Lʉkas 9:7 - Kálar Nzyɛ̌m : Ejwán é Sáá

⁷ Ngóvina Erôd á be ɨ́ jóʼǒ lɔ́ɔ bísá bíbyɛ̂h byé á syɛ́ɛ bí. Nye á bé agʉ́ǎ twehle tɨ̂, ebě, bâʼ bʉ̂r, bé á lɨlɛ́ɛ ó: «Yʉánɛs Ndubʉr, nyɨ́ pah!»

Kálara Zyɛ̌m Edwán é mpʉ̌n

⁷ Njwɨɨbʉr Erod Antɨpas a be ó si joʼo lɔɔ bɨsa bibyɛh byé a dɨ syɛɛlɨ ɨ. Nye a baagʉa ndumlo tɨ, ebe, baʼ bʉr, bé a lɛɛ-lɛɛ ó: «Yʉanes, nyi pàh é foo!»

Lʉkas 9:7 Iomraidhean Croise

Mataos 11:2

Jɔ̌ʼ Yʉánɛs Ndubʉr á be ɨ́ mbɛ̌r mímbʉʼ yɨ́, nye á si jóʼo lɔ́ɔ wé á dumo e bisyɛ́ɛla mé Krîst wɨ́. Nó nyé á lómo bʉ́ʉ́ ómpʉ́n, bé tôʼ nkǒ Yésʉs á be yɨ́, ó bé tôʼ dî e né ó:

Markus 8:28

Ompʉ́n bé ntɔ̂ʼ yala ó: «Bâʼ bʉ̂r, bé lɛ́ɛ́ ó, go ó Yʉánɛs Ndubʉr. Bʉ́ʉ́, bé ó, go ó Elie. Bʉ́ʉ́ ntémé, bé ó, go ó nyʉ́ʉ́ ngwíha milɔ̌b mé Nzyɛ̌m.»

Lʉkas 13:31

Jɔʼ yaá ó bʉ́ʉ́ óFarizyɛ̂n, bé á pyâl gúmó Yésʉs á be yɨ́. Bé e né ó: «Duhaa wâ. Go e tó gúmo swîh, ebě, Erôd, nye lɨ́ edǐ jʉ̂ gô!»

Lʉkas 21:25

«Mesimá, mé ósyɛ́ɛ ɨ́ dʉ́o, le lɨ́ álomó le lɨ́ ocwícwén. Obóʼó ó mâŋ, wé ópɨ̂ʼla le eduo, ntaa sʉ́ŋa. Bʉr o bíkúl bí sí yɨ̂ʼ bɨ́bɛ̂h, bé ójóʼo bʉ́á, miléme ɨ́ mo ɨ́ nzamá.

Lʉkas 23:7

Jɔʼ nyé á gʉ́a ó, Yésʉs á duhǒ sí Erôd á be lɨ́ ejwɨ́ɨ yɨ́, nye ntɔ̂ʼ tyen nyé kwá mé Erôd. Erôd ntémé á be ó ɨ́ Yerʉ́zalɛm ɨ́ melû maá.

Lʉkas 3:1

Yé á be ó ɨ́ mbû kám e tɛ̂n Kɛ́ɛza Tibɛ́rios á tyɛ̂b njwɨ́ɨ yɨ́. Pɔ́ŋtus Pilátos á be ó ngóvina ɨ́ sí Yʉ́da; Erôd nyɨɛ, ɨ́ sí Galilê. Mɨ́ɔɔ́ wé Philippe á be lɨ́ ejwɨ́ɨ mésí mé Itwirê ndu e Trakónitos. Lisanías nyɨɛ á jwɨ́ɨ ó, sí Abilên.

Lʉkas 9:19

Ompʉ́n, bé ntɔ̂ʼ yala ó: «Bâʼ, bé lɨ́ elɛ́ɛ ó, go ó Yʉánɛs Ndubʉr. Bʉ́ʉ́, bé ó, go ó Elie. Bʉ́ʉ́ ntémé, bé ó, go ó nyʉ́ʉ́ ngwíha milɔ̌b mé Nzyɛ̌m á boo dwe, ntɔ̂ʼ báʼǎ pah nyá.»