Lʉkas 9:48 - Kálar Nzyɛ̌m : Ejwán é Sáá

⁴⁸ Nye nzě lɛ́ɛ e bé ó: «Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyɨ́ nʉa mé mʉr tɨ̂. Mʉr nʉ́á mé nyá, nyɨ́ nʉa ntémé mʉr á ntɨh me nyá. Ɨ́ sɔ́má yɨ́n, mʉr bɨ́n bɨɛ béé ó, nye ó dí ɨ́ buú twâʼwo nyá ó dí waá láá bɨ́n bɨ́bɛ̂h nyá.»

Kálara Zyɛ̌m Edwán é mpʉ̌n

⁴⁸ Nye ze lɛɛ e be ó: «Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. Mʉr bɨlan e me e, nyi bɨlan nteme e mʉr a ntɨh me e. É l'esama lɨn, mʉr bɨn bɛɛ lé ebee ó, nye ó ndɨ é bul twaʼbe e, nye ó ndɨ waa lé elaa bɨn bɨbɛh ɛ!»

Lʉkas 9:48 Iomraidhean Croise

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Mataos 18:14

Nó ntémé, gwɨ́má mé Sɔ́ŋ wɨ́n dí ɨ́ jʉ́o kʉ́ nyá, yé abe ó, nye dímlaa mwân ngwár ɨ́ bwán bé.»

Mataos 19:28

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n, baá o dí edû mé bá, ɨ́ jɔʼ Mwân mé Mʉr ngá di ɨ́ mecwɨ́ɨ́ mé kûm ɨ́ sí dwân yɨ́, bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n kám e mebá. Bɨ̌n bé ótíʼe ménzweh mé Ɨ́zraɛ̂l kám e mebá milɔ̌b.

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mataos 25:45

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á be asâ mʉr ngwár ɨ́ sɔ́má bʉ̂r bâʼ embɨa yɨ́, damá jóʼo ó, nye á be ó waá dí agbáŋɔɔ ɨ́ nkɔb nyá, gúmo yaá ntémé ó bɨ́n á be asâ me embɨa yɨ́.”

Markus 9:37

«Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyě nʉá ó me mʉr tɨ̂. Mʉr nʉ́á mé nyá, nyé anʉa mé e me; nyě nʉá ntémé ó, mʉr á ntɨh me nyá.»

Lʉkas 10:16

Nye nzě lɛ́ɛ le ompʉ́n bé ó: «Waá sá bɨ́n mejóʼo nyá, nyɨ́ jóʼo mê. Waá ntémé béné bɨ́n nyá, nyɨ́ bene ntémé me. Ntémé, waá béné mé nyá, nyɨ́ bene mʉ̂r á ntɨh me nyá.»

Lʉkas 14:11

Ebě, mʉr dí enkɛ́ɛ nyʉ̂l nyá, ósulɔɔ sí. Mʉr waá dí ejɔr nyʉ̂l nyé nyá, óbɨ́nɔɔ kʉ́.»

Lʉkas 22:26

Sâ gwár, páʼ nyɨ́n, yé abe nó. Mʉr láá bɨ́n bɨ́bɛ̂h nyá, nye ɨ́ jala le ebe ó mpʉ mâ ntwǒm. Bʉr o dí ejwɨ́ɨ bɨ́n bá, bé ɨ́ jala le enyɨ̂n mpʉ baá o dí eka bʉ́ʉ́ mede bá.

Lʉkas 22:30

lɨ́ esú ó, bɨ̌n dêʼ mede le menyoʼ ɨ́ téble wǎm, ɨ́ Mpóʼo mé ngá jwɨ́ɨ nyɨ́. Bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n tɨ̂, lɨ́ etíʼe ménzweh mé Ɨ́zraɛ̂l kám e mebá milɔ̌b.»

Lʉkas 7:28

Yésʉs, nye e bé ó: «Me lɨ́ elɛ́ɛ bɨ́n ó, ɨ́ páʼ bʉ̂r bɨ́bɛ̂h o mû sí byɛ̂l ɨ́ sí yɨ̂ʼ bá, yé abe e mʉr dí entaǎ Yʉánɛs. Damá jóʼo nó, mʉr dí agbáŋɔɔ ɨ́ nkɔb ɨ́ Mpóʼo mé Nzyɛ̌m nyá, nyě e kûm, laa nyê.»

Yʉanes 13:20

Mě lɛ́ɛ́ bɨ́n lɨ́ otyeetye ó, mʉr dí enʉa mʉ̂r mé dí elómo nyá, nyě nʉá ntémé ó me. Nó ntémé, mʉr dí enʉa mé nyá, nyě nʉá ó, mʉr á ntɨh me nyá.»

Yʉanes 14:21

«Mʉr dí ejóʼo métié mâm le ebaʼle mé nyá ó dí ekpɛl mê. Sɔ́ŋ wǎm ntémé ókpɛl nyê. Me mʉr tɨ̂ʼ ntémé ókpɛl nyê. Me ópîpyal kwá nyé.»

1 Tesalonika 4:8

Nó ó, baá o dí epyêh métwɨ́ɨ́ mâʼ ɨ́ lɔ̌b nɨ̌ bá, bé apyêh mʉ̂r. Bé pyéh ó Nzyɛ̌m, waá dí entɨh bɨ́n Sísǐm wé nyá.

1 Pyɛr 5:6

Jɔrɨɨ gá menyʉ̂l e Nzyɛ̌m. Nyě jwɨ́ɨ́ bʉ̂r ó sí yɨ̂ʼ ó e nkul ɨ́ buo buo. Bɨ́n jɔ́r ményʉ̂l e né nó, nyé ogbɛl bɨ́n sí ɨ́ jɔʼ nyé á pa boo tíʼe ó, nye ótíʼ bɨ́n yɨ́.

Mɨngwiha 21:14

Bé á si gbâ mekóʼ kám e mebá tʉ́ŋlʉ̌ kôʼ waá. Bé á be ó sí cɛma míé mé bʉ̂r o mílʉ́mlʉ́ kám le obá Mâ Nteme á títye e bé bá, ɨ́ mekóʼ maá.

Mɨngwiha 3:21

“Mʉr óntaa, búla le onkɔ́ɔ́ nyá, me ódwe nyé nkul ó, bɨ̌h e nɔ́ɔ́ díʼee diá gwár ɨ́ mecwɨ́ɨ́ mé jwɨ́ɨ́ yâm, ebě, mɛm ntémé, me á si ntaa, búla e wâm ónkɔ́ɔ́. Me á si di sí bǎʼ e Sɔ́ŋ wǎm ɨ́ mecwɨ́ɨ́ mé jwɨ́ɨ́ yé.”