Yʉ̂d 1:1 - Kálar Nzyɛ̌m : Ejwán é Sáá

¹ Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

Kálara Zyɛ̌m Edwán é mpʉ̌n

¹ Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Yʉ̂d 1:1 Iomraidhean Croise

Mataos 10:3

Philippe bé e Barthélemy, Thomas bé e Matthieu (mʉr á be lɨ́ enʉǎ mɔnɨ́ tœ́a nyá), Jacques, mwân mé Alfê, Tadê,

Mataos 13:55

Ntʉ mwân mé kábína nyâʼ ǎ? Ntʉ̌ Maria dí nyɔ̌ŋ ɨ́? Jacques, Yóseb, Simon, bé e Yʉ̂d, bé abe bɨ́ɔɔ́ bé?

Markus 3:18

Nye á twâr ntémé ó André, Philippe, Barthélemy, Matthieu, Thomas, Jacques (mwân mé Alfê), Tadê, Simon “Kɔmlʉ kwár”,

Markus 6:3

Ntʉ nyé dí wâʼ kábína nyá ɛ́? Ntʉ mwân mé Maria nyâʼ ɛ̌? Mɨ́ɔɔ́ mé Jacques, Yóse, Yʉ̂d ndu e Simon ɛ̌? Ntʉ ókɛ́l bé dí wâʼ ɨ́ sɔ́má gá yɨ́ná yɨ̂ʼ bâʼ ɛ̌?» Syɛ́ɛla yaá nzě bɨm bé ebɔ̌ʼ ɨ́ miléme, ntɔ̂ʼ benɔɔ nyê.

Lʉkas 6:16

bé e Yʉ́da, mwân mé Jacques, le Yʉ́das Iskariôt, mʉr á bɛ́ma nye nyá.

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Yʉanes 14:22

Yʉ̂d (abě Yʉ́das Iskariôt nyá), nye e né ó: «Dâ ɛ̌, go ójaá pipyâl njɨ kwá nyɨ́h, apyâl kwá bʉr ó sí yɨ̂ʼ ɨ́ yé ɛ́?»

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

Yʉanes 17:15

Mé ajɨʼla ó, go pɛ́ʼɛɛ bé ɨ́ sí yɨ̂. Mě jaá jɨʼla ó, njɨ go kámlaa e bé ɨ́ páʼ mé Bɨ́bla mʉ̂r.

Yʉanes 17:17

Sáʼ ó, bé díʼee kwahaá bʉr bô ntinɨ̂ e ntinɨ̂ lɨ́ otyeetye. Lwǐb yô, yé ó tyeetye.

Yʉanes 17:19

Me lɨ́ etímle gó twiʼ yâm yɨ́yɛ̂h ó, bé nkʉ̂ be bʉ̂r bô, lɨ́ otyeetye tʉ́ŋlʉ̌.

Yʉanes 6:39

Mʉr á ntɨh me nyá, nyě gwɨ́m ó, me ayɨ́ dímle mʉ̂r ngwár ɨ́ sɔ́má bʉ̂r o nyé á dwe me bá. Nyě gwɨ́m ó, me pɛ́ʼɛɛ bé lɨ́ eswie, pɛh bé ɨ́ móhó ésúʼlá é kʉ́ e sí.

Mɨlʉmlʉ 1:13

Jɔʼ bé á pyâl gʉ̂ʼ yɨ́, bê nzě bére ɨ́ ntɔ́ɔ tólóm mbɛ̌r bé á boo didi tɨ̂ʼ nyɨ́. Bé á be ó: Pétrus, Yʉánɛs, Jacques ti e André, Philippe ti e Thomas, Barthélemy ti e Matthieu, Jacques, mwân mé Alfê, Simon “Kɔmlʉ kwár” ti e Yʉ̂d, mwân mé Jacques.

Mɨlʉmlʉ 20:32

«Nó ó, ɨ́ báánâ, me lɨ́ etímle bɨ́n ɨ́ mebó mé Nzyɛ̌m. Nyɨ́ lɛ̂ʼle bɨ́n mpam nyé e nzɨ̌ mekǎn mé. Nye bâʼlaa bɨ̌n e mekǎn maá. Mé e nkul elɨl bɨ́n ɨ́ búʼó le edwe bɨ́n nkɔb bilíʼe jwɨʼ gwár e gwár e baá bɨ́bɛ̂h dí egúmo e né bá.

Mɨlʉmlʉ 27:23

Ebě, ɨ́ pum wɨ̂ʼ mûh, éngeles mé Nzyɛ̌m, mʉr mé dí egúmo e né, waá mé dí eséǎ syɛ́ɛ́ yé nyá, nye sí nzě gúmó mê bé yɨ́.

