Lʉkas 9:43 - Kálar Nzyɛ̌m : Ejwán é Sáá

⁴³ Ekɛ̂n, lé á si swɨɨ bɨ́bɛ̂h ɨ́ nyʉ̂l ɨ́ lɔ̌b mbeá bé á bee baánɨ̂nɨ̂n o bísyɛ́ɛla mé Nzyɛ̌m wɨ́. Bʉr bɨ́bɛ̂h, bé á be náǎ ó lɨ́ ekâm bísyɛ́ɛla bíbyɛ̂h Yésʉs á sâ bí. Yésʉs ntɔ̂ʼ lɛ́ɛ le ompʉ́n bé ó:

Kálara Zyɛ̌m Edwán é mpʉ̌n

⁴³ Bɨbɛh, bé a si di é jehe lé ebee bɨsyɛɛla bɨnɨnɨ mo Zyɛm. Bʉr bɨbɛh, bé a be tina ó lé ekʉ jehe bɨsyɛɛla bibyɛh Yesʉs a sa ɛ. Yesʉs ntɔʼ lɛɛ e l'ompʉn be ó:

Lʉkas 9:43 Iomraidhean Croise

Mataos 17:22

Jɔʼ bé á be, bé dína lɨ́ etye ɨ́ sí Galilê yɨ́, Yésʉs, nye e bé ó: «Mwân mé Mʉr mû ó kúno ebɛ́mɔɔ kwá bʉr o ngá jʉ̂ nyé bá.

Markus 6:51

Nó mpʉ nyé á to kalwo ɨ́ byɛ̂l yɨ́, pubó ntɔ̂ʼ síe, ompʉ́n bé, nzě buú kâm sâ yaá ɨ́ buo buo.

Lʉkas 18:43

Tyé e tyé yaá, nye ntɔ̂ʼ bánǎ bee, nzě nî ɨ́ sɔ́má mé Yésʉs, le egúmlǒ Nzyɛ̌m. Bʉr baá bɨ́bɛ̂h, ɨ́ jɔʼ bé á bee syɛ́ɛla yaá yɨ́, bé ntɔ̂ʼ gúmlǒ Nzyɛ̌m.

Lʉkas 4:36

Bʉr bɨ́bɛ̂h nzě kâm, nzě gɔ́na le elwibla páʼ nyɔ́ɔ́ ó: «Wɨ̂ʼ mbi mékǎn duho wó? Nyě e nkul jwɨ́ɨ dí ó, nye lɨ́ ejwɨ́ɨ mímbɨ́a mísísǐm, myê bánǎ duho!»

Lʉkas 5:26

Bʉr bɨ́bɛ̂h, bé á si kâm syɛ́ɛla yaá, ntɔ̂ʼ dwě Nzyɛ̌m kûm, le ejóʼo bʉ́á. Bé ó: «Mɨná bɨ́ bee gá bisá bí ékâm mûh!»

Lʉkas 5:9

Simon á be ó lɨ́ ejóʼo ékɛ̂n ɨ́ buo buo. Bʉr o bé le onɔ́ɔ́ bé á be bá, bé ntémé, bé á si jóʼo ekɛ̂n jwɨʼ gwár yaá, ebě, osû bé á ka jʉ̂ bá, bé á be ɨ́ buú buo.

Lʉkas 8:25

Yésʉs, nye le ompʉ́n bé ó: «Búʼó yɨ́n, yê nkoó?» Bê nzě jóʼo bʉ́á le ekɛ̂n ɨ́ buo buo, ntɔ̂ʼ lɛ́ɛla páʼ nyɔ́ɔ́ ó: «Wɨ̂ʼ mbi mʉ̂r, wê nzé, dí, nyé sí lwib nɛ́ɛ: onkúo le obóʼó ó mâŋ, byé bánǎ sâ nyé mejóʼo nyâʼ ɛ̌?»

Lʉkas 9:42

Mpʉ mwân waá á ka pyâl bǎʼ e Yésʉs yɨ́, eleme ntɔ̂ʼ ntyeŋ mwân ɨ́ guʼ guʼ, nkɛŋ nyé sí. Yésʉs nzě nkáŋla e mbɨ́ǎ sísǐm waá, wé ntɔ̂ʼ duho. Yésʉs nzě tiʼ mwân, ntɔ̂ʼ tímle sɔ́ŋ nyǎ.

2 Pyɛr 1:16

Ebě, ɨ́ jɔʼ bɨ́h á dwe bɨ̌n lɛ́ʼlá dí edumo e nzéá dí lwɨ́ŋlá e nkul mé Tî gá wɨ́ná Yésʉs-Krîst wɨ́ yɨ́, bɨ̌h bé á bé akala bɨ́n bikɨkɛna bʉ̂r bé á kûhlo e pɨʼ nyɔ́ɔ́ bí. Lɛ́ʼlá wɨ́h waá, wé á bɔma ó e mboʼlá wɨ́h, bɨ̌h bʉr o b'á bee mpwaʼ nyé bá.