Lʉkas 9:30 - Kálar Nzyɛ̌m : Ejwán é Sáá

³⁰ Kǎ saʼ nɛ́ɛ: bʉ́ʉ́ bʉ̂r obá nzě nyɨ̂n bǎʼ e né, bɨ́bɛ̂h lɨ́ elɛ́ɛla. Bɨ́ɛ, bé á be ó Moyɨ̂z, bé le Elie.

Kálara Zyɛ̌m Edwán é mpʉ̌n

³⁰ Ngbaa le eka be nɛʼɛ, bʉʉ bʉrʉm oba ze nyin kunokuno e nye, bé e boo nɔɔ lé elɛɛla. Yé a be ó Moyiz bé e Élie.

Lʉkas 9:30 Iomraidhean Croise

Yʉanes 1:17

Nzyɛ̌m á tyêl mɨná gá metié ndu e l'egbâ mémpéné ó, cɨɨ ɨ́ nzɨ̌ mé Moyɨ̂z. Nó ó, mpam nyé le otyeetye bíɛ, byé á nze ɨ́ mɨná gá ó, cɨɨ ɨ́ nzɨ̌ mé Yésʉs-Krîst.

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Lʉkas 24:27

Nye nzě nyɛl épâʼlǎ sá yɨ́yɛ̂h yé á be cɛmá ɨ́ Mekaná mé Nzyɛ̌m, dumo e né yɨ́, táare lɨ́ mekaná mé Moyɨ̂z, kumo e maá ógwíha o mílɔ̌b bé, bé á cɛma má.

Lʉkas 9:19

Ompʉ́n, bé ntɔ̂ʼ yala ó: «Bâʼ, bé lɨ́ elɛ́ɛ ó, go ó Yʉánɛs Ndubʉr. Bʉ́ʉ́, bé ó, go ó Elie. Bʉ́ʉ́ ntémé, bé ó, go ó nyʉ́ʉ́ ngwíha milɔ̌b mé Nzyɛ̌m á boo dwe, ntɔ̂ʼ báʼǎ pah nyá.»

Lʉkas 1:17

Nye ó Nzyɛ̌m ngá lómo ésôʼ nyá. Nye óbe ó lwɨ́ŋlá e Sísǐm mé Nzyɛ̌m ndu e nkul, mbi ngwíha milɔ̌b Elie á be wɨ́. Nye ónzě sâ ó, osɔ́ŋ bé e bwân, bé kwɨ́mlɨɨ páʼ nyɔ́ɔ́. Nye ótɨ́e bʉ̂r o dí egbɔba e Nzyɛ̌m bá ó, bé twólwaa mpʉ ótîtyěl o bʉ̂r. Nó nyé ósâ ó, kúl bʉ̂r o b'Ɨ́zraɛ̂l, yé díʼee kʉmsá, lɨ́ egwá dwě Nzyɛ̌m kûm.»

Lʉkas 9:29

Jɔ̌ʼ Yésʉs á be, nye mû lɨ́ ejɨʼla yɨ́, mpǒm nyé ndu e mikán myé, byé ntɔ̂ʼ dwira. Bíbyɛ̂h mû kwahaá ɨ́ pumo pumo.

Lʉkas 9:31

Bé á nyɨ̂n ntémé ó e mentyɛnwa. Bé á be lɨ́ elɛ́ɛla ɨ́ mpʉ̌ Yésʉs ngá dwe ɨ́ Yerʉ́zalɛm yɨ́.