Rôm 1:1

Yé ó mɛm Pɔ̂l, syɛ̂l mesâ mé Yésʉs-Krîst ó dí ecɛma bɨ́n mekaná mâ. Nzyɛ̌m á twâr me ó, me díʼee mʉr milʉ́mlʉ́ wé. Nye á tyêl me lɨ́ empah ó, me tôʼ le etúnǒ Mbɨambɨa Lɔ́ɔ́ wé.

Rôm 1:6

Bɨ̌n ntémé, bé ɨ́ tólɔ́ɔ bʉr baá, ebě, Yésʉs-Krîst á jébe bɨ̌n ó, bɨ̌n dyɛ̂ʼwaa e né.

Rôm 16:18

Mimbi mi bʉ̂r myaá, ntʉ Tî gá wɨ́ná Krîst bé dí eséa. Bé jaá séǎ syɛ́ɛ́ ó, njɨ lɨ́ esú é mímo myɔ́ɔ́. Bé lɨ́ edímle bʉ̂r o dína apǎ gʉ́a ébɛ̂ʼ páʼ émbɨa le ebébe bá, e nzɨ̌ lwǐb mépɨʼ ti e meswɨ̂ʼlʉ.

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

Rôm 8:30

Bʉr o nyé á boo twâr bá, bé ó nyé á jébe bá. Baá nyé á jébe bá, bé ó nyé á dwe nkam ɨ́ míh mé bá. Bʉr o nyé á dwe nkam bá, bé ó nyé á dwe ntémé kûm bá.

Rôm 9:24

Nzyɛ̌m á jébe ó, mɨná gâ: le oYúden, le bʉr o dí abe óYúden bá.

1 Korɛnt 1:2

Yésʉs-Krîst á si pubo bɨ̌n. Nzyɛ̌m á jébe bɨ̌n ó, bɨ̌n díʼee bʉr o dí egúmo e né bá, bɨ̌n e bʉr bɨ́bɛ̂h o dí ekɛn díé mé Tî gá wɨ́ná, Yésʉs-Krîst bigúmo bigúmo bá. Nye ó njwɨ́ɨ gá wɨ́ná le onɔ́ɔ́.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

1 Tesalonika 2:12

Bɨ̌h bé á si cɨ̂l bɨ̌n, le epóblo bɨ́n, le eboʼlo ó, bɨ̌n bé ɨ́ jala le edû kʉ̌ tyěn Nzyɛ̌m dí ekpɛl wɨ́. Tiʼaa gá nó, ebě, nye á jébe bɨ̌n ó, bɨ̌n níʼee ɨ́ Mpóʼo nyé, gúmó kûm nyé dí yɨ́.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

2 Timotɛ 1:9

Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

2 Timotɛ 4:18

Tî gá wɨ́ná ótô le etítíʼ mé nó, ɨ́ jɔʼ yɨ́yɛ̂h bé ólɛ́ɛ ó, bé sá ó me ebébe yɨ́. Nye ósâ ó, me pyálaa ɨ́ Mpóʼo nyé, nyaá dí ɨ́ jʉ́o kʉ́ nyɨ́. Nye dwéŋɔɔ kûm njʉ̌m dǐ e njʉ̌m dǐ. Amɛn.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Jacques 1:1

Yé ó mɛm Jacques, syɛ̂l mesâ mé Nzyɛ̌m le Tî Yésʉs-Krîst ó dí ecɛma bɨ́n mekaná mâ. Me lɨ́ esoho bɨ́n, bʉr o ménzweh kám e mebá mû mingbɛhá míngbɛhá ɨ́ sí yɨ́yɛ̂h bá.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

1 Pyɛr 1:5

Nzyɛ̌m mû baʼle bícwiʼ bín ó e nkul nyé, ebe bɨ́n dí edyɛ̂ʼwo e né yɨ́. Nyě baʼlé mɨ́ná gá ó, lɨ́ esú lé édwe mɨ́ná gá twǐʼ njʉ̌m dǐ. Twiʼ yaá ó dí ebóno mɨ́ná gá yɨ́. Nye ólɛ̂ʼle bʉ̂r bɨ́bɛ̂h yǎ ó, lɨ́ elú lé ósûʼla lɨ́.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Yʉ̂d 1:21

Baʼlaa gá bicwiʼ bín, lɨ́ edi baá Nzyɛ̌m dí ekpɛl bá. Bɨ̌n e bónó móhó Tî gá wɨ́ná Yésʉs-Krîst ngá báʼǎ nze wɨ́. Nye ónze ó, nzě jɨ̂ʼ mɨ́ná gá nkoó. Bónáá gá nye. Nye ódi e bɨ̌n ó, tô tóʼ, tó pyâl pyáláa ɨ́ twǐʼ njʉ̌m dǐ.

Yʉ̂d 1:3

Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.