ̂r o bínkana le mekwár maá ngá bi bí, byé óbe ó, laa byaá mé Sodôm e Gómɔr.»

Mataos 11:24

Sá tɨ̂ʼ ó mé dí elɛ́ɛ bɨ́n ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, Sidɔ̂n, yé ábuú dweŋɔɔ bíntɨ́ʼá mpʉ gô, Kapernáʉm.»

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Lʉkas 17:29

Ɨ́ móhó Lôt á duho Sodôm wɨ́, siʼe ti e pir, byé á si duho ɨ́ jʉ́o kʉ́, swɨɨ bɨ́bɛ̂h ɨ́ menyʉ̂l mpʉ métó mé mpíé, dímle bɨ́bɛ̂h.

1 Korɛnt 6:9

Bɨ̌n bé lɨ́ egʉ́ǎ tyeetye ó, osyɛ̂l o mísyóm, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́. Mʉ̌r sá ajéʼě sɨ̂: ntʉ mʉ̂r nyɨnyɛ̂h dí e nkɔb ɨ́ Mpóʼo mé Nzyɛ̌m. Bʉr o sâ bímolá bá, baá o dí edwe bíkpɛʼkpɛ̂ʼ bí ónzyɛ̌m kûm bá, osyɛ̂l o médyɛ̂n, otɛba o bʉ́rʉ̂m, bʉrʉ̂m bé dí etɛb bá,

2 Tesalonika 1:7

Yé ntémé, yé óbe ó syɛ́ɛla mpâ ɨ́ jɔʼ nyé ódwe mɨ́ná gá óbɛ̂h egbalá píe bintɨ́ʼá bín yɨ́, ebě, mɨná bé ógbala gá ɨ́ jɔ̌ʼ Tî Yésʉs ónyɨ̂n, duho ɨ́ jʉ́o kʉ́ yɨ́. Bé e beéngeles bé, baá o dí ɨ́ lele ménkul bá, bé ópyâl ɨ́ njʉ̌l siʼe tʉ́ŋlʉ̌.

2 Tesalonika 1:8

Bé e boo nɔ́ɔ́, bé ónze, nzě dwe mínjéʼe-Nzyɛ̌m bintɨ́ʼá, bé e bʉr o b'á be asâ mejóʼo ɨ́ jɔʼ bé á jóʼo Mbɨambɨa Lɔ́ɔ́ mé Tî Yésʉs yɨ́ bá.

2 Pyɛr 2:2

Kʉ̌ tyen wɔ́ɔ́ ntémé, wé ódímle bʉ̂r ɨ́ buo buo, ebě, bʉr oswîh, bé ósâ bímolá nzam le ekomo lɨ́ ebaŋa byê. Sá tɨ̂ʼ ó ngá tíne bʉ̂r ó, bé swéʼee díé é búʼó gá yɨ́ná, dí le otyeetye yɨ́.

2 Pyɛr 2:6

Nzyɛ̌m á si dwe binkana bí Sodôm e Gómɔr bintɨ́ʼá, nye nzě dîʼ byé, dwir byé meswií. Nó, nye á sâ mpʉ́nʉ̌ ó, lɨ́ edwe mɨ́ná gá mveʼle édû. Minjéʼe-Nzyɛ̌m, myé ósûʼla ntémé ó njɨ jwɨʼ gwár yaá.

2 Pyɛr 3:7

Lwǐb mé Nzyɛ̌m gwár e gwár yaá ó dí ebaʼlě jʉ́o, le ejwoo le sí. Yé óbaʼle byé ó, tó pyâl ɨ́ móhó étíʼ é mílɔ̌b. Byé odíʼɔɔ. Minjéʼe-Nzyɛ̌m, myé ódwe ɨ́ móhó waá.